ကောင်လေးတွေ ရည်းစားစကားပြောပြီး အဖြေပြန်မတောင်းချင်ရခြင်းရဲ့ အကြောင်းရင်း (၅) ချက်

ကိုယ့်ကို ရည်းစားစကားလာပြောပြီး အဖြေပြန်မတောင်းတဲ့ကောင်လေးတွေနဲ့ ကြုံဖူးလား။ ကိုယ်ကတော့ ငြင်းချင်လည်းငြင်းဖို့၊ လက်ခံချင်လည်း လက်ခံဖို့ အဆင်သင့်ပြင်ထားပြီးတော့မှ သူတို့ဖက်က ဘာမှထပ်ပြီး မဆက်သွယ်တော့ ဘယ်လိုလုပ်ရမှန်းမသိဘူးလေ။ အောင့်သီးအောင့်သက်တော့ဖြစ်တာပေါ့။ သူတို့ဖက်ကလည်း အဲဒီလို အဖြေမတောင်းရတဲ့အကြောင်းရင်းတွေ ရှိပါလိမ့်မယ်။ ဘာတွေလဲဆိုတာ သိချင်ရင်တော့ ဒီ အချက်လေးတွေကို ဖတ်ကြည့်လိုက်နော်။

(၁)။ ဆက်ဆံရေးပြောင်းလဲသွားမှာကိုကြောက်တာ

Executive Fantasy Hotels

ကိုယ်က သူ့ကိုချစ်တယ်လို့တော့ ပြောလိုက်ပါရဲ့။ဒါပေမယ့် သူက ကိုယ့်ကို ငြင်းလိုက်တဲ့အခါ နှစ်ယောက်ကြားထဲက လက်ရှိဆက်ဆံရေးလေးပျောက်ဆုံးသွားမှာ စိုးရိမ်ပြီး အဖြေမတောင်းတာကလည်း အချက်တစ်ချက်အဖြစ် အကျုံးဝင်ပါတယ်။ ခဏလေးတွေ့တဲ့ လူတွေအနေနဲ့ ပြဿနာမရှိပေမယ့် အချိန်အကြာကြီး သူငယ်ချင်းကောင်းတွေဖြစ်လာခဲ့တဲ့ လူတွေအတွက်တော့ ဒီအခြေအနေမျိုးကို ရင်ဆိုင်ရမှာပါ။ ဒီတော့ ကောင်လေးတွေက နှစ်ယောက်ကြားထဲက ဆက်ဆံရေးကို ပြောင်းလဲသွားမှာကြောက်ရင်လည်း အဖြေတောင်းဖို့ စဉ်းစားတတ်ကြပါတယ်။

READ
ခဏခဏငြင်းခုံစကားများတတ်သောစုံတွဲများအချစ်ရေးပိုမိုခိုင်မြဲဟုတွေ့ရှိ

(၂)။ သူ့ဆီမှာ ကိုယ်မကြိုက်တဲ့အချက်တွေရှိနေတာ

Bingeway

စတွေ့တွေ့ချင်းမှာ သူ့ကိုအရမ်းသဘောကျပြီး ချစ်တယ်လို့ ပြောလိုက်မိပါရဲ့။ ဒါပေမယ့် တဖြည်းဖြည်း တွေ့တာလေးကြာလာတော့ သူ့ရဲ့တချို့အကျင့်တွေကို သဘောမကျရာကနေ အဖြေမတောင်းတော့တာမျိုးလည်းရှိတတ်ပါတယ်။ တခြားသူငယ်ချင်းကောင်လေးတွေနဲ့ ခဏခဏတွေ့တာ၊ ညဖက် အပြင်ထွက်တတ်တာ၊ စတဲ့ တစ်ခုခုပေါ့။

(၃)။ ရင်မခုန်တော့တာ

AutoEvolution

အဖြစ်အပျက်လေးတစ်ခုကြောင့် လူတစ်ယောက်ကို ချစ်မိသွားတယ်လို့ ခံစားဖူးမှာပါ။ ဒါပေမယ့် အဲဒါက ခဏတာ စိတ်လှုပ်ရှားတာလား၊ တကယ်ချစ်မိတာလားဆိုတာ မသေချာဘူးလေ။ တကယ်လို့သာ ခဏတာ စိတ်လှုပ်ရှားတယ်ဆိုရင် အချိန်တစ်ခုကြာလာတာနဲ့အမျှ သင် သူ့ကို မချစ်ဘူးဆိုတာ ခံစားလာနိုင်ပြီး သူ့ကို ရင်ခုန်လို့မရတော့တာ ဖြစ်နိုင်ပါတယ်။ အဲဒီအခါကျရင် သင် သူ့ကို ချစ်တယ်လို့ပြောထားမိပြီဆိုတာတောင် အဖြေပြန်တောင်းချင်တော့မှာမဟုတ်ပါဘူး။

(၄)။ ပြန်မချစ်နိုင်ဘူးလို့ထင်ပြီး အားငယ်နေတာ

PAMMIELIKESTOTAKEPHOTOS

တချို့ကောင်လေးတွေက ချစ်တယ်လို့တော့ ပြောထားပါရဲ့။ ဒါပေမယ့် သူက စပြောကတည်းက သင်သူ့ကိုပြန်ချစ်လိမ့်မယ်လို့ ယုံကြည်ချက်ထားတာမျိုးမဟုတ်ဘူး။ သူ သင့်ကိုချစ်တယ်ဆိုတဲ့အကြောင်း အသိပေးရုံလောက်ပါပဲ။ သူ့ရဲ့စိတ်ထဲမှာကိုက သင်သူ့ကိုပြန်ချစ်လိမ့်မယ်ဆိုတာ ယုံကြည်မှုမရှိတာမို့ သင့်ဆီက အဖြေတောင်းဖို့ကိုလည်း နောက်ဆုတ်လိုက်တာမျိုး ဖြစ်နိုင်ပါလိမ့်မယ်။

READ
သင်ဟာ မိန်းမချင်းစိတ်ဝင်စားသူ(Lesbian)တစ်ယောက်ဖြစ်နေလား သိနိုင်မယ့်နည်းလမ်းများ

(၅)။ ကိုယ်က သူနဲ့မထိုက်တန်ဘူးလို့ခံစားမိတာ

Ridingirls

ကိုယ်က သူ့ကိုချစ်တယ်လို့ ပြောလိုက်ပေမယ့် အခြားတစ်ဖက်မှာလည်း ကိုယ်က သူ့ကိုချစ်သာချစ်နေရတာ ကိုယ့်ဖက်က မပြည့်စုံတဲ့အနေအထားမျိုး၊ ဒါမှမဟုတ် ကိုယ်ချစ်တယ်လို့ပြောလိုက်တဲ့ကောင်မလေးက အရမ်းလှနေပြီး ကိုယ့်ကိုယ်ပြန်မကြိုက်လောက်ဖူးလို့ ခံစားနေရတဲ့အနေအထားမျိုးတွေခံစားရပြီဆိုရင် အဖြေတောင်းဖို့ကိုဝေေ၀၀ါးဝါး ဖြစ်သွားတတ်ကြပါတယ်။ ဒါက သင့်ကိုတကယ်မချစ်လို့မဟုတ်ပဲ သူ့ဘာသာစိတ်အားငယ်နေပြီး အဖြေလာမတောင်းရဲတော့တာ ဆိုတာကို နားလည်ထားသင့်ပါတယ်။

Linn

SHARE