အသားရောင်ကြောင့်ခွဲခြားခံရလို့ တပ်ကိုပြန်တရားစွဲရာ ယူရိုသိန်းချီလျော်ကြေးရခဲ့တဲ့စစ်သား

တပ်ကြပ်ရာထူးကို တာဝန်ယူထားရတဲ့ Inoke Momonakaya ဟာ လန်ဒန်ရဲ့ကာကွယ်ရေးတပ်ထဲ တာဝန်ထမ်းဆောင်လာခဲ့တာ နှစ်အတော်ကြာခဲ့ပါပြီ။ တပ်ကြပ်တာဝန် ထမ်းဆောင်နေရင်း (၆) နှစ်အတွင်းမှာတင် ပေးသမျှတာဝန်တွေကို ကျေပွန်အောင်မြင်စွာ ထမ်းဆောင်နိုင်ခဲ့တဲ့ တပ်သားတစ်ယောက်ဖြစ်ပါတယ်။ အီရတ်နဲ့ အာဖဂန်နစ္စကန်တို့မှာလည်း နှစ်အတော်ကြာအောင် တာဝန်ကျခဲ့ပါသေးတယ်။

လွန်ခဲ့တဲ့ (၇) နှစ်တုန်းက တပ်ကြပ် Momonakaya အပါအဝင် ရဲဘော်ရဲဘက်စုစုပေါင်း (၅) ယောက်တို့ဟာ စစ်တပ်မှရိုက်ကူးတဲ့ ဗီဒီယိုထဲ အထက်မှအမိန့်ကြောင့် တာလီဘန် အကြမ်းဖက်သမားများနေရာမှ ပါဝင်သရုပ်ဆောင်ခဲ့ပါတယ်။ အဓိကအကြောင်းပြချက်ကတော့ တပ်ကြပ် Momonakaya ဟာ လူမည်းလူမျိုးဖြစ်တာကြောင့် တာလီဘန်များရဲ့အသားအရောင်နဲ့ ကိုက်ညီတာကြောင့် အခုလိုသရုပ်ဆောင်ခိုင်းတာပဲဖြစ်ပါတယ်။

Warren Smith

အထက်မှ တာလီဘန်တွေနဲ့ လူမည်းတွေကို ဘယ်လိုမှခွဲခြားလို့ရမှာမဟုတ်ဘူးလို့ နှိမ်ချကာပြောဆိုခဲ့သောလည်း တိုင်းပြည်အတွက် ဖြစ်တာကြောင့် Momonakaya ဟာ လုံးဝအငြင်းစကားမဆိုဘဲ ပါဝင်ကူညီပေးခဲ့ပါတယ်။ Momo အပေါအဝင် အခြားသော လူမည်းတပ်သားများကတော့ အကြမ်းဖက်သမားများအဖြစ် သရုပ်ဆောင်ခဲ့ပြီး လူဖြူစစ်သားများကတော့ ဗြိတိသျှစစ်များများအဖြစ် သရုပ်ဆောင်ကာ လမ်းကြောင်းရှင်းရေး၊ ဗုံးရှင်းရေးစသည်ဖြင့် ဟန်ရေးပြကာ သရုပ်ဆောင်ခဲ့ကြပါတယ်။

READ
ဗို့အား 33000 ခန္ဓာကိုယ်တွင်း စီးဝင်ခဲ့လို့ ခြေလက်အင်္ဂါတွေ ပြတ်တောက်ခဲ့ရသူ

ဒီအပြင် ပေ (၅၀၀) ကျယ်တဲ့ရေကန်ကိုလည်း Momo တို့ကို လက်ပစ်ကူးခိုင်းခဲ့တယ်လို့ဆိုပါတယ်။ ပြီးနောက်တပ်ထဲမှာ အချင်းချင်းနှိမ်တာတွေ၊ အုပ်စုလိုက် ဝိုင်းလှောင်ရယ်တာတွေ အထိပါ ပိုဆိုးရွားစွာ ခံစားလာခဲ့ရပါတယ်။

