Ex ရဲ့ ဓာတ်ပုံပြရုံနဲ့ ပိုက်ဆံပေးစရာမလိုပဲ ဘာဂါအလကားစားခွင့်ပေးမယ့် ဘာဂါဆိုင်

instagram/burgerking

မကြာခင် (၂၀၂၀) ခုနှစ်ရဲ့ ဗယ်လင်တိုင်းဒေးရောက်တော့မှာဖြစ်တဲ့အတွက် Burger King ဟာ စားသုံးသူဖောက်သည်တွေအတွက် အထူးအစီအစဉ်တစ်ခုကို ဖန်တီးထားပါတယ်။ အဲ့ဒါကတော့ မည်သူမဆို မိမိရဲ့အဆက်ဟောင်း ဓာတ်ပုံတစ်ပုံကိုယူလာပြီး ဘာဂါတစ်လုံးနဲ့ လဲလှယ်နိုင်မယ့် အခွင့်အရေးပဲ ဖြစ်ပါတယ်။

pexels/Valeria Boltneva

ဗယ်လင်တိုင်းနေ့မှာ သင်ဟာ သင်နဲ့ သင့် ရည်းစားဟောင်း အတူတွဲရိုက်ထားတဲ့ပုံကို Burger King ဆိုင်တွေဆီ ယူလာပြီး ဘာဂါအဖိုးအခအဖြစ် ပေးချေနိုင်မှာ ဖြစ်ပါတယ်။ ဓာတ်ပုံကိုတော့ ပရင့်ထုတ်လာရမှာ ဖြစ်ပါတယ်။ ဖုန်းယူလာပြီး ဖုန်းထဲမှာ tag ထားတဲ့ဓာတ်ပုံ၊ အင်စတာဂရမ်ဓာတ်ပုံတွေ ပြတာမျိုးတော့ လက်ခံမှာ မဟုတ်ပါဘူး။

တကယ်လို့ သင်ဟာ လက်ရှိနယူးယောက်မှာဆိုရင်တော့ သင့်ရဲ့ ပြီးဆုံးသွားတဲ့ အချစ်ရေးအတွက် Burger King ကို ပြဖို့သက်သေအဖြစ် သင်နဲ့ သင့်ရည်းစားဟောင်းကြားထဲက စာတွေ၊ အမွှေးပွရုပ်နဲ့ အခြားတိုလီမုတ်စတွေ ယူလာပြီး ဘာဂါတစ်လုံးနဲ့ လဲနိုင်ပါတယ်။

READ
မိဘတွေရဲ့  (၆)နှစ်တာ တိရစ္ဆာန်သဖွယ် လှောင်ပိတ်ထားခံရတဲ့ အမျိုးသမီးရဲ့အဖြစ်

ဒါပေမယ့် စိတ်မကောင်းစရာတစ်ခုက ဒီပရိုမိုးရှင်းကို အမေရိကန်က မြို့ကြီးလေးမြို့မှာပဲ ပြုလုပ်မှာပါ။ တကယ်လို့ စာဖတ်သူသာ နယူးယောက်၊ ဆန်ဖရန်ဆစ္စကို၊ လော့စ်အင်ဂျလိစ်နဲ့ ဘော့စတွန်ကို ရောက်နေတယ်ဆိုရင်တော့ ဘာဂါလဲလှယ်ခွင့်စာရင်းထဲ ကံထူးရှင်တစ်ယောက်အဖြစ် ပါဝင်နိုင်မှာပဲ ဖြစ်ပါတယ်။ ဘာဂါပရိုမိုးရှင်းကို ဆန်ဖရန်ဆစ္စကို၊ လော့စ်အင်ဂျလိစ်နဲ့ ဘော့စတွန်တို့မှာဆိုရင် ဖေဖော်ဝါရီလ (၁၄) ရက်တစ်ရက်တည်းသာ အကျုံးဝင်မှာဖြစ်ပြီး နယူးယောက်မြို့ အနီးနားတစ်ဝိုက်မှာဆိုရင်တော့ ဖေဖော်ဝါရီ (၁၄) ရက်ကနေ (၁၆) ရက်အထိ အကျုံးဝင်မှာ ဖြစ်တယ်လို့လည်း bustle သတင်းအရ သိရပါတယ်။

လင်းလင်း (ShweMom)

SHARE