၂၀၂၀ မားစ်ဂြိုလ်ခရီးစဉ်တွေမှာ အဓိကနေရာကတာဝန်ယူထားတဲ့ နာဆာကဒေါ်မီမီအောင်

NASA, Pixabay-Aynur_zakirov

နာဆာ(NASA)ဟာ လာမယ့် ၂၀၂၀ ခုနှစ်အတွင်း မားစ်ဂြိုလ်နဲ့ပတ်သက်လို့ ပရောဂျက်တွေအများကြီး ပြုလုပ်ဖို့ရှိနေပါတယ်။ လက်ရှိကမ္ဘာမြေက သိပ္ပံပညာရှင်တွေအနေနဲ့ စိတ်ဝင်စားမှုအမြင့်ဆုံးဖြစ်နေတဲ့ မားစ်ဂြိုလ်ကတော့ လေ့လာစရာတွေအခုအချိန်အထိ မကုန်ခမ်းနိုင်အောင်ပါပဲ။ ဒီလိုမျိုး ပရောဂျက်တွေမှာ အဓိကနေရာကနေ ဦးဆောင်ဦးရွက်ပြုနေတဲ့အထဲ မြန်မာအမျိုးသမီး ဒေါ်လမီမီအောင်ကတော့ ထိပ်ဆုံးက ပါဝင်လျက်ရှိနေပါတယ်။

NASA

ဒေါ်မီမီအောင်ရဲ့ မိဘနှစ်ပါးစလုံးဟာ မြန်မာလူမျိုးစစ်စစ်တွေဖြစ်ပေမယ့်လို့ သူမကတော့ အမေရိကမှာ မွေးဖွားခဲ့တဲ့ အမေရိကန်နိုင်ငံသူတစ်ယောက်ပါ။ အသက် ၂ နှစ်ခွဲလောက်မှ မြန်မာနိုင်ငံကိုပထမဆုံးအကြိမ်အဖြစ် ရောက်လာခဲ့ပါတယ်။ အသက် ၁၆ နှစ်မှာတော့ အမေရိကကို သူမရဲ့အထက်တန်းနောက်ပိုင်းပညာရေးအတွက် ပြန်လည်ပြောင်းရွှေ့သွားပါတော့တယ်။ ငယ်စဉ်ကတည်းကအာကာသသိပ္ပံပညာရပ်တွေကို စိတ်ဝင်စားခဲ့သူမလို့ တက္ကသိုလ်တက်တဲ့အခါမှာလည်း electronic engineering ဘာသာရပ်ကိုအထူးပြုယူကာ University of Illinois မှာ ပညာသင်ကြားရင်း ၁၉၉၀ ခုနှစ်မှာတော့ တက္ကသိုလ်ကနေပြီး မာစတာဘွဲ့ကိုရရှိခဲ့တာပါ။

မာစတာတန်းမှာသင်ကြားခဲ့တဲ့ ဆရာတွေထဲက ပါမောက္ခတစ်ယောက်ဟာ သူမကို JPL ဆိုတဲ့ အာကာသလေ့လာရေးပရောဂျက်တစ်ခုနဲ့ မိတ်ဆက်ပေးရင်းနဲ့မှ ကျောင်းလည်းပြီးရော ဒေါ်မီမီအောင်အနေနဲ့ JPL (Jet Propulsion Laboratory) မှာ ပါဝင်ခဲ့ပြီး နာဆာရဲ့ Deep Space Network (DSN) မှာလည်း တစ်ခါတည်း ပါဝင်ခွင့်ရရှိခဲ့ပါတော့တယ်။ DSN မှာတော့ သူမအနေနဲ့ radio frequency တွေ၊ microwave subsystems အပိုင်းတွေကို တာဝန်ယူလေ့လာခဲ့ရင်းနဲ့မှ ပထမဆုံး digital receiver system တစ်ခုဖြစ်တဲ့ Block V Receiver ကို တည်ထွင်နိုင်သွားခဲ့သေးတဲ့အပြင်ကိုမှ နောက်ထပ် တီထွင်မှုတွေ၊ ရှာဖွေတွေ့ရှိမှုအသစ်တွေနဲ့ နာဆာရဲ့ DSN ကို တော်တေ်ာလေး အကျိုးဖြစ်စေခဲ့ပါတယ်။

READ
ကလေးတွေဟာ အနုပညာဓာတ်ခံ ပါကြကြောင်း ပြသနေတဲ့ ပန်းချီကားများ
Wikimedia Commons

