အပြစ်ကသေးငယ်ပေမယ့် လေယာဉ်မယ်တွေ အလုပ်ကထုတ်ခံရနိုင်တဲ့ ပြစ်မှုများ

Heart Cabin Crew

သူများအလုပ် လုပ်ရတဲ့ ဝန်ထမ်းဘဝက အလွန်လွယ်ကူ ချောမွေ့မယ်လို့တော့ ပြောလို့မရပါဘူး။ လုပ်ငန်းခွင်အတွင်းမှာ တစ်ခါတလေ ကြီးနိုင်ငယ်ညှင်း ဝန်ထမ်းတွေ ကြုံရတတ်သလို၊ အထက်ဖား,အောက်ဖိ အနိုင်ကျင့်ချင်ကြတဲ့ ဝန်ထမ်းတွေလည်း ရှိနေပါတယ်။ တစ်ခါတလေ တစ်ချို့က သူဌေးတွေထက် အာဏာရှိနေသယောင် ဘဝတူဝန်ထမ်းတွေပေါ်မှာ အမျိုးမျိုး ဖိနှိပ်ပြီး အာဏာပြတတ်ပါတယ်။

Stuff

ဒီလို ဖိအားတွေကြားမှာ ဝန်ထမ်းတွေဟာ ကုမ္ပဏီစက်ရုံစည်းကမ်းကိုလည်း တစ်ဖက်က လိုက်နာနေရသလို၊ သူတို့ကို ထိန်းသိမ်းအုပ်ချုပ်တဲ့ မန်နေဂျာတွေ ခေါင်းဆောင်တွေကိုလည်း မျက်နှာချိုက သွေးရပါသေးတယ်။ တစ်ခါတလေမှာ အပြစ်ငယ်လေး လုပ်မိပေမယ့် မန်နေဂျာတွေနဲ့ ခေါင်းဆောင်တွေက မျက်နှာကြောမတည့်ရင် လစ်ပေတော့ပဲ။ တစ်ခါတလေမှာတော့ အပြစ်မရှိရှိအောင် ဂွင်ဆင်ချောက်ချတာကို ခံရပါသေးတယ်။ ဝန်ထမ်းတွေဘဝက တကယ်မလွယ်ပါဘူး။

NIF

အခုလည်း လုပ်သက်(၁၅)နှစ်အထိ ရှိပြီဖြစ်တဲ့ ဝါရင့်လေယာဉ်မယ်ကြီးတစ်ဦးက လေယာဉ်မယ်တွေဘဝမှာ အပြစ်ဆိုတာ သေးတယ်/ငယ်တယ် မရှိဘဲ တစ်ခုခုကျူးလွန်မိလို့ မသိလိုက်မသိဖာသာနဲ့ ကျူးလွန်မိတဲ့ အပြစ်ငယ်ငယ်လေးတွေဟာ သူမတို့ရဲ့ လူတွေရှေ့မှာ မော်ကြွားနေတဲ့ဘဝကို နေချင်းညချင်း ပြောင်းပေးနိုင်ကြောင်း ဆိုပါတယ်။

READ
ကမ္ဘာ့အလှဆုံးနှင်းဆီပန်းများ

အဆိုပါ လေယာဉ်မယ်ကြီးရဲ့ အမည်ကတော့ Heather Poole  ဖြစ်ပြီး Mental Floss သတင်းဌာနနဲ့တွေ့ဆုံစဉ်မှာ အခုလိုပြောခဲ့တာပါ။ သူမ ပြောခဲ့တဲ့ အပြစ်ကလးက သာမန်လူမှုဝန်ထမ်းဘဝမှာ သေးငယ်တယ်လို့ တွက်ဆလို့ ရပါတယ်။ ဒါပေမယ့် သူတို့ လေယာဉ်မယ်လောကမှာတော့ အပြစ်ကြီးတစ်ခု ဖြစ်ပါတယ်။

GudStory

သူမ ထုတ်ဖော်ပြောဆိုတာက တကယ်လို့ လေယာဉ်မယ်တစ်ဦးဟာ ယူနီဖောင်းကို မလေးမစား၊ မသေမသပ်၊ စမတ်ကျကျ ဝတ်ဆင်တတ်ခြင်းမရှိပါက အလုပ်ကနေ ချက်ချင်းထုတ်ပယ်ခံရနိုင်ကြောင်း ဆိုပါတယ်။ ဒီလိုအပြစ်ကလေးနဲ့ သူမတို့နဲ့ ဘဝတူလေယာဉ်မယ်တစ်ဦးဟာ ချက်ချင်းအလုပ်ကနေ ဖြုတ်ခံလိုက်ရတယ်လို့လည်း သူမက ဆိုပါတယ်။

Comissários de Voo

နောက်ထပ် အလုပ်ကနေထုတ်ပယ်ခံရနိုင်တာကတော့ နေမကောင်းဖျားနာနေသည့်ကြားမှ အလုပ်ခွင်ဝင်ရောက်ခြင်း ဖြစ်ပါတယ်။ အဓိကအားဖြင့်တော့ တာဝန်ရှိသူတွေက လေယာဉ်မယ်တစ်ယောက်ယောက် နေမကောင်းဖျားနာနေတယ်လို့ ယူဆရရင် လေယာဉ်ပေါ်ကို တက်ခွင့်မပေးပါဘူး။ တစ်ခြားသူတွေကို ရောဂါကူးစက်မှာဆိုးလို့ပါ။ ဒီလို ဖျားနာနေပါရက်နဲ့ တာဝန်ထမ်းဆောင်ခြင်းဟာ အပြင်မှာဆို ဘောစိက သိပြီး ဘောက်ဆူးကောင်းကောင်း ရနိုင်ပေမယ့် လေယာဉ်မယ်တွေကတာ့ ဘဝပျက်တဲ့အထိ ဖြစ်နိုင်တယ်လို့ Poole က ထုတ်ဖော်ပြောဆိုခဲ့ပါတယ်။

READ
မြွေတွေက နှိပ်နယ်ပေးမယ့် အစ္စရေးနိုင်ငံက မြွေSpa

နတ်စည်တော် (Shwemom)

source : thesun.co.uk

SHARE