အမေရိကန်အလှပဂေးတိုက်စစ်မှူး အဲလက်စ်မော်ဂန်အကြောင်း သင်မသိသေးတဲ့အချက်(၅)ချက်

Twitter "John Cormack"

(၂၀၁၉) အမျိုးသမီးကမ္ဘာ့ဖလားဘောလုံးပြိုင်ပွဲမှာ အမေရိကန်အသင်း ဗိုလ်လုပွဲရောက်ရှိသွားခဲ့ပြီးနောက် အမေရိကန်အမျိုးသမီး ကစားသမားတွေရဲ့ ပုံရိပ်တွေဟာလည်း ဆိုရှယ်မီဒီယာတွေပေါ်မှာ ပြန်လည်မြင်တွေ့လာခဲ့ရပါတယ်။

အမေရိကန်ရဲ့နာမည်ကျော်ဂိုးသမား ဟုတ်ဆိုလို ပြီးတဲ့နောက် အမေရိကန်ရဲ့ဘောလုံးအလှဘုရင်မတွေဟာ မဂ္ဂဇင်းစာမျက်နှာတွေပေါ်က ပျောက်ကွယ်နေသလို ဖြစ်ခဲ့ပြီး အခုအချိန်မှာတော့ ကမ္ဘာ့ဖလား အောင်မြင်မှုနဲ့အတူ မှေးမှိန်နေတဲ့ ပုံရိပ်တွေလည်း ပြန်လည်နိုးထလာခဲ့တယ်ဆိုပါတော့။

ဒီနှစ် အမျိုးသမီး ကမ္ဘာ့ဖလားပြိုင်ပွဲဝင် အမေရိကန်အသင်းနဲ့ ပတ်သက်ပြီး လူပြောအများဆုံးကတော့ တိုက်စစ်မှူး အဲလက်စ်မော်ဂန်အကြောင်းပါ။ အင်္ဂလန်ကို (၂-၁)ဂိုးနဲ့ အနိုင်ရခဲ့တဲ့ ဆီမီးဖိုင်နယ်ပွဲစဉ်မှာ အင်္ဂလိပ်တွေရဲ့ လက်ဖက်ရည်အစဉ်အလာကို လှောင်ပြောင်ပြီး လက်ဖက်ရည်သောက်တဲ့ပုံစံနဲ့ အောင်ပွဲခံခဲ့တယ်လို့ ဝေဖန်မှုတွေ ထွက်လာပြီးတဲ့နောက် မော်ဂန်ရဲ့အကြောင်းဟာ သတင်းစာတွေနဲ့ သတင်းဝက်ဆိုက်တွေပေါ်မှာ ပြန်လည်ရေပန်းစားလာခဲ့တာအမှန်ပါ။

 

လက်ရှိမှာ အသက် (၃၀)အရွယ် ရှိပြီဖြစ်တဲ့ မော်ဂန် ဟာ ရင့်ကျက်တဲ့အလှတရားကို ပိုင်ဆိုင်ထားသူလို့ အားလုံးက မှတ်ချက်ပေးနေကြပြီး သူ့ရဲ့ဘ၀မှာ ထူးခြားတဲ့ ဖြစ်ရပ်လေးတွေ ရှိခဲ့တာပါ။

သင် မသိသေးတဲ့ မော်ဂန်ရဲ့အကြောင်း (၅)ခုကို ဖော်ပြရမယ်ဆိုရင်တော့….။

(၁)ကလေးဘ၀

မော်ဂန်ဟာ ဘောလုံးသမားဖြစ်ဖို့ ငယ်စဉ်ကတည်းက ရည်မှန်းချက်ရှိခဲ့တာဖြစ်ပြီး အသက် (၇)နှစ်အရွယ် ကလေးဘ၀မှာတင်ပဲ သူမရဲ့မိခင်ဆီကို သူမအနေနဲ့ ပရော်ဖက်ရှင်နယ်ဘောလုံးသမားတစ်ယောက် ဖြစ်ချင်တဲ့အကြောင်း စာရေးပြီး အသိပေးခဲ့သူပါ။ ဒါပေမယ့် သူမဟာ အသက် (၁၄)နှစ်အရွယ်အထိ ဘောလုံးကလပ်တွေမှာ ကစားခွင့်မရသေးပဲ အဲဒီနောက်ပိုင်းနှစ်တွေမှသာ ဘောလုံးပြိုင်ပွဲတွေဆီ ရောက်ရှိလာခဲ့သူပါ။

 

(၂)။ သူမရဲ့ဖခင်

READ
ကျိကျိတက်ချမ်းသာပေမယ့် ရိုးရိုးရှင်းရှင်းနဲ့ပဲ ဘဝကိုဖြတ်သန်းနေတဲ့ သန်းကြွယ်များ

