သူငယ်ချင်းတွေရဲ့စိန်ခေါ်မှုကြောင့် ငိုအားထက်ရယ်အားသန်ဖြစ်ခဲ့တဲ့ ကျောင်းသူ

twitter/TikTab

လူတွေဟာ အမူးလွန်တဲ့အခါ သတိလွတ်ပြီးပေါက်ကရတွေလုပ်လေ့ရှိတဲ့အကြောင်း စာဖတ်သူတွေကြားဖူးမှာပါ။ ဥပမာပြောရရင် အမျိုးသားတစ်ယောက်ဟာ အရက်မူးပြီး စက်ဘီးနင်းပြန်လာရာမှာ မြွေတစ်ကောင်ကို ဖြတ်တိုက်မိပါတယ်။ သူ့သွားတဲ့လမ်းကို ပိတ်ရလားဆိုပြီး အဲ့ဒီမြွေကို အသေကိုက်ခဲ့တဲ့အကြောင်း ဖတ်ဖူးပါတယ်။ နောက်ထပ်အမူးသမားတစ်ယောက်ကလည်း သူ့မှာ ကားလိုင်စင်မရှိ၊ အာမခံလိုင်စင်မရှိဘဲနဲ့ တာယာတစ်လုံးပြုတ်နေတဲ့ကားကို ဒီတိုင်းမောင်းလာခဲ့တယ်လို့ ထူးထူးဆန်းဆန်းသိရပါသေးတယ်။

twitter/TikTab

အခုလည်း ဗြိတိန်က အသက် ၂၁နှစ်အရွယ်ရိုစီကိုးလ်အမည်ရတဲ့ ကျောင်းသူလေးတစ်ယောက်က အရက်မူးလွန်ပြီး သူငယ်ချင်းတွေနဲ့စိန်ခေါ်ရာမှ ကြံကြံဖန်ဖန် အဝတ်လျှော်စက်ထဲ ပိတ်မိခဲ့တယ်လို့ storypick အရသိရပါတယ်။ တစ်နေ့မှာ ရိုစီဟာ အခန်းဖော်တွေနဲ့အတူ ဝိုင်၊ တကီလာစတဲ့ယမကာတွေကို သောက်နေခဲ့ပါတယ်။

ရိုစီရဲ့သူငယ်ချင်းတွေက သူမကိုအဝတ်လျှော်စက်ထဲဝင်ရင်တောင် ကိုယ်လုံးဆန့်မှာမဟုတ်ဘူးလို့ ပြောပြီး စိန်ခေါ်ခဲ့ပါတယ်။ ရိုစီက အဝတ်လျှော်စက်ထဲဝင်ပြခဲ့ပါတယ်။ ဒါပေမဲ့ ပြန်ထွက်တော့ ထွက်လို့မရတော့ဘဲ တင်ပါးနေရာမှာ တစ်နေခဲ့တာဖြစ်ပါတယ်။ ရိုစီက “ကျွန်မကတော့ အစပိုင်းအဲ့ဒီလောက်မဆိုးဘူးထင်တာ။ ဟန်မပျက်ဘူး။ ကျွန်မအခန်းဖော်တွေကတော့ ကျွန်မကိုကြည့်ပြီးရယ်ကြတယ်။ တင်ပါးလည်းညပ်၊ ခြေထောက်တွေကလည်းညပ်ဆိုတော့ နည်းနည်းစိုးရိမ်သွားမိတယ်” လို့ ပြောပါသေးတယ်။

READ
ရောက်နေတဲ့ အခြေအနေမှာ ဇိမ်ကျဖို့ တစ်ခုတည်းအတွက် ဉာဏ်ကို လွှာပြီ သုံးကြသူများ
twitter/TikTab

ရိုစီက သူမဘာသာသူမ ထွက်လို့မရမှန်းသိတော့ အခန်းဖော်တွေက သူမကိုကူညီပြီးဆွဲထုတ်ပေးခဲ့ပါသေးတယ်။ ဒါလည်း မရပါဘူး။ နောက်ဆုံးတော့ မီးသတ်ဌာနကိုပဲ ဖုန်းဆက်အကူအညီတောင်းခဲ့ရပါတယ်။ မီးသတ်ဌာနကဝန်ထမ်းသုံးဦးရောက်လာတဲ့အခါမှာတော့ သူမကို အဝတ်လျှော်စက်ထဲကနေ မထိခိုက်ဘဲဆွဲထုတ်ပေးနိုင်ခဲ့ပါတယ်။ ရိုစီဟာ အဝတ်လျှော်စက်ထဲမှာ မိနစ်၂၀ကြာပိတ်မိနေခဲ့တာဖြစ်ပြီး လျှော်စက်ထဲကလွတ်တဲ့အခါမှာတော့ ပျော်ရွှင်နေခဲ့တာကိုလည်း တွေ့ရပါသေးတယ်။

လင်းလင်း (ShweMom)

SHARE