ဇွဲမလျော့ပဲ ပန်းတိုင်ဆီရောက်အောင် လေးဘက်ထောက်သွားခဲ့တဲ့ မာရသွန်အမျိုးသမီး

ပရိုဖက်ရှင်နယ်မာရသွန်အပြေးသမားတစ်ယောက်ဟာ လန်ဒန်မာရသွန်ပြိုင်နေတုန်း ပန်းဝင်ခါနီးအလိုမှာ မဟန်နိုင်တော့ပဲ လဲကျသွားခဲ့ပါတယ်။ လဲကျသွားတဲ့အမျိုးသမီးဟာ အသက်(၂၅) နှစ်အရွယ် ဟေလေ ကာရူသာဆိုသူပါ။ မာရသွန်မှာ တောက်လျှောက်ပြေးလာရင်း ပင်ပန်းလွန်းတာကြောင့် ပန်းတိုင်ရောက်ဖို့ မီတာအနည်းငယ်အလိုမှာ သူမဟာ ဒူးတွေ ယိုင်ခွေလဲကျခဲ့တာဖြစ်ပါတယ်။

twitter
twitter

ဒါပေမယ့် ဟေလေဟာ နောက်ဆုံးအချိန်ထိ ဇွဲမလျော့ပါဘူး။ ခြေထောက်တွေ အရမ်းနာကျင်ကိုက်ခဲနေလို့ လမ်းမလျှောက်နိုင်အောင် ခွေလဲကျခဲ့ပေမယ့် မြင်နေရတဲ့ ပန်းတိုင်ဆီကို လေးဘက်ထောက်ပြီး တွားသွားခဲ့တာပါ။ သူမဟာ လန်ဒန်မာရသွန်မှာ (၂း၃၄း၀၃) နဲ့ ဒုတိယမြောက် ပန်းဝင်ခဲ့သူဖြစ်ပါတယ်။ သူမအရင်ပန်းဝင်ခဲ့သူကတော့ ကင်ညာနိုင်ငံက ဘရစ်ဂျစ်ကော့စ်ဂေးဆိုသူပါ။ ဘရစ်ဂျစ်ကတော့ (၂း၁၈း၂၀) မှာ ပန်းဝင်ခဲ့တာပါ။

twitter
twitter

တွေ့ရတဲ့ဓာတ်ပုံတွေကတော့ ဟေလေကို အရေးပေါ်ကုသမှုခံယူဖို့ ထမ်းစင်နဲ့တင်ပြီး ခေါ်သွားတဲ့ဓာတ်ပုံတွေပဲ ဖြစ်ပါတယ်။ အခုတော့ ဟေလေဟာ သက်သာနေပြီဖြစ်ပြီး သူမရဲ့ ဒူးခေါင်းကို ပတ်တီးစည်းထားတဲ့ ဓာတ်ပုံတွေနဲ့အတူ သူမ နေပြန်ကောင်းနေပြီဖြစ်ကြောင်း တွစ်တာပေါ်မှာ ပရိသတ်တွေကို အသိပေးခဲ့ပါသေးတယ်။

လင်းလင်း (ShweMom)

READ
အမှန်တကယ် ကြိုးစားသူအတွက် ကူညီသူ အဆင်သင့်ရှိနေကြောင်း သက်သေပြနေတဲ့ဖြစ်ရပ်

Ref: dailymail

SHARE