Post Malone တစ်ယောက် ငွေတွေကိုနှမြောခြင်းမရှိဘဲ ဖြုန်းပစ်လေ့ရှိတဲ့အရာ (၇) ခု

[email protected]

Post Malone ဆိုရင် အခုခေတ်လူငယ်တွေ တော်တော်များများရဲ့ အသည်းစွဲအနုပညာရှင်တစ်ယောက်လို့ ဆိုရမှာပါပဲ။ Rock Star, Congratulations သီချင်းတွေနဲ့ ပရိတ်သတ်တွေရင်ထဲ စတင်ဝင်ရောက်လာခဲ့တဲ့ သူရဲ့ဖန်တီးမှုတွေထဲ Hip Hop, Pop, Rock နဲ့ R&B စတဲ့ ဂီတအမျိုးအစားပေါင်းစုံကို တွေ့ရမှာဖြစ်ပါတယ်။ ၁၉၉၅ ခုနှစ်မှာ မွေးဖွားခဲ့တာကြောင့် အသက် ၂၄ နှစ်သာရှိသေးပေမယ့်လို့ လက်ရှိပိုင်ဆိုင်မှုတန်ဖိုးကတော့ ပျမ်းမျှမှာတောင် အမေရိကန်ဒေါ်လာ ၁၄ သန်းလောက်ရှိနေပါပြီတဲ့လေ။

အနုပညာလုပ်ငန်းကရခဲ့တဲ့ ငွေကြေးတွေကို Post Malone တစ်ယောက် ဘယ်လိုတွေအသုံးချနေသလဲဆိုတာ မသိချင်ကြဘူးလား။ ဒါကြောင့် Post Malone ရဲ့ ငွေတွေကို နှမြောတသခြင်းမရှိဘဲ ဖြုန်းပစ်လေ့ရှိတဲ့ ထူးထူးဆန်းဆန်းနေရာ ၅ ခုအကြောင်းကို ပြောပြပေးသွားမှာပါ။

(၁) ဗီဒိုအတွက်

Post Malone ဟာ အနုပညာရှင်တစ်ယောက်ဖြစ်တာနဲ့အညီ fashion ပိုင်းနဲ့ သူ့ရ့ outfit တွေကို စိတ်ဝင်တစားနဲ့ အမြဲတမ်းဦးစားပေးပြီး စီစဉ်လေ့ရှိပါတယ်။ သူတစ်ယောက်တည်းအတွက် ချုပ်ပေး၊ ထုတ်ပေးထားတဲ့ ဒီဇိုင်နာလက်ရာတွေ၊ branded အဝတ်အစားအသုံးအဆောင်တွေပေါ် ရူးသွပ်သူတစ်ယောက်ပါ။ ဥပမာ လူမုန်းများတဲ့ Crocs ဖိနပ်တွေကို အရံပေါင်းများစွာဝယ်စုတာတို့၊ Saint Tropez မှာ music video မှာဝတ်ထားတဲ့ LV ကျည်ကာအင်္ကျီပုံစံမျိုးတို့၊ ပွဲတက်တွေအတွက် ဖန်တီးပေးထားတဲ့ ဒီဇိုင်းဆန်းဝတ်စုံတို့လိုပေါ့။

READ
ညှို့အားပြင်းဖက်ရှင်နဲ့ ပါတီပွဲ တက်လာတဲ့ Kim Kardashian
[email protected]
[email protected]
YouTube- Post Malone

(၂) ဗီဒီယိုဂိမ်း

ဘယ်လောက်ပဲ အနုပညာလုပ်ငန်းတွေနဲ့ အလုပ်ရှုပ်ရှုပ် Malone တစ်ယောက် အမြဲတမ်း အချိန်ပေးဖြစ်တဲ့အရာတစ်ခုကတော့ ဗီဒီယိုဂိမ်းကစားတာပါပဲ။ PC game အဆော့များတာကြောင့် လိုအပ်တဲ့ software တွေ၊ gaming console တွေလို accessories တွေကိုလည်း အများကြီးဝယ်ထားတဲ့သူတစ်ယောက်ပါ။ အသစ်တစ်ခုထွက်တိုင်း ချက်ချင်းဝယ်လေ့ရှိပြီး အဟောင်းတွေကိုလည်း အမြဲတမ်းသိမ်းဆည်းထားတဲ့သူတစ်ယောက်ပါတဲ့။