အဲလက်စ်မော်ဂန်ရဲ့ဖခင် မိုက်ကယ်မော်ဂန်ဟာ အဲလက်စ်တစ်ယောက် ဘောလုံးသမားဖြစ်လာဖို့အတွက် အရမ်းအရေးပါတဲ့ ကဏ္ဍမှာ ရှိနေခဲ့ပါတယ်။ ဆောက်လုပ်ရေးလုပ်ငန်းကုမ္ပဏီတစ်ခုကိုပိုင်ဆိုင်ထားတဲ့ မိုက်ကယ် ဟာ သမီးဖြစ်သူရဲ့ ၀ါသနာကို ကူညီပေးခဲ့ရပြီး အဲလက်စ်ရဲ့ဘောလုံးစွမ်းရည်တွေ တိုးတက်လာစေဖို့ သူ့အလုပ်ကို ရပ်နားခဲ့ပြီး သမီးဖြစ်သူရဲ့ နည်းပြတစ်ဦးသဖွယ် အချိန်ပေးပြီး လုပ်ဆောင်ခဲ့တာပါ။

 

 

View this post on Instagram

 

100 in the books and looking forward to another huge year for #USWNT

A post shared by Alex Morgan (@alexmorgan13) on

(၃)။ ဖခင်ရဲ့မမေ့နိုင်တဲ့လက်ဆောင်

အဲလက်စ် က သူမနဲ့ ရုပ်သံအစီအစဉ်တစ်ခုရဲ့ အင်တာဗျူးမှာ ဖခင်ဖြစ်သူရဲ့မမေ့နိုင်တဲ့လက်ဆောင်အကြောင်း ပြောပြခဲ့ပါတယ်။ အဲဒါကတော့ ဘောလုံးကန်ဖိနပ်တစ်ရံပဲဖြစ်ပြီး သူမရဲ့ငယ်ဘ၀မှာ ဖခင်ဖြစ်သူက ဒေါ်လာ(၃၂၀)တန် ဘောလုံးကန်ဖိနပ်တစ်ရံကို လက်ဆောင်ပေးခဲ့တာပါ။ အဲလက်စ်က အဲဒီအချိန်တုန်းက ဒီဖိနပ်ဟာ တန်ဖိုးကြီးတဲ့ဖိနပ်တစ်ရံဖြစ်ပြီး သူမအနေနဲ့ မ၀တ်ဆင်ရက်အောင် ဖြစ်ခဲ့ရတယ်လို့ ပြောဆုိုသွားခဲ့ပါတယ်။

 

 

View this post on Instagram

 

Game rescheduled to today because of Hurricane Irma! Come support us at Orlando City Stadium 8pm ET! #GameDay #ORLvSEA

A post shared by Alex Morgan (@alexmorgan13) on

(၄)။ ဘောလုံးသမားဇနီးမောင်နှံ

READ
ဦးနှောက်ခွဲစိတ်မှု အကြိမ်ကြိမ်ခံယူနေရတာတောင် ဆရာဝန်ဖြစ်ဖို့ဇွဲမလျှော့ခဲ့တဲ့ ကျောင်းသူ

အဲလက်စ်မော်ဂန်ဟာ (၂၀၁၄)ခုနှစ်မှာ အမေရိကန်ဘောလုံးသမား ဆာဗန်ဒို ကာရက်စ်ကို နဲ့ လက်ထပ်ခဲ့တာပါ။ သူမတို့နှစ်ယောက်က တက္ကသိုလ်တက်တဲ့အချိန်ကတည်းက တွေ့ခဲ့ကြတာဖြစ်ပြီး နှစ်ပေါင်းများစွာကြာ ခိုင်မြဲတဲ့ဆက်ဆံရေးတစ်ခုကို တည်ဆောက်ထားနိုင်ခဲ့တာပါ။ လက်ရှိအချိန်မှာတော့ ကာရက်စ်ကို က မေဂျာလိဂ်ကလပ် အယ်လ်အေဂလက်ဆီအသင်းရဲ့ ကွင်းလယ်ကစားသမားအဖြစ် ကစားနေပါတယ်။

 

 

View this post on Instagram

 

Happy Valentine’s Day my love. Tried finding a normal pic. Doesn’t exist. You’re the best. 🖤🖤

A post shared by Alex Morgan (@alexmorgan13) on

(၅)။ မြင်းမလေး

အဲလက်စ်မော်ဂန်အတွက် သူ့ရဲ့အသင်းဖော်တွေနဲ့ ပရိသတ်တွေခေါ်ကြတဲ့ ချစ်စနိုးနာမည်က “မြင်းပေါက်လေး” ပါ။ သူမရဲ့ မြန်ဆန်တဲ့ပြေးနှုန်းတွေ၊ အားစိုက်ထားတဲ့ ကစားပုံတွေကြောင့် မြင်းပေါက်လေးလို့ ပရိသတ်တွေက ချစ်စနိုးခေါ်ကြပါတယ်။ အခုတော့ အဲလက်စ်တစ်ယောက် မြင်းပေါက်လေး ဘ၀ကနေ အရွယ်ရောက်လာခဲ့ပြီပေါ့….။

 

 

View this post on Instagram

 

5 months ago, I decided to risk everything. Today we play the #UWCLfinal. We will #BEHEARD @beatsbydre

A post shared by Alex Morgan (@alexmorgan13) on

Linn

Source : heavy.com , Wiki

SHARE