တခြားသူနဲ့လက်မထပ်ဖို့ ချစ်သူကို မင်္ဂလာကားထဲကနေ အတင်းဆွဲချပြီး တောင်းပန်ခဲ့သူ

Youtube/Mirror

ကိုလံဘီယာအနောက်မြောက်ပိုင်း၊ Medellin, Antioquia မှာ မင်္ဂလာဆောင်တစ်ခုကို လူတစ်ယောက်က ကြားဝင်နှောင့်ယှက်ခဲ့ရာ၊ အဲဒီအခင်းဖြစ်စဉ်နဲ့ ပတ်သက်တဲ့ ဗွီဒီယိုဖိုင်ဟာ လူမှုကွန်ရက်ပေါ်မှာ အတော်လေးကို ရေပန်းစားခဲ့ပါတယ်။ နှောင့်ယှက်သူကတော့ သတို့သမီးရဲ့ ရည်းစားဟောင်း ဖြစ်ပါတယ်။

သူဟာ မင်္ဂလာယာဉ်တန်းဘေးကနေ ဆိုင်ကယ်နဲ့ ကပ်လိုက်လာပြီး၊ မင်္ဂလာပန်းတွေစီခြယ်ထားတဲ့ မင်္ဂလာကားထဲကနေ သတို့သမီးကို အတင်းဆွဲထုတ်ပြီး၊ တစ်ခြားသူနဲ့ လက်ထပ်ခြင်းမပြုဖို့ သတို့သမီးကို တောင်းပန်ခဲ့တာပါ။ လမ်းဘေးကနေ ဒီအဖြစ်အပျက်ကို ဝိုင်းဝန်ကြည့်သူတွေဟာ ရာနဲ့ချီရှိခဲ့ပါတယ်။

Youtube

သူဟာ သတို့သမီးကို အမျိုးမျိုး တောင်းပန်ခဲ့သလို၊ ဒူးထောက်ပြီးတော့တောင် ခခယယ တောင်းပန်ခဲ့ပါတယ်။ သတို့သမီးကလည်း အခြေအနေတွေက အကုန် လက်လွန်ခြေလွန်တွေ ဖြစ်ကုန်ပြီမို့ ဘယ်လိုမှ အသစ်က ပြန်စလို့မရတော့ကြောင်း အမျိုးမျိုး ဖြောင်းဖြ နားချခဲ့ပါတယ်။

ဘေးက ကြည့်နေတဲ့လူတွေကလည်း “ လက်မထပ်ပါနဲ့ … တခြားသူကို လက်မထပ်ပါနဲ့ ”လို့ သံပြိုင်အော်ခဲ့သလို၊ “ ကောင်မလေးကို နမ်းပစ်လိုက် … နမ်းပစ်လိုက် ”ဆိုပြီး မြှောက်ထိုးပင့်ကော် လုပ်ပေးကြတော့ ရည်းစားဟောင်း ကောင်လေးလည်း အတင့်ရဲပြီး ဆိုင်ကယ်ဦးထုပ်ကို အသာမကာ သတို့သမီးကို နမ်းခဲ့ပါတယ်။

ပထမတော့ သတို့သမီးလည်း ကြောင်အမ်းအမ်းနဲ့ ငြိမ်နေပေမယ့်၊ နောက်တော့ သူ့ရင်ဘတ်ကို ဆောင့်တွန်းလိုက်ပါတယ်။ ဗွီဒီယိုကတော့ အစမရှိအဆုံးမရှိဆိုပေမယ့်၊ အသည်းကွဲသူ ကောင်လေးကို သတို့သမီးက နေရာမှာပင် တစ်ယောက်တည်း ထားရစ်ခဲ့ပြီး၊ သူမ နဂိုကတည်းက စီစဉ်ထားတဲ့ မင်္ဂလာပွဲကို အထမြောက်အောင် ဆက်ပြီး ဆင်နွှဲခဲ့ကြောင်း ဒေသခံမီဒီယာတွေက ဖော်ပြကြပါတယ်။

လင်းဇော်ကို

SHARE