မြစ်ထဲမှာရေကူးရင်း ဦးနှောက်ပျက်စီးစေတဲ့ပိုးဝင်သွားတဲ့ ကလေးမလေး

Twitter "CBS News"

Lily Mae Avant အမည်ရှိတဲ့အသက်(၁၀)နှစ်အရွယ်ကလေးမလေးတစ်ဦးဟာ သူမရဲ့ဦးနှောက်ကလာပ်စည်း မှာ ပြင်းထန်တဲ့ကူးစက်ရောဂါတိုက်ခိုက်မှုတွေကြောင့် အမေရိကန်နိုင်ငံ တက္ကဆက်ပြည်နယ် Fort Worth မြို့ရှိ ကလေးဆေးရုံရဲ့ကလေးအထူးကုစင်တာမှာလဲလျောင်းကာ ဆေးကုသမှုတွေဆက်တိုက်ခံယူနေရပါတယ်။

အခုလ(၉)ရက်နေ့က Lily Mae Avant လေးဟာ ကိုယ်တွေပူပြီးခေါင်းကိုက်တယ်လို့ပြောတာကြောင့်  ကျောင်းကနေအိမ်ပြန်လာခဲ့ပါတယ်။နောက်တစ်နေ့မှာတော့ Avant လေးဟာ သတိပြန်မလည်လာတော့ တဲ့အတွက် သူမရဲ့မိဘတွေက ဆေးရုံကိုအမြန်ပို့ဆောင်ပေးခဲ့ရတယ်လို့ သူမရဲ့ဆွေမျိုးနီးစပ်တစ်ယောက် ဆိုရှယ်မီယာပေါ်မှာတင်ထားတဲ့သတင်းတွေအရသိရပါတယ်။

 

ပထမက Avant ဟာ ဘက်တီးရီးယားပိုးကြောင့်ဖြစ်တဲ့ ဦးနှောက်အမြှေးရောင်ရောဂါဖြစ်ပွားနေတာလို့ ဆရာဝန်တွေထင်ခဲ့ပါတယ်။ဒါပေမယ့်မဟုတ်ခဲ့ပါဘူး။ Avant ဟာ primary amebic meningoencephalitis(PAM) လို့ခေါ်တဲ့ သေစေနိုင်တဲ့ ဦးနှောက်ကူးစက်ရောဂါဖြစ်ပွားနေခဲ့တာပါ။သူမဟာ Brazos မြစ်ထဲမှာရေသွားကူးပြီးနောက် ဒီရောဂါပိုးကူးစက်ခံခဲ့ရတာဖြစ်ပါတယ်။

PAM ရောဂါဖြစ်ပွားရင် (၉၇)ရာခိုင်နှုန်းဟာသေဆုံးနိုင်ခြေများပါတယ်။ ဒီရောဂါဟာ (၁၉၆၂)ခုနှစ်ကတည်းကဖြစ်ပွား ခဲ့တာ အခုဆိုရင် (၁၄၇)ယောက်ရှိပြီဖြစ်ပြီး အဲဒီထဲကမှ ကံကောင်းထောက်မစွာ (၄)ယောက်သာ အသက်ရှင်နိုင်ခဲ့ တာဖြစ်ပါတယ်။

ဒီနှစ်အစောပိုင်းတုန်းကလည်း အသက်(၅၄)နှစ်အရွယ်မြောက်ကယ်ရိုလိုင်းနားအမျိုးသားတစ်ယောက်ဟာ  ရေကူးကန်တစ်ခုမှာရေသွားကူးရင်း ဒီ PAM လို့ခေါ်တဲ့ သေစေနိုင်တဲ့ ဦးနှောက်ကူးစက်ရောဂါဖြစ်ပွားပြီးသေဆုံးသွားခဲ့ပါတယ်။ (၂၀၁၈)ခုနှစ်အောက်တိုဘာလတုန်းကလည်း ကယ်လီဖိုးနီးယားကကောင်လေးတစ်ဦးဟာ ရေသွားကူးရင်း PAM ကူးစက်ခံခဲ့ရပါတယ်။အဲ့ဒီကောင်လေးလည်း ကူးစက်ခံရပြီး သုံးရက်အကြာမှာသေဆုံးသွားခဲ့ပါတယ်။

Naegleria fowleri လို့ခေါ်တဲ့ ဦးနှောက်ကို ပျက်စီးစေတဲ့ပိုးဟာ ပင်လယ်ထဲမှာမရှိပါဘူး။ဒီပိုးကောင်တွေဟာ  ရေချိုးရေကန်တွေ၊ မြစ်တွေနဲ့ ရေပူစမ်းတွေမှာဟာ အများဆုံးတွေ့နိုင်ပါတယ်။

ဒီပိုးဟာ ကန်တွေ၊ မြစ်ရေတွေမှာရှိတဲ့ ညစ်ညမ်းတဲ့နုန်းမြေရှိတဲ့နေရာတွေမှာသာ ရှိနေတာဖြစ်ပြီး  အဲ့ဒီထဲမှာ ရေကူးတဲ့သူရှုသွင်းလိုက်တဲ့နှာခေါင်းကနေတစ်ဆင့် ဦးနှောက်ထဲကိုဝင်ရောက်တာ ဖြစ်ပါတယ်။

မသန့်တဲ့ရေတွေကိုမျိုချရာကနေတော့ မဖြစ်ပွားနိုင်ပါဘူး။ ပိုးသတ်ဆေးမလုံလောက်တဲ့  ရေကူးကန်တို့လို ရေပူစမ်းလိုနေရာတွေမှာသာ ဒီရောဂါပိုးဖြစ်ပွားနိုင်တာဖြစ်ပါတယ်။

ဒီပိုးဟာ အပူချိန် (၁၁၅)ဒီဂရီဖာရင်ဟိုက်ရှိတဲ့နေရာမှာတောင် အသက်ရှင်ကြီးထွားနိုင်ပါတယ်။

ဒီရောဂါပိုးဝင်ရောက်နေပြီဆို အန်မယ်၊ လေသင်တုန်းဖြတ်ခြင်း၊ဦးနှောက်ရောင်ရမ်းခြင်းတွေနဲ့သေဆုံးမှုတွေဆက်တိုက်ဖြစ်နိုင်ပါတယ်။

READ
ခွေးတစ်ကောင်ကိုရှောင်ရင်း ဆုံးရှုံးမှုကြီးမားခဲ့တဲ့ ဖာရာရီကားနှစ်စင်း

ဒီပိုးဟာ ရောဂါကူးစက်ခံရပြီး (၉)ရက်အကြာမှာ ရောဂါလက္ခဏာစတင်ပြသတာဖြစ်ပါတယ်။ အန်မယ်၊ မအီမသာဖြစ်မယ်၊ ကိုယ်ပူမယ်၊ ခေါင်းကိုက်တာတွေဖြစ်ပွားမှာဖြစ်ပါတယ်။အဲ့ဒီကနေမှတစ်ဆင့် လေသင်တုန်းဖြတ်ပြီး စိတ်အာရုံချောက်ချားမှုတွေဖြစ်ကာ ကိုမာဘ၀ကိုရောက်ပြီး အသက်သေဆုံးကြတာဖြစ်ပါတယ်။

Thae

SHARE