နှစ်ကူးမှာ အမုန်းသောက်မယ်ဆိုသူတွေအတွက် အရက်နာကျခြင်း အလွယ်ဆုံးကုထုံးများ

Shutterstock

တကယ့် အသောက်သမားတွေကတော့ ပုံမှန်ပုလင်းလေးတွေနဲ့ သူတို့ရေချိန်ကို သူတို့သိကြပါတယ်။ ခရစ်စမတ်လို၊ နှစ်ကူးလိုအခါသမယမျိုးမှာတော့ မောင်အူရိုင်း၊ မအူရိုင်းတို့ဟာ ပျော်တယ်ဟေ့ဆိုတဲ့စကားကို ကိုယ်ယောင်ပြပြီး၊ အသောက်ကြမ်းတတ်ကြပါတယ်။ ဒီလိုအခါသမယမျိုးမှာ အမူးလွန်သူတွေတော်တော်များများဟာ ကိုယ့်ရေချိန် ကိုယ်မသိကြတာ များပါတယ်။

ဗြိတိန်မှာတော့ ဒီလိုအချိ်မျိုးဆိုရင် အရက်ပုလင်း (၆)ဘီလီယံလောက်ထိ သောက်ကြပါသတဲ့။ နည်းနည်းနောနော ပမာဏမဟုတ်ဘူးနော်။ သန်း(၆၀၀၀)လောက် ကုန်တဲ့သဘောပေါ။ ဘယ်လိုနည်းနဲ့မူးမူး အမူးအရှိန်ပြေသွားပြီဆိုရင် Hangover ပြဿနာက လာပါပြီ။ Hangover ဆိုတာ အလွယ်ပြောရရင် အရက်နာကျတာပါဘဲ။ အရက်နာကျတဲ့အခါ ဘယ်လို လုပ်ရမလဲဆိုတာကို Shwemom က ဖော်ပြပေးချင်ပါတယ်။

Shutterstock

(၁) မသောက်ခင် ရေများများသောက်ပါ

အရက်ဘီယာ စသည်တို့ကို မသောက်ခင် နေ့ခင်းပိုင်းလောက်ကတည်းက ကြိုတင်ပြီး ရေများများ သောက်သင့်ပါတယ်။ တစ်ရက်ကို အနည်းဆုံး ရေ (၂)လီတာကနေ (၃)လီတာလောက်ထိ သောက်သင့်ပါတယ်။ ရေသောက်ရမှာ မေ့နေတယ်ဆိုရင်လည်း .. မသောက်ခင်မှာ ရေတစ်ဖန်ခွက် ကြီးကြီးတစ်ခွက်လောက် သောက်ချလိုက်ပါလို့ဆိုပါတယ်။ ဒါဟာ အရက်သောက်ပြီးနောက် အဖြစ်များတဲ့ ရေဓာတ်ဆုံးရှုံးမှုကို ကြိုကာထားတဲ့ သဘောပါ။

(၂) အိပ်ရာမဝင်ခင် ရေတစ်ခွက်သောက်ပါ

အသောက်လွန်လာလို့ အိပ်ရာ တန်းဝင်လိုက်တာထက်၊ အိပ်ရာမဝင်ခင် ရေတစ်ခွက် သောက်လိုက်ဖို့ လိုပါတယ်။ အမူးသမားတွေဟာ နာရီတော်တော်ကြာလာရင် ရေငတ်လာမယ်၊ ခေါင်းကိုက်လာမယ်၊ မောသလိုလိုဖြစ်လာမယ်၊ နှုတ်ခမ်းတွေ ခြောက်လာမယ်။ တကယ်လို့ အသောက်သမားတစ်ယောက်ဟာ အိပ်ရာမဝင် ရေတစ်ခွက်လောက် သောက်ထားမယ်ဆိုရင် ဖော်ပြပါ ဝေဒနာတွေကို သက်သာစေမှာပါ။

