ဘူဂေးရီယား ရှေ့ဖြစ်ဟောဆရာမကြီးရဲ့ ကမ္ဘာကြီးအတွက် (၂၀၂၀)ခုနှစ်ဟောစာတမ်း

Wikimedia Commons

ဘူဂေရီးယားနိုင်ငံသူ ကမ္ဘာကျော် ရှေ့ဖြစ်ဟောပညာရှင် ဘာဘာဗန်ဂါကတော့ လွန်ခဲ့တဲ့ အနှစ်(၂၀)လောက်က သူမ ကွယ်လွန်သွားခဲ့တာမှန်ပေမယ့်၊ ကမ္ဘာကြီးအတွက် မဆုံးနိုင်သော ဟောစာတမ်းတွေ ထားရစ်ခဲ့သူ ဖြစ်ပါတယ်။ သူမဟာ 9/11 တိုက်ခိုက်မှုကို (၁၂)နှစ်စောပြီး ဟောကိန်းထုတ်ခဲ့သလို၊ တစ်ခြား သွေးထွက်အောင်မှန်ကန်တဲ့ ဟောပြောမှုတွေ အများကြီးပါ။

အခု (၂၀၂၀)ခုနှစ်အတွက် ဟောစာတမ်းကတော့ ကမ္ဘာကျော်ခေါင်းဆောင်တွေဖြစ်တဲ့ အမေရိကန်သမ္မတ ထရမ့်နဲ့၊ ရုရှားသမ္မတ ပူတင်တို့အတွက်တော့ သတင်းကောင်းတွေ ဆောင်ကြဉ်းလာတာတော့ မဟုတ်ပါဘူး။ သမ္မတနှစ်ယောက်စလုံးဟာ အန္တရာယ်တွေ ကျဉ်းထဲကျပ်ထဲတွေနဲ့ ရင်ဆိုင်ရမှာပါလို့ The Sun သတင်းစာက ဖော်ပြခဲ့ပါတယ်။

Twitter/Vlaimar Putin

အဖွားဗန်ဂါဟာ ရုရှားရေငုပ်သင်္ဘော Kursk နစ်မြုပ်မယ့်အကြောင်းရယ်၊ 9/11 တိုက်ခိုက်မှုဖြစ်မယ့်အကြောင်းရယ်ကို ရှေ့ဆင့်နောက်ဆင့်ဖြစ်လိမ့်မယ်လို့ ဟောပြောခဲ့ပါတယ်။ ဒီဟောပြောမှုတွေကို (၁၉၈၉)ခုနှစ်မှာ ပြုလုပ်ခဲ့တာဖြစ်ပြီး၊ အမေရိကန်တို့ တိုက်ခိုက်ခဲ့ရမယ့်အကြောင်းကို-

“ အို .. ကြောက်စရာ ထိတ်စရာပဲ … အမေရိကန်တို့ ညီအစ်ကိုတစ်စု သံမဏီငှက်တွေ တိုက်ခိုက်ခံရမှုကြောင့် ကျဆုံးမယ် … ဝံပုလွေတွေက ချုံပုတ်တွေထဲကနေ အူနေလိမ့်မယ် … အပြစ်မဲ့သွေးတွေဟာ တသွင်သွင်း စီးဆင်းနေလိမ့်မယ်”လို့ ပြောခဲ့ပါတယ်။ သံမဏိငှက်ဆိုတာ လေယာဉ်ကို ရည်ညွှန်းတယ်လို့ ကောက်ယူလို့ရပါတယ်။

အဖွားဗန်ဂါဟာ သက္ကရာဇ်(၅၀၇၉)ခုနှစ်အထိ ဟောစာတမ်းထုတ်ခဲ့ပြီး၊ အဲဒီခုနှစ်မှာ စကြဝဠာတစ်ခုလုံး ပျက်စီးသွားမယ်လို့လည်း ဆိုပါတယ်။ သူမ သေဆုံးခါနီး ခုတင်ပေါ်ကို လဲလျှောင်းနေချိန်မှာ (၂၀၂၀)အတွက် ဟောစာတမ်းကို ဟောခဲ့တာလို့ ဆိုပါတယ်။ အဲဒီဟောစာတမ်းက ထူးခြားပါတယ်။

