သင့်ကိုယ်ငယ်ငယ်လေးတည်းက ချစ်မြတ်နိုးခဲ့တဲ့မိဘနှစ်ပါးကို ဒီလိုလေးကျေးဇူးဆပ်ပါ

မိဘမေတ္တာဟာ သားသမီးများအတွက်တော့ စုန်ရေလိုပဲ အထက်ကနေအောက်ကို အကြွင်းမဲ့ စီးဆင်းသွားသလို မပြောင်းမလဲရှိနေပေမဲ့ မိဘကို သားသမီးများရဲ့အချစ်ဟာ ဆန်ရေ လို့ပဲ ရှားပါးလွန်းလှပါတယ်။မိဘများရဲ့ အပြုအမူတိုင်းဟာ သားသမီးတိုင်းအတွက် ဦးတည်နေပြီး သားသမီးများရဲ့ ပညာရေးကိစ္စများ၊ဘ၀မှာ အရေးကြီးတဲ့ ကိစ္စများမှာ အမြဲတမ်းရပ်တည်ပေးနေသူများဟာ မိဘနှစ်ပါးပါ။ဒါ့ကြောင့် သင့်ဘ၀မှာ နောင်တမရခင်အချိန်အတွင်း မိဘနှစ်ပါးရဲ့ ကျေးဇူးကို အသိအမှတ်ပြုပြီး မိဘနှစ်းပါးကို ချစ်မြတ်နိုးကြောင့် ပြသနိုင်တဲ့ အပြုအမူလေးများကို Shwemom ပရိတ်သတ်ကြီးအတွက် ဖော်ပြပေးလိုက်ပါတယ်။

၁။ နေ့ရက်တိုင်းမှာ သူတို့နဲ့လုံလောက်တဲ့ အချိန်တစ်ခု ကုန်ဆုံးစေပါ။

သင့်မှာ ဘယ်လောက်အလုပ်များများ သူတို့နဲ့ နေ့စဉ် အချိန်တစ်နာရီလောက် မိဘများနဲ့ အတူရှိနေတတ်တဲ့ အကျင့်ကို မွေးမြူထားပါ။သူတို့ တစ်နေ့တာလုံးဘာတွေလုပ်ခဲ့ကြလဲ၊သူတို့နဲ့ Tv အတူတူကြည့်ခြင်း၊သင့်အလုပ် အကြောင်းနဲ့ သူငယ်ချင်းတွေအကြောင်းပြောပြခြင်း စတဲ့ အကျင့်လေးကို မွေးမြူထားပါ။ဒီအလေ့အကျင့်ဟာ သင့်ကို နောင်တရစေမှာ မဟုတ်ပါဘူး။တကယ်လို့ သင်က အိမ်ရဲ့ အဝေးမှာ ရှိနေလဲ Video Call များခေါ်ဆိုပြီး သူတို့ကို ဆက်သွယ်ပါဘူး။ငွေကြေးဆိုတာထက် သင်သူတို့အနားမှာ ရှိနေတာကို မိဘများက ပိုလိုချင်ကြတာ ဖြစ်ပါတယ်။

၂။ နူတ်ဖြင့် သူတို့ကို ချစ်ကြောင်းပြောပြပါ။

READ
သင့်ရဲ့ ကျောက်ကပ်မကောင်းတော့ဘူးဆိုတာ ဒီအခြေအနေတွေကို ကြည့်ပြီးသိနိုင်တယ်

သင့်က ခံစားချက်တွေကို လွယ်လွယ်နဲ့ ထုတ်ဖော်မပြောတတ်တဲ့ လူတစ်ယောက် ဖြစ်နေရင်တောင် ” အမေ၊အဖေ ကို သား၊သားသမီး ချစ်တယ် ” လို့ပြောတတ်အောင် ကြိုးစားအားထုတ်ထားပါ။အထူးသဖြင့် အဖေများနေ့၊အမေများနဲ့ နဲ့ သူတို့ရဲ့ မွေးနေ့တွေမှာ ဒီစကားကို ပြောဆိုသင့်ပြီး မိဘများကို ထွေးဖက်သင့်ပါတယ်။

