ဘာလီမှာရှိတဲ့ နိဗ္ဗာန်ဝင်ပေါက်ဝဟာ ဓာတ်ပုံတွေထဲလိုမဟုတ်တာ သိပြီးကြပြီလား

diria_/Instagram, @ashwinvx/Twitter

ဘယ်နေရာကိုပဲသွားသွား အဲဒီနေရာရဲ့ ဓာတ်ပုံရိုက်လို့ အကောင်းဆုံးနေရာဆိုတာ ရှိပါတယ်။ ဥပမာ ပဲရစ်ရောက်ခဲ့မယ်ဆိုရင် အိုင်ဖယ်တာဝါကြီးနဲ့ ဓာတ်ပုံရိုက်သလိုမျိုးပေါ့ အိုင်ဖယ်တာဝါကြီးကို ဓာတ်ပုံထဲမြင်လိုက်တာနဲ့ ဒီလူကတော့ ပဲရစ်ရောက်နေပြီဆိုတာ တန်းသိသွားမှာပါ။

ဒီလိုမျိုး ဓာတ်ပုံရိုက်မယ့်နေရာဟာ ဘာလီမှာလည်းရှိနေပါတယ်။ ငှက်သိုက်တို့၊ ဒန်းတို့၊ T-rex ဒိုင်ဒိုဆောပုံသဏ္ဍာန်ကျွန်းကြီးကို အပေါ်စီးကနေ ရိုက်ထားတာတို့ စသည်ဖြင့်ရှိကြပါတယ်။ အဲဒီအထဲကမှ နာမည်အကြီးဆုံးကိုပြောပါဆိုရင်တော့ Gates of Heaven ကို ညွှန်းရမှာပါပဲ။ Gates of Heaven ဆိုတာဟာ Pura Lempuyang Luhur ဘုရားကျောင်းတွင်းမှာရှိတဲ့ နေရာလေးတစ်ခုပါ။

နေရာတစ်ခုထဲကို ဝင်ရောက်ဖို့အတွက် အထူးပြုလုပ်ပေးထားတဲ့ ဂိတ်တံခါးဝကြီးနဲ့တူပြီး အပေါက်ဝကို မျှော်ကြည့်လိုက်မယ်ဆိုရင် ပြာလဲ့လဲ့ကောင်းကင်ယံကြီးကိုပါ တစ်ဆက်တည်းတွေ့နိုင်တာမလို့ တင်စားထားကြတဲ့ Gates of Heaven ဆိုတဲ့ နာမည်နဲ့လည်း လိုက်ဖက်လွန်းလှပါတယ်။ ဘယ်သူပဲသွားသွား ဒီနေရာမှာ ဓာတ်ပုံမရိုက်ခဲ့ရဘူးဆိုတာ မရှိသလောက်ကို ရှားပါတယ်။ ဘာလီရဲ့ အဓိက tourist attraction နေရာတစ်ခုဖြစ်ပြီး အရင်ကထက် Instagram နဲ့ Facebook တို့ကြောင့် ပိုပြီးလူသွားများလာခဲ့ကြပါတယ်။

READ
America's Got Talent မှာ Mortal Kombat ထဲကတိုက်ကွက်တွေနဲ့ ကသွားခဲ့တဲ့အဖွဲ့

ရိုက်ထားသမျှဓာတ်ပုံလေးတွေကို ကြည့်မယ်ဆိုရင် ဂိတ်ကြီးရဲ့အရှေ့မှာပဲ ရေကန်ကြီးရှိသလိုလို ထင်ရပါလိမ့်မယ်။

diria_/Instagram

ဒါပေမဲ့ တကယ်တော့ အဲဒါဟာရေကန်ကြီးမဟုတ်ပါဘူးတဲ့။ Gates of Heaven ရဲ့ ကြမ်းပြင်ဟာ သာမန်အတိုင်း လျှောက်လမ်းသာဖြစ်ပြီး ဒီလိုမျိုးရောင်ပြန်ဟပ်တဲ့ပုံတွေကို ရဖို့အတွက်ကို အဲဒီနေရာမှာ ဓာတ်ပုံရိုက်ပေးနေတဲ့ ဒေသခံတွေက မှန်ထောင်ပြီး ရိုက်ပေးနေကြတာပါ။ ဒီနေရာမှာ ဓာတ်ပုံရိက်ဖို့အတွက် အနည်းဆုံး နာရီဝက်အထိ တန်းစီစောင့်ရမှာဖြစ်ပြီး ရောင်ပြန်ဟပ်တဲ့ပုံကောင်းလေး ရချင်တယ်ဆိုရင်တော့ အဲဒီအရှေ့မှာတွေ့ရတဲ့ ဒေသခံတွေကိုသာ ရိုက်ခိုင်းဖို့ အကြံပေးချင်ပါတယ်နော်။

@ashwinvx/Twitter
@polina_marinova/Twitter

လူမှုကွန်ယက်ပေါ်က ဓာတ်ပုံတွေနဲ့ ဆုံးဖြတ်ခဲ့မိလို့ Twitter account ပိုင်ရှင် Polina Marinova ခင်ဗျာတော့ စိတ်ကူးထဲကမျှော်လင့်ထားတာနဲ့ လက်တွေ့မှာတလွဲစီဖြစ်ခဲ့ရလို့ ဝမ်းနည်းခဲ့ရပါတယ်လို့ Twitter မှာ တင်ထားခဲ့ပါတယ်။

 

နောက်ထပ် Twitter account ပိုင်ရှင် Bathabile Amirchand ဟာလည်း ထိုနည်းတူစွာပါပဲ။ Gates of Heaven ကိုရောက်ရောက်ချင်း ရေလည်းမတွေ့ရော အလိမ်ခံရသလိုတောင် ခံစားခဲ့ရပါတယ်လို့ Polina Marinova ရဲ့ tweet အောက်မှာ retweet ပြန်လုပ်ခဲ့ပါတယ်။

Penny

SHARE