အလုပ်သွားခါနီး Vape သောက်ရင်း သွား(၇) ချောင်းစလုံး ကျိုးတဲ့အထိ ဖြစ်ခဲ့ရတဲ့ အမျိုးသား

အခုခေတ်မှာ Vape သောက်တာဟာ တော်တော်လေး ခေတ်စားလာပါတယ်။ ဆေးလိပ်ဖြတ်ချင်တဲ့သူတွေအတွက် ဖြတ်ရလွယ်အောင် vape တွေကို အစားထိုးသောက်ရာကနေ တွင်ကျယ်လာတာဖြစ်ပါတယ်။ Vape သောက်ရင်း ထွက်လာတဲ့ အငွေ့တွေကို လိုသလိုပုံဖော်နိုင်တဲ့အပြင် vape အရည်အမျိုးမျိုးနဲ့ vape pen တို့ကို အလွယ်တကူ ၀ယ်ယူလို့ရတာကြောင့်လည်း ပါပါမယ်။ ဒါပေမယ့် လျှပ်စစ်ကိရိယာတစ်ခုကို မျက်နှာနား နီးနီးကပ်ကပ်ထားပြီး သုံးတာက အန္တရာယ်ရှိတဲ့အကြောင်းကို အောက်က ဖြစ်ရပ်မှာ တွေ့ရမှာပါ။

Andrew Hall

အမေရိကန် အိုင်ဒါဟိုပြည်နယ်က အန်ဒရူးဟောလ်ဆိုသူဟာ အလုပ်သွားခါနီး vape pen ကို အသုံးပြုနေရာကနေ မမျှော်လင့်ပဲ ပေါက်ကွဲမှုဖြစ်ခဲ့ပါတယ်။ မျက်နှာရှေ့တည့်တည့်မှာ ပေါက်ကွဲခဲ့တာကြောင့် pen ရဲ့ အစအနတွေဟာ ပါးစပ်ထဲ ၀င်ရောက်သွားပြီး သွား(၇) ချောင်းကျိုးခဲ့ပါတယ်။ ဒါ့အပြင် အန်ဒရူးရဲ့ လည်ပင်းနဲ့ မျက်နှာတွေမှာလည်း မီးလောင် ပေါက်ပြဲဒဏ်ရာတွေနဲ့ ဖြစ်ခဲ့ရပါတယ်။

Andrew Hall

အန်ဒရူးနဲ့ အင်တာဗျူးရာမှာ “ကျွန်တော် vape သုံးနေတာ တစ်နှစ်လောက် ရှိပြီ။ ကျွန်တော့် vape pen ကို သေချာတပ်ဆင်ပြီးမှ သောက်တာ။ ဘက်ထရီလည်း ထည့်ထားတာ နေရာမှန်ပဲ။ ကျွန်တော် ဆိုင်ကနေ စ၀ယ်ကတည်းကလည်း ပစ္စည်းတွေကို သေချာစစ်ဆေးပြီးမှ ၀ယ်တာပါ။ ဒါပေမယ့် မျက်နှာတည့်တည့်ကို ထပေါက်တာပဲ။” လို့ ဆိုခဲ့ပါတယ်။

READ
ပိန်နေသူများ ဝချင်ရင် လုပ်သင့်သည့် အရာများ
Andrew Hall

Vape pen တွေဟာ အရင်တုန်းကလည်း ပေါက်ကွဲခဲ့ပါသေးတယ်။ ပြီးခဲ့တဲ့ (၂၀၁၆) ခုနှစ်တုန်းကလည်း ကန်တက်ကီပြည်နယ်မှ အမျိုးသားတစ်ဦးဟာ Vape pen ကို အိတ်ကပ်ထဲ ထည့်ထားရာကနေ ပေါက်ကွဲမှု ဖြစ်ပွားခဲ့ပြီး ခြေထောက်မှာ မီးလောင်ဒဏ်ရာတွေ ရခဲ့ပါတယ်။ တက္ကဆက်ပြည်နယ်နေ အမျိုးသားတစ်ဦးကလည်း အလားတူအဖြစ်မျိုး ဖြစ်ပွားခဲ့တာကြောင့် vape shop ကို တရားစွဲခဲ့ပါသေးတယ်။

Andrew Hall

နယူးယောက်က အမျိုးသားကတော့ သောက်နေရင်း ပေါက်ကွဲတာကြောင့် လျာနှစ်ခြမ်း ကွဲသွားခဲ့ပါတယ်။ ဒါတင်မကသေးပါဘူး။ (၂၀၁၅) ခုနှစ်တုန်းကလည်း ကျောင်းသားတစ်ဦးဟာ vape ပေါက်ကွဲဒဏ်ကြောင့် လည်ပင်းနဲ့ မျက်နှာနားက အရိုးတွေ ကျိုးသွားခဲ့ပါတယ်။  ဒါကြောင့် ဆေးလိပ်အစားထိုးအဖြစ် vape သောက်သုံးနေသူတွေအဖို့ မ၀ယ်မဖြစ် vape pen ၀ယ်မယ်ဆိုရင်တောင် စိတ်ချရတဲ့ဆိုင်တွေကသာ ၀ယ်ယူသင့်ကြောင်း ဆင်ခြင်စရာအဖြစ် တင်ပြလိုက်ရပါတယ်။

Andrew Hall

လင်းလင်း (ShweMom)

Ref: elitereaders

SHARE