အကြောသေလူနာအတွက် ဦးနှောက်နဲ့ထိန်းချုပ်ပြီးလှုပ်ရှားနိုင်မယ့်ကိရိယာတီထွင်

Twitter / Popular

ယနေ့ခေတ်မှာ ကိုယ်လက်အင်္ဂါချို့ယွင်းသူတွေနဲ့ မသန်စွမ်းသူတွေအတွက် ရည်ရွယ်ပြီး ခေတ်မှီစက်ပစ္စည်းတွေကို များစွာတီထွင်လာကြပါပြီ။

အခုလည်း ပခုံးအောက်ပိုင်းကစပြီး အကြောသေနေတဲ့အမျိုးသားတစ်ယောက်အတွက် exoskeletonဆိုတဲ့ အရိုးခွံကိရိယာကိုဦးနှောက်နဲ့ထိန်းချုပ်ပြီး လှုပ်ရှားလို့ရနိုင်အောင် သုတေသီတွေက (၂)နှစ်ကြာတီထွင်နေခဲ့တာဖြစ်ပါတယ်။

 လူနာ Thibaultဟာ ကျောရိုးတောက်လျှောက်ဒဏ်ရာ ခြေထောက်တွေမလှုပ်ရှားနိုင်သူတစ်ဦးဖြစ်ပြီး၊ ဘယ်ဘက်လက်ကောက်နဲ့လက်မောင်းကအနည်းငယ်မျှလှုပ်ရှားနိုင်ပေမယ့် ပခုံးအောက်ပိုင်းကစလို့ တကိုယ်လုံးမသန်သူဖြစ်ပါတယ်။

အခုကိရိယာကိုတော့ Clinatec သုတေသနစင်တာက ရန်ပုံငွေမတည်ပြီး၊ ခြေလက်မလှုပ်ရှားနိုင်တဲ့ လူနာတွေအတွက် စက်ရုပ်ပုံစံခြေလက်လေးဖက်နဲ့ ဖန်တီးပြုလုပ်ထားတာဖြစ်ပါတယ်။

သူက လှုပ်ရှားနိုင်ရုံမကဘဲ အကြောသေလူနာတွေအတွက် လမ်းပါလျှောက်လို့ရနိုင်ပြီး၊ အဲ့ဒီ လမ်းလျှောက်နည်းအပိုင်းကတော့ ဒီစနစ်ရဲ့အရှုပ်အထွေးဆုံးအပိုင်းတစ်ခုလို့ဆိုပါတယ်။

ဦးနှောက်အတွင်းပိုင်းထိထည့်သွင်းတဲ့ဆင်ဆာမျိုးတွေရှိပေမယ့် သူကတော့ အတွင်းထဲထိထည့်တာမဟုတ်ပါဘဲ လူနာရဲ့ဦးနှောက်နဲ့ဦးခေါင်းအရေခွံကြားကို ကွန်ပြူတာChipပြားထည့်တာဖြစ်လို့ ဦးနှောက်ကအချက်ပြလိုက်တာကို AIနည်းပညာကဘာသာပြန်ပြီး လှုပ်ရှားမှုလုပ်ပေးမှာဖြစ်ပါတယ်။ 

ဒီကိရိယာဟာ အခုအချိန်ထိတော့လူနာတွေနဲ့အံဝင်ခွင်ကျဖြစ်ဖို့ အချိန်လိုအပ်နေသေးပေမယ့် စိတ်ရှည်လက်ရှည်နဲ့ လေ့ကျင့်သွားမယ်ဆိုရင်တော့ အဆင်ပြေနိုင်တယ်လီု့ သုတေသီတွေကဆိုပါတယ်။

Khaing

SHARE