ကင်ဆာသဖွယ် စိတ်ကျန်းမာရေးကို ဒုက္ခပေးနိုင်တဲ့ တဗျစ်တောက်တောက်ပြောဆိုခြင်း

[email protected]

ကျွန်တော်တို့ဘဝမှာ အမြဲတမ်းမဟုတ်တောင် တချို့အချိန်တွေမှာတော့ တဗျစ်တောက်တောက်ပြောခဲ့ဖူးပါလိမ့်မယ်။ တစ်နေကုန်ကိစ္စတိုင်း ကမောက်ကမတွေဖြစ်ပြီး စိတ်တွေရှုပ်၊ စိတ်တွေညစ်နဲ့ အဆင်မပြေမှုပေါင်းစုံကြုံတွေ့လာတဲ့အခါ လူ့သဘာဝအတိုင်း စိတ်မကြည်ဘဲနဲ့ အပြင်ကို ပွင့်အန်လာမှာအမှန်ပါပဲ။ ဒါပေမဲ့ တစ်ခါတစ်လေမဟုတ်ဘဲ အမြဲတမ်းကြီး တဗျစ်တောက်တောက်ပြောတဲ့အခါကျရင်တော့ စိတ်ကျန်းမာရေးအတွက် ဆိုးကျိုးတွေဖြစ်လာနိုင်ပါတယ်တဲ့။ Awareness Act မှ ကိုးကားဖော်ပြပေးလိုက်ပါတယ်။

သင်ကိုယ်တိုင်ပဲဖြစ်ဖြစ် ဘေးပတ်ဝန်းကျင်က ပြောတာကို အမြဲတမ်းလိုလိုကြားနေရတာပဲဖြစ်ဖြစ် ဆိုးကျိုးရမှာကတော့ အတူတူပါပဲ။ လူတွေက အဆင်မပြေမှုတွေကို တဗျစ်တောက်တောက်ပြောဆိုလိုက်တဲ့အတွက်ကြောင့် အဲဒီလူဟာ စိတ်ဖိဆီးမှုတွေ လျော့ကျသွားမယ်လို့ ထင်တတ်ကြပါတယ်။ ဒါပေမဲ့ တကယ်တော့ အဲဒီလို တဗျစ်တောက်တောက်ပြောဆိုနေတာကမှ ဒေါသထွက်တာ၊ စိတ်ရှုပ်တာ၊ အလိုမကျတာစတဲ့ စိတ်ခံစားချက်တွေ ပိုမိုမြင့်တက်လာနိုင်တာပါတဲ့။ နောက် ပတ်ဝန်းကျင်ကလူတွေရဲ့ တဗျစ်တောက်တောက်ပြောတဲ့ အသံတွေကို ကြားရတဲ့အခါ ဒါမှမဟုတ် ကိုယ်တိုင်အပြောခံနေရတဲ့အခါမျိုးမှာဆိုရင်လည်း စိတ်ညစ်ညူးမှုတွေ တမဟုတ်ချင်း ဝင်ရောက်ခံစားသွားစေမှာပါတဲ့။ ဆိုလိုတာ ဆေးလိပ်သောက်တဲ့သူနဲ့ ဆေးလိပ်ငွေ့ရှူမိတဲ့သူလိုပဲ အကျိုးဆက်တွေက အတူတူဖြစ်နေမယ်ဆိုသလိုပေါ့။

READ
သင့်ကလေးကို ပါရာစီတမော မတိုက်ခင် သိထားရမယ့်အချက်များ
Freepik- @yanalya

ငယ်စဉ်အချိန်မှာ အမြဲတစေအပြစ်စကားတွေပဲ ထပ်ခါတလဲလဲပြောတတ်တဲ့ မိဘမျိုးနဲ့ ကြုံတွေ့ခဲ့မယ်ဆိုရင်လည်း အဲဒီကလေးဟာ တခြားကလေးတွေလောက် စိတ်ပျော်ရွှင်ခြင်းမရှိတော့ဘဲ ကိုယ့်ကိုယ်ကို အပြစ်တင်စိတ်တွေဖြစ်လာတတ်ပြီး မြင်နေကြားနေတဲ့အတိုင်း ကိုယ်တိုင်ပါအရွယ်ရောက်လာတဲ့အခါ စိတ်အလိုမကျတဲ့ရောဂါ၊ စိတ်တိုလွယ်တဲ့ရောဂါတွေ ဖြစ်တတ်ပြီး တဗျစ်တောက်တောက်ပြောတဲ့အကျင့်ဟာလည်း ခေါင်းထဲရိုက်သွင်းထားသလိုဖြစ်သွားပါလိမ့်မယ်။

ကိုယ့်ပတ်ဝန်းကျင်မှာရော အမြဲတစေ တဇြစ်တောက်တောက် ပြောနေတဲ့သူရှိလား၊ ရှိရင်ရော သူတို့ပုံစံတွေကို ကြည့်ရတာ တဗျစ်တောက်တောက်ပြောနေလို့ စိတ်ကျေနပ်သွားတယ်ဆိုပြီး မြင်မိလား ဒါမှမဟုတ် အမြဲတမ်း အလိုမကျဘဲ ဖြစ်နေတတ်လားဆိုတာ ဆန်းစစ်ကြည့်လိုက်ရအောင်လား။

Pixabay- @katemangostar

Penny

SHARE