(၃) Malone ခရီးသွားနေသည်

ဗီဒီယိုဂိမ်းပြီးနောက် Malone တစ်ယောက် နောက်ထပ် စိတ်ပါဝင်တစားလုပ်လေ့ရှိတဲ့အရာကတော့ ခရီးသွားခြင်းပါ။ အနယ်နယ်အရပ်ရပ်မှာ tour တွေ၊ show တွေ၊ အလုပ်ကိစ္စတွေကြောင့် ဘယ်နယ်ကိုပဲရောက်ရောက် အချိန်ရှိရင်အမြဲတမ်းလည်ပတ်ပြီးမှ ပြန်လာသလို မကြာခဏလည်း ခရီးထွက်တတ်သူလေးပါ။ ခရီးသွားရင်ကောင်းကောင်းနေတယ်၊ ပျော်ပါးတယ် ငွေကိုမချင့်ချိန်နေတတ်ပါဘူး။

Instagram-@postmalone

(၄) Fan တွေကြောင့်

Malone ရဲ့ချစ်ဖို့ကောင်းတဲ့ အကျင့်လေးတစ်ခုကို ထောက်ပြပါဆိုရင် fan တွေကို ဂရုစိုက်တတ်တဲ့ကျင့်လို့ဆိုရမှာပါပဲ။ စားသောက်ဆိုင်တစ်ဆိုင်ဆိုင်မှာ fan တွေနဲ့တွေ့တိုင်း fan တွေစားထားတဲ့ အစားအသောက်တွေကို ရှင်းရှင်းပေးတတ်တဲ့အပြင် ရှိုးလာကြည့်တဲ့သူတွေကို မုန့်တွေမှာကျွေးတာမျိုးလည်း ပြုလုပ်ပေးတတ်ပါတယ်။ နောက်ပြီး fan တွေရဲ့ မွေးနေ့တွေမှာလည်း မထင်ရင်မထင်သလို မွေးနေ့ကိတ်ကြီးနဲ့ လူကိုယ်တိုင်သွား surprise တိုက်တတ်သေးတာမလို့ လူချစ်လူခင်များတာလည်း မပြောနဲ့လေ။

READ
JB တစ်ယောက် အချစ်ဟောင်း မော်ဒယ်မလေးနဲ့ ပြန်ပေါင်းထုပ်ပြီလား..?
Instagram-@postmalone

(၅) ဂစ်တာပေါင်းချုပ်

Malone ဟာ တူရိယာထဲမှာမှ ဂီတာကို တော်တေ်ာလေး ရူးသွပ်သူတစ်ယောက်ပါ။ သူ့ဆီမှာ ဂီတာအလက်တွေပေါင်းများစွာကို မတူညီတဲ့ တံဆိပ်တွေ၊ လက်ရာတွေ ဝယ်စုထားတဲ့ အခန်းကြီးတစ်ခန်းရှိပါတယ်။ နောက်ပြီး အဲဒီလို ဂစ်တာတွေထဲမှ တချို့ဆိုရင် နာမည်ကြီးဇိမ်ခံ brand တွေရဲ့ အစွတ်တွေ၊ တံဆိပ်တွေကိုတောင် တပ်ထားလေ့ရှိတဲ့လူပါ။

Instagram-@postmalone

(၆) ကား၊ ကား၊ ကား

ဝါသနာအရ အပျော်တမ်းပြိုင်ကားမောင်းတယ်ဆိုတာ သိထားကြလား။ ဒီအတွက် ကိုယ်ပိုင် ပြိုင်ကားတစ်စီးကို ဝယ်ထားခဲ့ပါသေးတယ်။ Malone တစ်ယောက် ကားကို ရူးသွပ်ပုံကတော့ သူ့အတွက်သီးသန့်ကားတွေကို ဆင်ပြီး ကုမ္ပဏီတချို့ကို အော်ဒါမှာတဲ့အထိပါပဲ။ နောက်ပြီး ရှေးတုန်းက vintage ကားကြီးတွေကို စုရတာလည်း ဝါသနာပါပါသေးတယ်တဲ့လေ။

Instagram-@postmalone

(၇) တက်တူး

Post Malone နဲ့ တက်တူးတွေနဲ့ကတော့ ခွဲလို့မရနိုင်တော့ပါဘူး။ လက်တွေ၊ ခြေထောက်တွေ၊ နောက်ကျောတွေအပြင်ကိုမှ လူတွေမြင်သာထင်သာရှိတဲ့ မျက်နှာလိုနေရာမျိုးမှာတောင် တက်တူးမွစိလေးတွေ ထိုးထားတဲ့သူပါ။ ဒါပေမဲ့ လက်ရာကောင်းတဲ့တက်တူးတစ်ပုံရဖို့အတွက်ဆိုရင်တော့ Malone ဟာ ပရိုကျတဲ့ တက်တူးဆရာတွေဆီမှာ ပိုက်ဆံဖြုန်းဖို့ လုံးဝမဝန်မလေးပါဘူး။

Instagram-@postmalone

Penny

 

SHARE