အဖွားဗန်ဂါရဲ့အဆိုအရ ဗလာဒီမာပူတင်ဟာ အန္တရာယ်ဇုံအတွင်း ကျရောက်နေပြီး၊ ကရင်မလင်နန်းတော်အတွင်း တာဝန်ထမ်းဆောင်နေသူတစ်ဦးက လုပ်ကြံဖို့ရှိတယ်လို့ ဆိုပါတယ်။ ဒီလိုပဲ သမ္မတထရမ့်အနေနဲ့လည်း ဘေးအန္တရာယ်ဆိုးကြီး ကျရောက်မှာဖြစ်ပြီး၊ ဦးနှောက်အကျိတ်ကြောင့် သေမှာလား၊ နားပင်းသွားလေမလား တစ်ခုခု ဖြစ်မယ်လို့ ပြောပါတယ်။

သူမဟာ ဥရောပအတွက်ကိုလည်းဟောကိန်းထုတ်ခဲ့ပြီး၊ အစွန်းရောက်မွတ်စလင်တွေရဲ့လက်ထဲကို ကျရောက်လိမ့်မယ်ဖြစ်ကြောင်း ဆိုပါတယ်။ သို့သော်လည်း ဒီဟောစာတမ်းက (၂၀၂၀)ထက်စောပြီး ဖြစ်လိမ့်မယ်လို့ ဟောခဲ့တာလို့လည်း ဆိုပါတယ်။ အစွန်းရောက်တွေဟာ ဓာတုလက်နက်တွေနဲ့ တိုက်ခိုက်မှာပါတဲ့။

Twitter/DonaldJTrump

Bulgarian Institute of Suggestology မှ ပါမောက္ခ Georgi Lozanov. ရဲ့ စစ်တမ်းအရ အဖွားဗန်ဂါရဲ့ ဟောပြောချက်တွေဟာ (၈၅)%အထိ မှန်ကန်တယ်လို့ ဆိုပါတယ်။ ဆိုရရင် ဟောပြောချက် (၁၀၀)မှာ (၈၅)ခု မှန်တယ်ဆိုတဲ့ သဘောဖြစ်ပါတယ်။

ဒါပေမယ့် (၂၀၁၂)ခုနှစ်တုန်းက ဒီဟောပြောချက်ဆိုတာတွေကို Washington Post က စုံစမ်းစစ်ဆေးခဲ့ပါတယ်။ တွေ့ရှိချက်ကတော့ ဒီလို ဟောစာတမ်းယောင်ယောင်၊ ရှေဖြစ်ဟော ယောင်ယောင်ကိစ္စရပ်တွေဟာ ရုရှားဆိုရှယ်မီဒီယာတွေဘက်ကနေ ပျံ့နှံ့လာခဲ့တာတွေဖြစ်ကြောင်း အခိုင်အမာ ဖော်ထုတ်ခဲ့ပါတယ်။

နောက်ပြီး ဘူဂေးရီးယားသတင်းစာတစ်စောင်က အဖွားဗန်ဂါဟောပြောခဲ့တယ်ဆိုတဲ့ Kursk ရေငုပ်သင်္ဘော နစ်မြုပ်မယ့်အကြောင်းရယ်၊ 9/11 တိုက်ခိုက်မှုဖြစ်မယ့်အကြောင်ရယ်ကို အဖွားဗန်ဂါက ကိုယ်တိုင်ဟောခဲ့တာမဟုတ်ဘဲ၊ အခင်းဖြစ်စဉ်တွေ ဖြစ်ပြီးကာမှ သူမရဲ့ နောက်လိုက်နောက်ပါတွေက ဟောသယောင်ယောင် ရောင်ပြန်ရောလွှတ်ခဲ့တာလို့ ရေးသားခဲ့ဖူးပါတယ်။

လင်းသူရိန်

SHARE