ဘာစာမှမပါတဲ့ စာရွက်တင်ခဲ့သော်လည်း စာမေးပွဲမှာ ပထမဆုရခဲ့တဲ့ ကောင်မလေး

Twitter-Eimi Haga

ဘာစာမှမပါတဲ့ စာရွက်ကြီးတင်တာတောင် ကိုယ်ပျောက်အက်ဆေးဆိုပြီး ဘာကြောင့် ပထမဆုကိုကြံကြံဖန်ဖန်ပေးခဲ့သလဲဆိုပြီး သိချင်နေကြပါပြီလား။ အကြောင်းအရင်းကတော့ ဒီလိုပါတဲ့။

Eimi Haga ဟာ ကျောင်းသူဘဝတုန်းက ဂျပန် anime တွေ၊ ရုပ်ရှင်တွေကိုကြည့်ရင် ဂျပန်နိုင်ငံရဲ့ရိုးရာအမွေအနှစ်ယာဉ်ကျေးမှုတစ်ခုဖြစ်တဲ့ နင်ဂျာတွေကို သိပ်ပြီး ဂုဏ်ယူအားကျမိခဲ့ပါတယ်။ ဒါကြောင့်လည်း သူမကြီးလာခဲ့ရင် နင်ဂျာတစ်ယောက်ဖြစ်ရမယ်ဆိုပြီး စိတ်ထဲမှာ တေးထားခဲ့ပါတယ်တဲ့။ တက္ကသိုလ်တက်တဲ့အရွယ်လည်းရောက်လာရော Mei တက္ကသိုလ်ဝင်ခွင့်ကိုလျှောက်ထားကာ ပထမနှစ်မှာတင် နင်ဂျာသမိုင်းဘာသာရပ်ကိုယူကာ ပညာသင်ကြားခဲ့ပါတယ်။

Twitter-Eimi Haga

အဲဒီဘာသာရပ်မှာ စာသင်ပြပေးနေသူကတော့ ပရော်ဖက်ဆာ Yuji Yamada ပါ။ ဆရာဟာ တပည့်တွေကို နှစ်တိုင်းလိုလို ဗဟုသုတနဲ့ဥာဏ်ပညာရေးရာတို့မှာ စမ်းသပ်ဖို့စာမေးပွဲတွေကို ဖြေခိုင်းလေ့ရှိရာ အဲဒီအထဲမှာမှ အက်ဆေးရေးခိုင်းတဲ့နည်းလမ်းကတော့ လက်အဝဝင်ဆုံး စမ်းသပ်မှုပါပဲ။ အကြောင်းကတော့ အက်ဆေးကို ရိုးရိုးတမ်းတမ်းရေးခိုင်းတာမျိုးမဟုတ်ဘဲ သာမန်လူတစ်ယောက် ရုတ်တရက်ဖန်လိုက်ရင် လုံးဝမဖတ်နိုင်မယ့် လျှို့ဝှက်နည်းလမ်းမျိုးတွေနဲ့ ရေးခိုင်းခဲ့တာပါ။

