Mask တပ်တိုင်း မျက်မှန်အခိုးရိုက်တာကို ဖြေရှင်းနိုင်မယ့်နည်းလမ်း (၃) ခု

Unsplash- @katetrifo

ကူးစက်ရောဂါဖြစ်ပွားမှုမှ ကာကွယ်ဖို့အတွက် (၁) လက်ဆေးပါ (၂) လူစုလူဝေးရှောင်ပါ (၃) mask တပ်ပါ။ ဒါပေမဲ့ ကျွန်တော်တို့လို မျက်မှန်သမားတွေအတွက်တော့ mask တပ်ခြင်းဟာ တကယ့်ကို ကသိကအောက်ဖြစ်စေပါတယ်။ ရေငွေ့ရိုက်တဲ့ပြဿနာပါ။ အေးရာမှ အပူထဲကို ထွက်လိုက်ရင်တောင် မျက်မှန်တွေအခိုးရိုက်ပြီး ဘာမှမမြင်ရတော့ဘူးမဟုတ်လား။ အဲအခါကျ မျက်မှန်ကို ပြန်သုတ်ရသေးတယ်။

ဒါမဲ့ဒီလိုအခြေအနေမျိုးမှာတော့ အားတိုင်း မျက်မှန်သုတ်နေလို့လည်းမဖြစ်ဘူးလေ။ ရောဂါပိုးတွေကပ်သွားနိုင်တာကို။ ဒီတော့ mask အုပ်တိုင်း ရေငွေ့ပြန်ပြီး အခိုးရိုက်တဲ့ပြဿနာကို ဘယ်လိုရှင်းမလဲဆိုတာကို Next Shark မှ ရှာပြီး ဖော်ပြလိုက်ပါတယ်။

Freepik- freepik

(၁) ဆပ်ပြာရည်

အလွယ်ကူဆုံးနဲ့ လက်တလောအခြေအနေတွေနဲ့လည်း ကိုက်ညီတာကတော့ ဆပ်ပြာရည်အသုံးပြုခြင်းပါပဲ။ ဖျော်ထားတဲ့ ဆပ်ပြာရည်ကို ရေနဲ့ခပ်ကျဲကျဲဖျော်ပါ။ မျက်မှန်ကိုစိမ်လိုက်ပါ။ ပြီးရင် ဘာနဲ့မှမသုတ်ဘဲ သဘာဝအတိုင်း အခြောက်ခံလိုက်ပါတဲ့။

Freepik- freepik

(၂) တစ်ရှူး

အခိုးရိုက်တယ်ဆိုတာ နှာခေါင်းက မှုတ်ထုတ်လိုက်တဲ့လေရယ်၊ ပါးစပ်ထဲကထွက်လာတဲ့ အာငွေ့ရယ်ပေါင်းမိပြီး ငွေ့ရည်ဖွဲ့ကာ ဟနေတဲ့ mask ရဲ့အပေါ်ပိုင်းအပေါက်ထဲကထွက်ပြီး မျက်မှန်ကိုရေငွေ့ပြန်ရိုက်တာပါ။ ဒါကြောင့် mask နဲ့ ပါးစပ်ပေါက်တို့ကြားမှာ တစ်ရှူးလေး ခံပေးလိုက်ပါ။ တစ်ရှူးလေးက ပါးစပ်ထဲက ထွက်လာတဲ့ အာငွေ့ရဲ့ အစိုဓာတ်တွေကို စုတ်ယူပေးမှာပါ။

READ
၂၀၁၈ ကမှ ဈေးကွက်ထဲဝင်ရောက်လာကြတဲ့ ထူးထူးဆန်းဆန်းအစားအသောက်များ
Freepik- freepik

(၃) Mask တပ်နည်း သီးသန့်

အပေါ်မှာ ပြောပြခဲ့သလိုပဲ ငွေ့ရည်ဖွဲ့ပြီး ဟနေတဲ့ အပေါ်ပိုင်း mask အပေါက်ထဲက ရှူထုတ်လိုက်တဲ့လေတွေ ထွက်လာတဲ့အတွက် အခိုးရိုက်တာဖြစ်လို့ နှာခေါင်းနားမှာ ဟနေတာမျိုးမရှိအောင် သေချာဖိပေးပြီး မေးစေ့အောက်ဖက်နားမှာ အစားထိုး mask ကို ဟပေးလိုက်မယ်ဆိုရင်လည်း ပြဿနာကို ဖြေရှင်းပြီးသားဖြစ်မှာပါ။

အားလုံးပဲအဆင်ပြေနိုင်ကြပါစေ။ အိမ်ထဲကနေ ထွက်တာနဲ့ mask တပ်ဖို့မမေ့ပါနဲ့နော်။

Penny

SHARE