ဒီလိုကြိုးစားအားထုတ်မှုတွေ၊ ထပ်ဆင့်အောင်မြင်မှုတွေကြောင့် ၂၀၀ ခုနှစ်မှာပဲ ပရောဂျက်တစ်ခုအတွက် project element manager အဖြစ် ခန့်အပ်ခံခဲ့ရပြီး အဓိကတာဝန်ယူခဲ့ရတာကတော့ ပျံသန်းလို့ရတဲ့စက်တွေေကို တီထွင်မှုအပိုင်းမှပဲဖြစ်ပါတယ်။ ၂၀၀၃ ခုနှစ်မှတော့ JPL ရဲ့ နည်းပညာအဖွဲ့အစည်းကို supervisor ရာထူးနဲ့ စီမံခန့်ခွဲရေးအဆင့်တာဝန်ပေးအပ်ခြင်းခံခဲ့ရပါပြီ။ ဒီလိုတာဝန်ယူထားရင်းနဲ့မှ နာဆာလက်အောက်မှာပဲ  အာကာသယာဉ်တွေ၊ ပျံသန်းယာဉ်တွေအကြောင်း လေ့လာတီထွင်းရင်း အနာဂတ်မှာ ပြုလုပ်မယ့် နာဆာရဲ့ပရောဂျက်တွေမှာ အသုံးပြုဖို့ ပျံသန်းယာဉ်ဒီဇိုင်းပေါင်းများစွာကို နောက်ကွယ်ကနေ ဖန်တီးပေးနေသူတစ်ယောက်ဖြစ်လာခဲ့ပါတယ်။

၂၀၁၅ ခုနှစ်မှာတော့ လက်ရှိသူမတာဝန်ယူထားတဲ့ နာဆာရဲ့ မားစ်ဂြိုလ်ခရီးစဉ်တွေအတွက် ရဟတ်ယာဉ်ငယ်လေးတွေ တည်ဆောက်မှုကို တာဝန်ယူထားရင်း အခုအချိန်မှာတော့ ဒေါ်မီမီအောင်ဟာ JPL ရဲ့ project manager တစ်ယေက် ဖြစ်နေခဲ့ပါပြီ။ ဘီဘီစီက 100 Women ထဲမှာလည်း ဖော်ပြခြင်းခံခဲ့ရသူတစ်ဦးပါ။ ဒီလိုမျိုး အထက်တန်းကျောင်းသူဘဝစိတ်ကူးအိပ်မက်ကို အကောင်အထည်ဖော်နိုင်ခဲ့တဲ့ ဒေါ်မီမီအောင်မှာ စံပြပုဂ္ဂိုလ်တစ်ဦးရှိနေပါတယ်။ အဲဒီသူကတော့ သူမရဲ့ မိခင်ပါပဲ။ ဒေါ်မီမီအောင်ရဲ့ မိခင်ဆိုသူမှလည်း မြန်မာနိုင်ငံမှာ သင်္ချာဘာသာရပ်ကို PhD ဘွဲ့ရရှိခဲ့တဲ့ ပထမဆုံးသော အမျိုးသမီးတစ်ဦးဖြစ်ခဲ့တာပါ။ သူမရဲ့ထက်မြက်မှုတွေ၊ သင်္ချာထူးချွန်းဥာဏ်ရည်တွေက မိခင်ဆီက အမွေရခဲ့သလားလို့တောင် ထင်မှတ်ရလောက်ပါပေတယ်။

READ
နည်းပညာမြင့် F-35 C တိုက်လေယာဉ်ကို ပထမဦးဆုံး မောင်းနှင်ခွင့်ရမယ့် အမျိုးသမီး
Wikimedia Commons

သူမရဲ့မိခင်ဟာ လက်တွေ့ဆန်တယ်၊ အမျှော်အမြင်ရှိပြီး အဲဒီခေတ်မြန်မာအမျိုးသမီးတွေထဲမှာတော့ တော်တော်လေး ခေတ်မီအတွေးအခေါ်နဲ့ ရှင်သန်ခဲ့သူတစ်ယောက်လို့ ဆိုနိုင်ပါလိမ့်မယ်။ ၁၆ နှစ်သမီးလေး မီမီအောင်ကို ပညာသင်ဖို့တစ်ခုတည်းအတွက် ယုံယုံကြည်ကြည်နဲ့ အမေရိကကိုတစ်ယောက်တည်း လွှတ်ခဲ့တာဟာ မိခင်ကြီးအတွက်တော့ မှန်ကန်တဲ့ရွေးချယ်မှုတစ်ခုပါပဲလေ။

Penny

SHARE