ဧရာမပင်လယ်ဖျံကြီးကြောင့် ရုတ်ရုတ်သဲသဲဖြစ်သွားရတဲ့ ချီလီနိုင်ငံက မြို့ငယ်လေး

ချီလီနိုင်ငံရှိ မြို့ကလေးတစ်မြို့ကတော့ ပြီးခဲ့တဲ့ တနင်္လာနေ့(၅.၁၀.၂၀၂၀) ညတုန်းက မထင်မှတ်တဲ့ အဖြစ်အပျက်တစ်ခုကြောင့် မြို့နေပြည်သူများ အထိတ်တလန့် ဖြစ်ခဲ့ကြပါတယ်။ အကြောင်းအရင်းကတော့ ဧရာမပင်လယ်ဖျံကြီးတစ်ကောင်ဟာ အဆိုပါ မြို့ကလေးထဲကို ရုတ်တရက် ဝင်ရောက်လာခဲ့ပြီး လမ်းမပေါ်ကို လျှောက်သွားနေခဲ့လို့ပဲ ဖြစ်ပါတယ်။ ဒါပေမယ့် ကံကောင်းတာတစ်ခုကတော့ အဆိုပါ ပင်လယ်ဖျံကြီးဟာ သူ့ဟာသူဟာ တစ်မြို့လုံးလျှောက်သွားနေခဲ့ပြီး ဘယ်သူတစ်ဦးတစ်ယောက်ကိုမှ အန္တရာယ်မပြုခဲ့ကြောင်း nzherald သတင်းဌာနရဲ့ ဖော်ပြချက်အရ သိရှိရပါတယ်။

အဆိုပါ အဖြစ်အပျက်ကတော့ ချီလီနိုင်ငံ၊ Puerto Cisnes မြို့ထဲမှာ ဖြစ်ပွားခဲ့တာပဲ ဖြစ်ပါတယ်။ ပင်လယ်ကမ်းခြေကနေ မျက်စိလည်လမ်းမှားရောက်လာခဲ့တဲ့ ဧရာမပယ်လယ်ဖျံကြီးတစ်ကောင်ဟာ Puerto Cisnes မြို့ထဲကို ညဖက်ကြီးမှာ ဝင်ရောက်လာခဲ့တာပဲ ဖြစ်ပါတယ်။ လက်ရှိအချိန်ဟာ COVID 19 ကပ်ရောဂါဖြစ်နေတဲ့အချိန်ဖြစ်တာကြောင့် မြို့နေလူထုလည်း ကိုယ့်အိမ်ထဲမှာပဲ အသီးသီးနေနေခဲ့ကြတာပဲ ဖြစ်ပြီး ဆူညံသံတွေကြောင့် အိမ်အပြင်ကို ထွက်ကြည့်တော့မှ ဧရာမပင်လယ်ဖျံကြီးတစ်ကောင် လမ်းပေါ်မှာ လျှောက်သွားနေမှန်း သိခဲ့ရတာပဲ ဖြစ်ပါတယ်။ ဒီလိုနဲ့ သက်ဆိုင်ရာကို အကြောင်းကြားခဲ့ပြီးနောက်မှာတော့ ကယ်ဆယ်ရေးဝန်ထမ်းတွေနဲ့ ရဲတွေ ရောက်လာခဲ့ကြပါတယ်။ နောက်ဆုံးမှာတော့ ကယ်ဆယ်ရေးဝန်ထမ်းတွေနဲ့ ရဲတွေပေါင်းပြီး အဆိုပါပင်လယ်ဖျံကြီးကို ဝိုင်းဝန်းဖမ်းဆီးခဲ့ကာ ကားနဲ့တင်ပြီး ပင်လယ်ထဲသို့ ညတွင်းချင်း ပြန်ပို့ခဲ့ပေးကြကြောင်း သိရပါတယ်။

#ahora elefante marino en las calles de Pto Cisnes pic.twitter.com/f0z7b469tC

— Canal11 Puerto Aysén (@canal11aysen) October 6, 2020

“မှတ်မှတ်ရရ ကျွန်တော်က ကျွန်တော့်အခန်းထဲမှာ စာဖတ်နေတာဗျ။ လမ်းပေါ်ကနေ ဆူညံသံတစ်ချို့ကြားလိုက်သေးတယ်။ ကျွန်တော်လဲ ဒီအတိုင်း အမှုမဲ့အမှတ်မဲ့ထားခဲ့ပြီး စာဆက်ဖတ်နေတာဗျ။ ပြီးတော့ ကျွန်တော့်သားက အခန်းထဲရောက်လာပြီး အိမ်ရှေ့က လမ်းမပေါ်မှာ ဧရာမပင်လယ်ဖျံကြီးတစ်ကောင်လျှောက်သွားနေတယ်ဆိုပြီး လာပြောတယ်။ ကျွန်တော်က မယုံမရဲနဲ့ ပြတင်းပေါက်က လှမ်းကြည့်လိုက်မှ တော်တော်ကိုကြီးတဲ့ ပင်လယ်ဖျံကြီးဗျာ။ နည်းတာမဟုတ်ဘူး။ အနီးကပ်ကြည့်ကြည့်မှ တော်တော်လေးကြောက်ဖို့ကောင်းတာ။ ဒါပေမယ့် ဒီကောင်ကြီးက သူ့ဟာသူတောင် လမ်းပျောက်နေတဲ့ပုံပဲဗျ။ ဘယ်သူ့ကိုမှ အန္တရာယ်မပေးဘူးဗျ။ ခဏလဲကြာတော့ ကယ်ဆယ်ရေးဝန်ထမ်းတွေနဲ့ ရဲတွေရောက်လာပြီး ကယ်သွားကြပြီး ပင်လယ်ထဲ ပြန်လွှတ်ပေးလိုက်ပါတယ်”လို့ Puerto Cisnes မြို့မှ မြို့ခံပြည်သူတစ်ဦးက ပြောကြားခဲ့ပါတယ်။

Pyi Hein Kyaw