READ
လူအယောက်(၄၀၀) ကို အပျော်သတ်မယ်ဆိုပြီး သေနတ်ဝယ်ထားတဲ့ ဆယ်ကျော်သက်

ဒီလိုစာမေးပွဲစစ်တဲ့အခါ Yuji Yamada ရဲ့ ကျောင်းသားတွေစာ အမျိုးမျိုးသော လျှို့ဝှက်စာတွေကိုသုံးပြီးသာ ရေးကြတာများပေမယ့်လို့ Emi Haga ကတော့ ရှေးဟောင်းနင်ဂျာတွေသုံးတဲ့ ရိုးရာနည်းလမ်းတစ်ခုနဲ့ အက်ဆေးကိုရေးသားခဲ့တာပါ။ နည်ါးလမ်းကတော့ aburidashi လို့ခေါ်ပါတယ်။ ကိုယ်ပျောက်စာသုံးပြီး အချင်းချင်းသတင်းပို့ကြတာပါ။ ဒီလိုကိုယ်ပျောက်စာဖြစ်ဖို့အတွက် အရေးအကြီးဆုံးကတော့ စာရေးတဲ့မင်ပါပဲ။ ကိုယ်ပျောက်မင်ကိုရဖို့အတွက် ပဲပိစပ်ကို တစ်ညလောက်ရေစိမ်ကာ နောက်တစ်ရက်မှာ ပိတ်ပါးစထဲထည့်ပြီး အရည်နှစ်မှားရအောင် ညှစ်ပေးရတာပါတဲ့။ နောက်မှာတော့ ရလာတဲ့ပဲပိစပ်အရည်နဲ့ ရေနဲ့ကို အညွှန်းအတိုင်း တိကျစွာရောကာ ထပ် နှပ်ထားရပါသေးတယ်။ ဒီအရည်ကို washi လို့ခေါ်တဲ့ ဂျပန်စက္ကူပါးပေါ်မှာ စုတ်တံနဲ့ချရေးလိုက်ရုံပါပဲ။ ရေးရေးချင်းမှာတော့ စာတွေကိုမြင်နေရမှာဖြစ်ပြီး အခြောက်ခံလိုက်တဲ့ခါ စာတွေဟာ စာရွက်ပေါ်မှာ လုံးဝအရှင်းပျောက်သွားမှာဖြစ်တာကြောင့် တော်ရုံလုံးဝမြင်ရတော့မှာမဟုတ်တော့ပါဘူး။ စာတွေပြန်ပေါ်ချင်တယ်ဆိုရင်တော့ စာရွက်ကို အပူပေးလိုက်မှပါမှာပါ။

Twitter-Eimi Haga

Emi Haga ဟာ ဒီနည်းလမ်းအတိုင်း အက်ဆေးကိုတင်ခဲ့ပေမယ့်လို့ စာတွေဘာမှမပါဘဲ စာရွက်ပေးတယ်ဆိုပြီး ဆရာရဲ့အထင်လွဲခြင်းကို ခံရမှာဆိုးတဲ့အတွက် စာရွက်မှာ ရိုးရိုးမင်နဲ့ “အပူပေးပါ” လို့တော့ တပ်ခဲ့ပါတယ်တဲ့။ ပါမေက္ခ Yuji Yamada ဟာ အိမ်ရောက်တဲ့အခါ Emi Haga ရဲ့ စာရွက်ကို ဂတ်စ်မီးဖိုပေါ်တင်ပြီး အပူပေးလိုက်တဲ့အခါမှာတော့ စာလုံးတွေကို ကြည်လင်ပြတ်သားစွာ ထင်ထင်ရှားရှားနဲ့မြင်ခဲ့ရပါတော့တယ်တဲ့။ သူ့ရဲ့သက်တမ်းတစ်လျှောက်မှာ ဒီလိုအက်ဆေးတွေရေးခိုင်းတိုင်း လျှို့ဝှက်စာတွေကိုပဲ ဖော်ပြီးစာစစ်နေရတဲ့အခြေအနေထဲကမှ Emi Haga ဟာ ဘယ်သူမှအသုံးသေးတဲ့ နည်းလမ်းနဲ့ အက်ဆေးတင်ခဲ့တဲ့အတွက် အမှတ်အကောင်းဆုံးပေးကာ ပထမအဖြစ်လည်း သတ်မှတ်ခံခဲ့ရတာပဲဖြစ်ပါတယ်။

READ
ငယ်ပါအရွယ်အစားကြီးမားလွန်းတဲ့ရောဂါကြောင့် လိင်ဆက်ဆံခြင်းမပြုနိုင်သူ

ဂျပန်နိုင်ငံဟာ ဆာမူရိုင်းနဲ့ နင်ဂျာယာဉ်ကျေးမှုတွေ တစ်ခေတ်တစ်ခါက ကြီးစိုးခဲ့တဲ့ နိုင်ငံဖြစ်ပြီး ယနေ့ခေတ်မှာတေ့ တိုက်ခိုက်ရေးပညာတွေမှာ တစ်ဖက်ကမ်းခတ်တတ်ကျွမ်းတဲ့ ဒီလိုစစ်သည်တွေမရှိတော့ပေမယ့်လည်း သူတို့နဲ့ပတ်သက်တဲ့ယဉ်ကျေးမှု၊ ဓလေ့ထုံးတမ်း၊ အစဉ်အလာတွေ၊ သမိုင်းကြောင်းတွေ၊ ဗဟုသုတတွေကိုတော့ လက်ဆင့်ကမ်းထိန်းသိမ်းနေဆဲပါပဲ။

Penny

SHARE