၃။ သူတို့ရဲ့ နေစဉ်လုပ်ဆောင်မှုများမှာ ကူညီပေးပါ။

သူတို့ရဲ့ နေစဉ်လုပ်ငန်းဆောင်တာ ကိစ္စတွေမှာ သင်က စိတ်ဝင်တစားရှိနေရင် သင့်ရဲ့ မိဘများက ပျော်ရွှင်ကြပါတယ်။ဒါ့ကြောင့် သူတို့ရဲ့ နေစဉ် လုပ်ငန်းဆောင်တာ ကိစ္စတွေမှာ တကယ်စိတ်ပါဝင်စားစွာ ကူညီလုပ်ကိုင်ပေးသင့်ပြီး ဈေးဝယ်ထွက်ခြင်း၊ဟင်းကူချက်ပေးခြင်းစတဲ့ လုပ်ဆောင်ချက်လေးများဟာ သင့်ရဲ့ မိဘ နှစ်ပါးကို ပီတိ ဖြစ်စေမှာ အမှန်ပါပဲ။

၎။ သူတို့ရဲ့ အတွေးအခေါ်များကို လေးစာခြင်းနဲ့ နားထောင်ပေးပါ။

သင့်က သူတို့ထက် လောကကြီးအကြောင်းသိနေတယ်လို့ ခံစားရရင်တောင့် သူတို့ခေတ်ကလည်း သင့်ခေါင်းပေါ်က နေမင်းကြီးရှိနေခဲ့တာ ကိုသတိရပါ။သူတို့ရဲ့ ဘ၀အတွေ့အကြုံတွေဟာ သင့်ဘ၀ရဲ့ အချိုးအကွေ့တွေမှာ အသုံးဝင်လာနိုင်ပါတယ်။ဒါ့ကြောင့် သင့်ကို သူတို့က လိုလိုလားလားနဲ့ အကြံဥာဏ်တစ်ခု ပေးလာပြီဆိုရင် သည်းခံပြီး နားထောင်တတ်တဲ့ အကျင့်တစ်ခုကို မွေးမြူထားပါ။

READ
လစာကို အဖတ်တင်အောင် ဘယ်လိုစုမလဲ..?

၅။ တခါတရံ မိဘများကို Surprise ပြုလုပ်ပေးပါ။

သားသမီးများဘက်က ကြံဆလိုက်တဲ့ Surprise လေးများဟာ သူတို့ကို ပျော်ရွှင်စေပါတယ်။ပုံမှန်အားဖြင့် မိဘများဟာ သူတို့အတွက် လက်ဆောင် တကူးတက ၀ယ်လာတာမျိုးကို သင်ငွေကုန်ကြေးကျများမှာဆိုးတဲ့အတွက် မလုပ်စေချင်ကြပါဘူး။ဒါပေမဲ့ သူတို့ ကြိုက်နှစ်သက်တဲ့ ဟင်းပွဲလေးများကို ချက်ပြုတ်ပေးထားခြင်း၊သူတို့ အတွက်လက်ဆောင်လေးများ ၀ယ်လားပြီး Surprise လေးများပြုလုပ်ပေးခြင်းက သင့်မိဘ နှစ်ပါးကို ပျော်ရွှင်စေမှာ ဖြစ်ပါတယ်။

၆။ သူတို့ အလိုအပ်ဆုံး အချိန်များမှာ ရှိနေနိုင်အောင်ကြိုးစားပါ။

သင့်မိဘနှစ်ပါးရဲ့ ကောင်းတဲ့အချိန်မှာပဲဖြစ်ဖြစ် ဆိုးရွားတဲ့ အချိန်မှာ ပဲဖြစ်ဖြစ် အနားမှာ ရှိနေနိုင်အောင်ကြိုးစားပေးပါ။ဘာကြောင့်လဲဆိုတော့ ဒီအပြုအမူလေးများက သူတို့ဟာ သင့်ဘ၀အတွက် အရေးကြီး ပုဂ္ဂိုလ်များစာရင်းထဲမှာ ပါဝင်နေဆဲ ဖြစ်တာကို ပြသနိုင်လို့ပါပဲ။သူတို့ ၀မ်းနည်းတဲ့အချိန်၊၀မ်းသာတဲ့အချိန်တွေမှာ သင်အတူရှိနေခြင်းက သင့်ကို မွေးကတည်းက ကျွေးမွေးပြုစုလာတဲ့ လက်ပိုင်ရှင် ၂ ပါးကို ချစ်မြတ်နိုးကြောင်း ပြသနိုင်တဲ့ နည်းလမ်းတစ်ခုပါပဲ။

အောက်က ဗီဒီယိုလေးကတော့ သားဖြစ်သူရဲ့ ဖခင်ကို ချစ်မြတ်နိုးကြောင်းပြသခဲ့တဲ့ အပြုအမူလေးကို ရိုက်ကူးထားတဲ့ ဗီဒီယိုလေးတစ်ခုဖြစ်ပါတယ်။

Arkar Hein (Shwemom)

Ref : India Times

SHARE