အီရန်ကို သတိပေးတဲ့အနေနဲ့ F-35A Lightning II တွေ ထုတ်ပြလိုက်တဲ့ အမေရိကန်

U.S.Air Force

စစ်ရေးအရ တန်ပိုအမြင့်ဆုံးအရှိန်ကို ရောက်နေတဲ့ အမေရိကန်-အီရန်အရေးဟာ ကမ္ဘာ့သတင်းမီဒီယာထက်မှာတော့ တတိယကမ္ဘာစစ်ရဲ့ ပထမဆုံးစစ်မြေပြင် ဖြစ်နိုင်တယ်လို့တောင် ဆိုနေကြပါတယ်။ အီရန်ခေါင်းဆောင်ကြီးက ကန်တပ်တွေ နိုင်ငံအတွင်းက ထွက်ခွာဖို့ ရာဇသံပေးလိုက်ပေမယ့်၊ ကန်က မလှုပ်ပါဘူး။

အခုလည်း အမေရိကန်လေတပ်က သူတို့ရဲ့ အထူးတိုက်ခိုက်ရေးလေယာဉ်တွေဖြစ်တဲ့ F-35A Lightning II တွေကို ထုတ်ပြလိုက်တာကို CNN သတင်းဌာနက ဖော်ပြခဲ့ပါတယ်။ ဒီတိုက်ခိုက်ရေး ဖိုက်တာတွေဟာ ကန်ဒေါ်လာ (၄.၂)ဘီလီယံတန်ဖိုးရှိပြီး၊ ဖျက်အားပြင်းလက်နက်တွေ တပ်ဆင်ထားပါတယ်။ ဒီလေယာဉ်တွေဟာ Utah က အကြီးဆုံးလေတပ် Hill Air Force Base မှာ အဆင်သင့် တပ်စွဲထားပြီးပါပြီ။

U.S.Air Force

ဒီလေ့ကျင့်မှုဟာ လေတပ်ရင်း (၃၈၈)နဲ့ (၄၁၉)တို့ရဲ့ Fighter Wings အမြဲတမ်းတပ်ဖွဲ့ဝင်တွေ အနေနဲ့ 52 F-35A တိုက်ခိုက်ရေးဖိုက်တာတွေ အမြန်ဆုံးတပ်ဖြန့်နိုင်တဲ့ စွမ်းရည်ရှိတယ်ဆိုတာကို ပြသခဲ့တာ ဖြစ်ပါတယ်။ ဒီစစ်ရေးလေ့ကျင့်မှုဟာ ပြီးခဲ့တဲ့ လများစွာကတည်းက စတင်ခဲ့တာဖြစ်ပြီး၊ ပြီးခဲ့တဲ့ရက်ပိုင်းကပဲ ကန်က အီရန်ရဲ့ ဒုတိယသြဇာတိက္ကမအကြီးဆုံးပုဂ္ဂိုလ် ဗိုလ်ချုပ်ကြီးဆူလေမာနီကို လုပ်ကြံခဲ့တာနဲ့ အချိန်ကိုက် ဖြစ်နေပါတယ်။

အမေရိကန်လေတပ် Fighter Wings က ပြီးခဲ့တဲ့တနင်္လာနေ့က F-35A Lightning II တိုက်ခိုက်ရေးဖိုက်တာတွေဟာ စစ်ပွဲဝင်ဖို့ အဆင်သင့်ဖြစ်နေပြီလို့ ကြေညာခဲ့ပါတယ်။ ဒီဖိုက်တာလေယာဉ်တွေကို ပြီးခဲ့တဲ့(၄)နှစ်ကတည်းက အမေရိကန်တို့ ပထမဆုံးအကြိမ် ရရှိခဲ့တာဖြစ်ပါတယ်။ F-35A ဟာ တိုက်ခိုက်ရေးယာဉ်တွေထဲမှာ အဆင့်မြင့်ဆုံးပါ။

U.S.Air Force

419th Fighter Wings ရဲ့တွစ်တာမှာ “ ငါတို့ ပျံသန်းဖို့အသင့် … တိုက်ပွဲဝင်ဖို့ အသင့် … အနိုင်ယူဖို့ အသင့် ”ဆိုပြီးတင်ခဲ့ပါတယ်။ F-35A လေယာဉ်တစ်စီးဟာ ဒေါ်လာ(၈၉.၂)သန်း တန်ကြေးရှိပြီး၊ ဒီလေယာဉ်တွေကို ပိုင်ဆိုင်ထားပြီဆိုကတည်းက ကန်လေတပ်တပ်ဖွဲ့ဝင်တွေဟာ တိုက်ခိုက်ရေးတွေကို (၇)လအတွင်း စဉ်တိုက်ဆက်တိုက် လေ့ကျင့်ခဲ့ပြီး၊ တိုက်ပွဲအတွက် ကြိုပြင်နေခဲ့ပါတယ်။

388th Fighter Wing ရဲ့တပ်ရင်းမှူး ဗိုလ်မှူးကြီး စီတီဗင်ဘက်မာက သူတို့ရဲ့တိုက်ခိုက်ရေးသမားတွေဟာ တိုက်ပွဲအတွက် ရေကုန်ရေခမ်း လေ့ကျင့်ထားပြီဖြစ်တဲ့အတွက်၊ ဘယ်လိုရန်သူမျိုးကိုမဆို အချိန်မရွေးအနိုင်ယူနိုင်တယ်လို့ ပြောပါတယ်။ သူတို့ဟာ ဒီတိုက်ခိုက်ရေးလေယာဉ်တွေကို မကြာမီမှာ တိုက်ပွဲအတွင်း အသုံးချနိုင်လိမ့်မယ်လို့လည်း အရိက်အမြွက်ပြောခဲ့ပါတယ်။

ပြီးခဲ့တဲ့နှစ်က ဒီကိုယ်ပျောက်တိုက်လေယာဉ်တွေကို  Hill Air Force Base ကနေ အရှေ့အလယ်ပိုင်းကို (၆))စီးအထိ စေလွှတ်ခဲ့ဖူးပြီး အိုင်အက်စ်အကြမ်းဖက်သမားတွေကို တိုက်ခိုက်ရာမှာ တစ်စိတ်တဒေသအဖြစ် အသုံးပြုခဲ့ဖူးပါတယ်။ နောက်ပြီး ကန်မှာ အဆင့်မြင့် F-35B ဖိုက်တာတွေလည်း ရှိနေပြီး၊ မကြာသေးမီက စစ်ဘက်တာဝန်တွေ ယူခဲ့တာပါ။

 

F-35C ကတော့ အပေါ့စား မြန်နှုန်းမြင့်တိုက်လေယာဉ်တွေဖြစ်ပြီး လေယာဉ်တင်သင်္ဘောတွေနဲ့အတူ တိုက်ပွဲဝင်ဖို့ စီမံထားတာပါ။ F-35B တစ်စီးရဲ့ တန်ကြေးမှာ ဒေါ်လာ (၁၁၅.၅)သန်းဖြစ်ပြီး၊ F-35C ရဲ့တန်ကြေးကတော့ (၁၀၇.၇)သန်းအထိ ရှိကြောင်း သိရပါတယ်။ ကိုယ်ပျောက် F-35A ကတော့ တစ်နာရီမှာ (၁၂၀၀)mph သို့မဟုတ် (၁၉၃၀)kph အထိ ပျံသန်းနိုင်ကြောင်း သိရပါတယ်။

လင်းဇော်ကို

SHARE