ဒါဟာ တပ်ကြပ် Momo တစ်ယောက်တည်း မဟုတ်ပါဘူး။ တပ်ထဲရှိသမျှ လူမည်းစစ်သားတိုင်း သူနဲ့ထပ်တူခံစားခဲ့ရတယ်လို့ ဆိုပါတယ်။ ခွဲခြားဆက်ဆံခံရတဲ့အပေါ် အထက်ကို တင်ပြခဲ့သော်လည်း ပယ်ချခံကာ ဘယ်သူမှ မေးဖော်တောင်မရခဲ့ဘူးလို့ ဆိုပါတယ်။

shutterstock

Momo ဟာ ၂၀၀၅ ခုနှစ်ကတည်းက စစ်သားစုဆောင်းရေးမှတစ်ဆင့် တပ်ထဲဝင်လာကာ တပ်ကြပ်အဖြစ်သို့ရောက်ရှိခဲ့တာဖြစ်ပါတယ်။ ၂၀၀၆-၀၇ ခုနှစ် အီရတ်မှာ တာဝန်ထမ်းဆောင်စဉ်အတွင်း အခုလိုခွဲခြားဆက်ဆံမှုမျိုးနဲ့ ကြုံတွေ့ခဲ့ရတာဖြစ်ပါတယ်။ ဒီအပြင် တပ်ထဲက တပ်သား (၉) ယောက်ကိုလည်း တိုက်ပွဲမှာ ဆုံးရှုံးသွားတဲ့အတွက်ကြောင့် တပ်ကြပ်  Momo တစ်ယောက် တော်တော်လေး စိတ်ဒဏ်ရာရရှိခဲ့ပါတယ်။ ခွဲခြားဆက်ဆံခံရတဲ့ အတိတ်ဆိုးတို့ကြောင့် ယုံကြည်ချက်တွေပျောက်ဆုံးပြီး ကိုယ့်ကိုယ်ကိုသတ်သေဖို့အထိပါ ကြိုးစားခဲ့ဖူးပါတယ်။

READ
စူပါမားကတ်ထဲမှာ 12 ပေအရှည် စပါးအုံးမြွေတစ်ကောင် ၀င်နေလို့ အထိတ်တလန့် ဖြစ်ခဲ့ရ

ဒီလိုအကြောင်းတွေကြောင့်ပဲ ၂၀၁၂ ခုနှစ်မှာတော့ ဆေးပင်စင်ယူကာ တပ်ကနေ အပြီးအပိုင်နှုတ်ထွက်ခဲ့ပါတယ်။ တပ်အသိုင်းအဝိုင်းနဲ့ ဝေးရာမှာနေထိုင်ခဲ့လည်း ယနေ့အချိန်အထိ အတိတ်ကစိတ်ဒဏ်ရာတွေက နှောက်ယှက်နေဆဲမို့ ကာကွယ်ရေးဝန်ကြီးဌာနကို တရားစွဲဆိုခဲ့ပါတယ်။

shutterstock

Momo ဟာ အနိုင်ကျင့်ခံစားခဲ့ရစဉ်တုန်းက အထက်ကို တင်ပြခဲ့ပေမယ့် ပယ်ချခံခဲ့ရပြီး ဒီကိစ္စတွေကြောင့်ပဲ တပ်သားဘဝနဲ့ ပင်စင်ရတဲ့အထိ (၂၄) နှစ်တာ ဖြတ်သန်းရမယ့်အစား (၇) ကျော်ရုံမျှသာ စစ်မှုထမ်းခဲ့ရပါတယ်။ သူ့ရဲ့အသက်မွေးဝမ်းကျောင်းကို ထိခိုက်စေတာ ထင်ရှားတဲ့အပြင် တကယ်လည်း စိတ်ရောဂါရရှိသွားတဲ့အတွက် တရားစွဲဆိုမှုမှာ အနိုင်ရရှိတဲ့အပြင် ကာကွယ်ရေးဝန်ကြီးဌာနဆီက လျော်ကြေးအနေနဲ့ ယူရို (၄၉၀,၀၀၀) (မြန်မာငွေ သိန်း ၈၅၀၀ ခန့်)ကိုပါ ရရှိခဲ့ပါတယ်။

Source: Daily Mail

Penny

 

 

SHARE