အိမ်သာအတက်နည်းအောင် အစားလျှော့စားစေချင်တဲ့ ဘရာဇီးသမ္မတရဲ့မျှော်လင့်ချက်

Monthira/Shutterstock

လူတွေရဲ့အညစ်အကြေးတွေဟာ စနစ်တကျနဲ့စွန့်ပစ်မှုမရှိတဲ့အခါမျိုးမှာဆိုရင် သဘာဝပတ်ဝန်းကျင်အတွက် တော်တော်လေးကို ဒုက္ခပေးနိုင်တယ်ဆိုတာ အားလုံးသိထားကြမယ်ထင်ပါတယ်နော်။ တစ်နေရာကိုခရီးသွားတုန်းကတောင် ဧရာဝတီမြစ်ကို စက်လှေနဲ့ဖြတ်ရတာ၊ ဝေလီဝေလင်းဆိုတော့ အသွားတုန်းက မသိခဲ့ပေမယ့် မနက်လင်းချိန် ပြန်တဲ့အခါ မြစ်ထဲမှာ အညစ်အကြေးတွေ ပေါ်လောပေါ်နေတဲ့ ဖြစ်ရပ်မျိုး ကိုယ်တွေ့ကြုံခဲ့ဖူးပါတယ်။ မြစ်တစ်ပြင်လုံးအပြည့်နော်၊ စဉ်းစားသာကြည့်တော့..

chriskeller / Shutterstock

ဒီလိုအညစ်အကြေးကိစ္စနဲ့ပတ်သက်ပြီး ဘရာဇီးသမ္မတ Jair Bolsonaro ဟာ ပြီးခဲ့တဲ့ သောကြာနေ့တုန်းက စကားတစ်ခွန်းပြောခဲ့တယ်ဆိုပြီး Insider မှာ ဖော်ပြထားခဲ့ပါတယ်။ ပြောခဲ့တဲ့စကားကတော့ အစာကို မလိုအပ်ဘဲ အရမ်းစားတာမျိုးမလုပ်ဘဲ လျှော့စားမယ်ဆိုရင် အိမ်သာလည်း အမြဲတမ်း တက်စရာမလိုအပ်တော့တာကြောင့် သဘာဝပတ်ဝန်းကျင်ကိုလည်း ထိန်းသိမ်းပြီးသား ဖြစ်သွားလိမ့်မယ်၊ ကမ္ဘာကြီးအတွက်လည်း အကျိုးရှိသွားတာပေါ့လို့ပဲဖြစ်ပါတယ်။

 

Monthira/Shutterstock

သူအကြံပေးတာဟာလည်း မဆိုးတော့မဆိုးရှာပေမယ့်လို့ လူ့ခန္ဓာကိုယ်ရဲ့ဇီဝရုပ်ဖြစ်ပျက်မှုတွေဆိုတာ စိတ်ကထိန်းချုပ်နိုင်တဲ့အရာတစ်ခုမှမဟုတ်တာနော်။ အိမ်သာတက်တဲ့နေရာမှာလည်း အဲဒီလိုပါပဲ။ တစ်နေ့တည်းနဲ့ အိမ်သာသုံးခါတက်တတ်တဲ့သူရှိသလိုမျိုးပဲ တစ်ပတ်လုံးနေမှ အိမ်သာ ၃ ခါပဲတက်တဲ့လူစားမျိုးလည်းရှိတတ်ပါတယ်။ တစ်ယောက်နဲ့တစ်ယောက် တူမှမတူကြပဲ။ နောက်တစ်ချက်အနေနဲ့ သင်ဟာအစာများများစားလေ၊ အိမ်သာပိုတက်နိုင်ဖို့အတွက် အခွင့်အရေးပိုများလေဆိုပြီးတော့လည်း တရားသေတွက်ထားလို့ မရနိုင်ပါဘူး။

READ
မိတ်ဆွေခွေးလေးရဲ့ အကူအညီနဲ့ ရှင်သန်နေတဲ့ မျက်မမြင်ခွေးလေး
Antonina Vlasova/Shutterstock

ဥပမာ သင်စားတဲ့အစာထဲမှာ အမျှင်ဓာတ်ကြွယ်ဝစွာပါတဲ့ အစားအသောက်တွေ များများစားတာနဲ့ အမျှင်ဓာတ်မပါဝင်တဲ့ အစားအသောက်တွေ များများစားတာနဲ့ဆိုရင် ပမာဏချင်းတူတာတောင် အမျှင်ဓာတ်ပိုများတာစားတဲ့အနေ့ဆိုရင် အိမ်သာပိုသွားချင်ပါလိမ့်မယ်။ နောက်ပြီး ကဖိမ်းဓာတ်ပါတဲ့ ကော်ဖီတို့လိုအစားအသောက်မျိုးတွေဟာလည်း အိမ်သာတက်ချင်စိတ်ကို ပိုဖြစ်တာကိုလည်း တွေ့ရမှာပါ။ ကဲဒီတော့ ဘရာဇီးသမ္မပြောတဲ့ စကားကို ဘယ်လိုထင်ကြလဲ။

Penny

SHARE