မိမိရဲ့ ကျန်းမာရေးကို စောင့်ရှောက်ဖို့အတွက် မဖြစ်မနေ သိထားသင့်တဲ့ အချက်(၄)ချက်

Freepik_CSR

ကျန်းမာခြင်းသည် လာဘ်တစ်ပါးလို့ ဆိုကြတဲ့အတိုင်း ကျန်းမာနေတယ်ဆိုတာ လုံးဝကို အဖိုးဖြတ်လို့မရနိုင်တဲ့ လက်ဆောင်တစ်ခုပဲဖြစ်ပါတယ်။ အခုလို ခက်ခဲနေတဲ့အချိန်မှာဆိုရင် ကျန်းမာရေးက ဘယ်လောက်အရေးပါသလဲဆို တာကို သိကြမှာပဲဖြစ်ပါတယ်။ အရင်ကတော့ မသိလိုက် မသိဘာသာ နေထိုင်ခဲ့ကြရာက အခုအချိန်မှာတော့ ကျန်းမာရေးက ဘယ်လောက် အရေးပါတဲ့အရာတွေ ဆိုတာသိလာခဲ့ကြပါပြီ။ မိမိရဲ့ ကျန်းမာရေးကို စောင့်ရှောက်ဖို့အတွက် သိထားသင့်တဲ့ အချက်(၄)ချက်ကို ဖော်ပြပေးလိုက်ပါတယ်။

၁- မိမိရဲ့ သွေးအမျိုးအစား

လူတိုင်း လူတိုင်းက မိမိ သွေးရဲ့ အမျိုးအစားကို သိဖို့ လိုအပ်လှပါတယ်။ မိမိရဲ့ သွေးအမျိုးအစားက A၊ B၊ AB နဲ့ Oလားဆိုတာလောက် သိထားသင့်ပါတယ်။ ဘာကြောင့်မိမိရဲ့ သွေးအမျိုးအစားကိုသိထားဖို့ လိုအပ်နေသလဲဆိုတော့ သွေးလှူခါနီးအချိန်မှာပဲဖြစ်ဖြစ်၊ တကယ့်လို့ ကိုယ်အရေးပေါ် ကြုံလို့ သွေးသွင်းရချိန်မှာဖြစ်ဖြစ် မိမိရဲ့ သွေးအမျိုးအစားက ဘာလဲဆိုတာကို သိထားသင့်ရင် မဖြစ်သင့်တဲ့ အရာတွေ လုံးဝကို မဖြစ်လာတော့တာ အမှန်ပါပဲ။

Freepik_MIMS

၂- မိသားစုရဲ့ ကျန်းမာရေးရာဇဝင်

READ
စိတ်ကျဝေဒနာဟာ အသက် (၇) နှစ်အရွယ်မှ စတင်ဖြစ်ပွားနိုင်ကြောင်း တွေ့ရ

ကိုယ် ဆင်းသက်လာရာ မိသားစုရဲ့ နောက်ခံကျန်းမာရေးရာဇဝင်ကို သိထားသူတစ်ယောက်က အင်မတန်ပြင်းထန်တဲ့ အရေးပေါ် နာမကျန်းဖြစ်ချိန်တို့မှာ မိသားစုရာဇဝင်မသိထားသူနဲ့ ယှဉ်ရင် မြန်မြန်သက်သာပျောက်ကင်းစေမှာပါ။ ဘာကြောင့်လဲဆိုတော့ တချို့ရောဂါတွေက မျိုးရိုးလိုက်တတ်တဲ့ ရောဂါတွေဖြစ်ပြီး ရောဂါသိရင် အဖြေရှာဖို့လည်း ပိုလွယ်ကူလို့ပါပဲ။ ဒါ့အပြင် ကိုယ့်မိသားစုထဲက လူတွေက ဘာရောဂါအဖြစ်များတယ်ဆိုတာကို သိထားရင် ကိုယ်လည်း အဲဒီရောဂါတွေမဖြစ်အောင် ရှောင်ရှားထားလို့ရပါသေးတယ်။

၃- သွေးပေါင်ချိန်အခြေအနေ

လူတိုင်းလူတိုင်းက အသက်အရွယ်တစ်ခုအထိ ရောက်လာချိန်မှာ သွေးတိုး-သွေးကျ အခြေအနေတွေဆိုတာ ကြုံလာတတ်ပါတယ်။ ကိုယ်က သွေးတိုးလေ့ရှိတဲ့လူတစ်ယောက်လား ဒါမှမဟုတ် သွေးကျနေတဲ့ လူလားဆိုတာကို သိထားသင့်ပါတယ်။ ဒီလိုမျိုး သွေးပေါင်ချိန်ပြောင်းလဲတတ်တာတွေက စိတ်ပေါ်မှာလည်း မူတည်နေတတ်ပြီး အရွယ်ရောက်ချိန်မှာ ဖိစီးမှုတွေ ဆက်တိုက်ဖြစ်လာတတ်တာမို့လည်း မလွဲမသွေ ကြုံတွေ့လာရမှာ အသေအချာပါပဲ။ သွေးတိုးရောဂါဆိုတာ အသံလုံးဝမထွက်ဘဲ ရောဂါလက္ခဏာတွေ မပြဘဲ လူတစ်ယောက်ရဲ့ ကျန်းမာရေးကို အလွန်ထိခိုက်စေနိုင်တဲ့ ရောဂါတစ်ခုဖြစ်တာကြောင့် ကိုယ့်ရဲ့ သွေးပေါင်ချိန် အခြေအနေကို သိထားတာက မမှားတဲ့အရာပဲဖြစ်ပါတယ်။

Freepik_MVwell

၎- ခါးရိုးအခြေအနေ

READ
ကလေးတွေကို ငယ်ငယ်ထဲက  အလေ့အကျင့်ပြုပေးသင့်တဲ့ ကျန်းမာရေးအမူအကျင့်များ

လူတစ်ယောက် အရွယ်ရောက်လာချိန်မှာ အရင်ဆုံးစပြီး ဇရာရဲ့ လက္ခဏာကို စသိရမယ့် အရာကတော့နောက်ကျောနာမယ့် ပြဿနာပဲဖြစ်ပါတယ်။ ငယ်ရွယ်စဉ်သန်မြန်စဉ်အချိန်တုန်းကတော့ မိမိရဲ့ ခါးရိုးတွေကို ဂရုမစိုက်ဘဲ အကြမ်းပတ်းနေထိုင်ခဲ့သမျှအားလုံးက အသက်အရွယ်ရောက်လာချိန်မှာတော့ ဒဏ်ဖြစ်လာတတ်ကြပါတယ်။ ဒါကြောင့်လည်း အသက်အရွယ်အတိုင်းအတာတစ်ခုအထိ ရောက်လာတဲ့သူတွေမှာ ခါးနာတဲ့ ဒဏ်ကို အများဆုံးခံစားကြရတာပါ။ ဒီလိုမျိုး အခြေအနေတွေကနေမဖြစ်အောင် လျှော့ချဖို့အတွက် မိမိရဲ့ ခါးရိုးရဲ့ ကျန်းမာရေးကို အထူးဂရုစိုက်ကာ နေထိုင်သင့်ပါတယ်။ ခါးရိုးကို  အသုံးပြုရတဲ့ ကိစ္စတချို့တွေ၊ အလေးအပင်တွေကို ရုတ်တရက်မလိုက်တာမျိုးတွေကို သတိကပ်ကာ ဂရုတစိုက်ရှိသင့်ပါတယ်။ 

Ye Yint Kyaw

SHARE