ဦးနှောက်အာရုံစူးစိုက်မှုကိုဖွံ့ဖြိုးတိုးတက်စေမည့် အစားအစာများ

တစ်နေ့တာလုပ်ငန်းဆောင်တာတွေကိုအကောင်းဆုံးစွမ်းဆောင်နိုင်ဖို့ဦးနှောက်က သေချာအာရုံစူးစိုက်ဖို့လိုအပ်ပါတယ်။ဒါပေမယ့်တခါတလေစိတ်ဖိစီးမှုနဲ့ခနာကိုယ်အတွက်လိုအပ်တဲ့အာဟာရဓာတ်တွေချို့တဲ့ခြင်းကြောင့်ကိုယ့်ရဲ့တာဝန်တွေအပေါ် သေချာအာရုံမစူးစိုက်နိုင်တဲ့အခါအလွဲလွဲအချော်ချော်ဖြစ်ပြီးအခွင့်အရေးတွေကိုလက်လွှတ်ဆုံးရှုံးရတတ်ပါတယ်။ဒါကြောင့် ဦးနှောက်အာရုံစူးစိုက်မှုကိုအားကောင်းစေမယ့်အစားအသောက်နေထိုင်မှုပုံစံတွေကိုဖော်ပြပေးလိုက်ပါတယ်။

မနက်စာ

မနက်စာစားသုံးခြင်းကဦးနှောက်မှတ်ဥာဏ်နဲ့အားရုံစူးစိုက်မှုကိုအချိန်တိုတွင်းတိုးတက်စေပါတယ်။မနက်စာစားတဲ့ကျောင်းသားတွေဟာမစားတဲ့ကျောင်းသားတွေထက်ပိုပြီးထူးချွန်ထက်မြက်ကြတယ်လို့လေ့လာမှုတွေအရသိရပါတယ်။မနက်စာစားခြင်းကြောင့်ဦးနှောက်အတွက် လောင်စာရရှိပြီးဦးနှောက်ရဲ့လုပ်ငန်းစွမ်းဆောင်ရည်တွေကိုတိုးစေပါတယ်။နို့နဲ့နို့ထွက်ပစ္စည်း၊သစ်သီးဝလံတွေနဲ့အစေ့အနှံတွေအပြင်အမျှင်ဓာတ်ကြွယ်ဝတဲ့အစားအစာတွေကိုမနက်စာအဖြစ်စားသုံးပေးသင့်ပါတယ်။ဒါပေမယ့်အလွန်အကျွံမစားဖို့တော့လိုပါတယ်။မနက်စာကိုအလွန်အကျွံစားခြင်းကအာရုံစူးစိုက်မှုကို နှေးကွေးစေပါတယ်။

 ကဖိန်းဓာတ်ပါသည့်အစားအစာ

ဥာဏ်ရည်မြင့်ဖို့ မှော်အစွမ်းရယ်လို့တော့မရှိပါဘူး။ဒါပေမယ့်အစားအစာတွေမှာပါဝင်နဲ့အာဟာရဓာတ်တွေရဲ့အကူအညီကိုတော့ယူနိုင်ပါတယ်။အဲဒီလို ဦးနှောက်မှတ်ဥာဏ်တိုးတက်စေတဲ့ဓာတ်တွေထဲမှာ  ကဖိန်းဓာတ်လည်းပါဝင်ပါတယ်။ဒါပေမယ့် ဘယ်အရာမှအလွန်အကျွံဖြစ်တာမကောင်းပါဘူး။ကဖိန်းဓာတ်ကလူကိုနိုးကြားတက်ကြွစေတာမှန်ပေမယ့်အလွန်အကျွံဆိုရင်တော့ လူကိုမသက်မသာဖြစ်စေသလို စိတ်အလိုမကျမှုတွေဖြစ်စေပါတယ်။

ကျန်းမာရေးနှင့်ညီညွတ်သောအစားအစာ

နေ့စဉ်စားနေကျအစားအစာတွေထဲမှာခနာကိုယ်အတွက်လိုအပ်တဲ့အာဟာရဓာတ်တွေမပါဝင်ဘူးဆိုရင်သင့်ရဲ့လုပ်ငန်းစွမ်းဆောင်ရည်တွေမှာထိခိုက်မှုတွေရှိနိုင်ပါတယ်။အစားအစာကိုအလွန်အကျွံစားခြင်းဒါမှမဟုတ်နည်းပါးစွာစားခြင်းတို့ကမမျှတတဲ့စားသောက်နေထိုင်မှုပုံစံဖြစ်ပါတယ်။ဦးနှောက်ဥာဏ်ရည်ဖွံ့ဖြိုးတိုးတက်ဖို့နဲ့အာရုံစူးစိုက်မှုအားကောင်းဖို့ဆိုရင်အာဟာရမျှတပြီးကျန်းမာရေးနဲ့ညီညွတ်တဲ့အစာတွေစားပေးဖို့လိုပါတယ်။ဒီလိုအစာတွေအတွက်ကိုယ်တိုင်စီစဉ်ချက်ပြုတ်စားသောက်မယ်ဆိုရင်တော့ ပိုပြီးအဆင်ပြေနိုင်ပါတယ်။

ဗီတာမင်၊ သတ္ထုဓာတ်နဲ့ဖြည့်စွက်စာများ

ဦးနှောက်ရဲ့လုပ်ငန်းစွမ်းဆောင်ရည်တွေကောင်းမွန်မြန်ဆန်ဖို့ဆိုရင်ဗီတာမင်နဲ့သတ္ထုဓာတ်တွေကို ဖြည့်စွက်အားဆေးသော်လည်းကောင်း ဖြည့်စွက်အစာသော်လည်းကောင်းစားသုံးပေးဖို့လိုပါတယ်။ဗီတာမင်ဘီ၊စီ၊အီးနဲ့ beta-carotene ၊မက်ဂနီ ဆီယမ်ဓာတ်တွေဟာဦးနှောက်မှတ်ဥာဏ်အားကောင်းဖို့နဲ့အာရုံစူးစိုက်မှုတွေတိုးတက်ဖို့အထောက်အပံ့ပေးနိုင်တဲ့ဓာတ်တွေဖြစ်လို့ မှီဝဲပေးဖို့လိုပါတယ်။

ChoChoThan(Shwemom)

Ref: webmd.com

SHARE