Shutterstock

(၃) ရေနွေးကြမ်းတစ်ခွက်လောက် သောက်လိုက်ပါ

သောက်ပြီးလို့ အေးအေးလူလူ နားတော့မယ်ဆိုရင် ရေနွေးကြမ်း တစ်ခွက်လောက် သောက်လိုက်တာက အရက်နာကျတာကို သက်သာစေမှာပါ။ သို့ပေမယ့် ရေနွေးကြမ်းမှ မဟုတ်ပါဘူး။ ကော်ဖီကြိုက်တယ်ဆိုရင်လည်း ကော်ဖီက သင့်တော်ပါတယ်။ ပညာရှင်တစ်ဦးကတော့ ကော်ဖီထဲမှာ အုန်းဆီလေး နည်းနည်းလောက် ထည့်သင့်တယ်လို့ အကြံပြုထားပါတယ်။

တစ်ခြားဆေးဘက်ဝင် လက်ဖက်ရည်တွေဖြစ်တဲ့ ဂျင်းလက်ဖက်ရည်ကလည်း သင့်တော်ပါတယ်။ နွားနို့ပူပူလေးကတော့ အသည်းကို ပိုကျန်းမာစေမှာဖြစ်ပြီး၊ ပျားရည်နဲ့သံပုရာရည်ကတော့ သွေးတွင်း သကြားဓာတ်ကို မြင့်တက်စေမှာပါ။ မိမိကြိုက်နှစ်သက်တဲ့နည်းကို စမ်းနိုင်ပါတယ်။

(၄) Pickle Juice တစ်မျိုးမျိုးကို သောက်ပါ

Pickle Juice ဆိုတာ သစ်သီးဝလံတွေကို ဗီနီဂါနဲ့ဆိမ်ပြီး၊ ဒါမှမဟုတ် ဆားရည်ဆိမ်ပြီး ဖန်တီးထားတဲ့ ပျော်ရည်တစ်မျိုးဖြစ်ပါတယ်။ ဥရောပအရှေ့ပိုင်းနဲ့ ရုရှားတွေဟာ ယမကာနဲ့ပတ်သက်ရင် ဆရာပိုကျတဲ့သူတွေ၊ ယမကာကို ဇိမ်ခံပစ္စည်းသဘောမျိုး အသုံးပြုသူတွေ ဖြစ်တာကြောင့် အရက်နာကျတဲ့ကိစ္စနဲ့ပတ်သက်ရင် ပိုပြီး ဆေးနည်းသိကြပါတယ်။

သူတို့တစ်တွေဟာ အရက်သောက်ပြီးတိုင်း Pickle ဖျော်ရည်တစ်မျိုးမျိုး သောက်လေ့ရှိကြပါသတဲ့။ ဒီဖျော်ရည်ကို သောက်ခြင်းအားဖြင့် ညမှာ ဆုံးရှုံးလိုက်တဲ့ စွမ်းအင်တွေကို ပြန်လည်ဖြည့်တင်းပေးတယ်လို့ ယုံကြည်ကြပါတယ်။

Shutterstock

(၅) ပြေးပါ

အရက်နာကျနေတဲ့လူတစ်ယောက်ကို ပြေးခိုင်းတာ နည်းနည်းတော့ စွန့်စားရာကျပါလိမ့်မယ်။ သို့ပေမယ့် ပြေးခြင်းကလည်း အရက်နာကျခြင်းကို ပျောက်ကင်းသက်သာစေပါသတဲ့။ ပြေးတယ်ဆိုတာက ဒုန်းစိုင်းပြေးတာကို ဆိုလိုတာမဟုတ်ပါဘူး။ Light Exercise သဘောမျိုး၊ သွေးပူလေ့ကျင့်ခန်းသဘောမျိုးလောက်ပါ။ ဒါပေမယ့် အနီးအနားမှာ ရေဘူးလေးတော့ ရှိနေပါစေ။ မကြာခဏ ရေသောက်လိုက် သွေးပူလေ့ကျင့်ခန်း လုပ်လိုက်နဲ့ ခန္ဓာကိုယ်အတွင်းက အရက်ရဲ့အဆိပ်အတောက်တွေ အမြန်ပျောက်ကင်းစေပါလိမ့်မယ်။

လင်းသုတ

SHARE