အားကစားလုပ်သူများဖို့ သောက်သုံးသင့်တဲ့အရသာရှိအပြည့်နဲ့အအေး ၅ မျိုး

Serhii Bobyk/Shutterstock

ကိုယ်ကာယအားကစားလိုက်စားသူများဟာ လေ့ကျင့်ခန်းတစ်ခါတစ်ခါလုပ်ပြီးတိုင်း ခန္ဓာကိုယ်ကို ပြန်လည်အားဖြည့်ပေးဖို့ လိုအပ်ပြီး ပင်ပမ်းနေတဲ့စိတ်တွေကိုလည်း ပြန်လည်လန်းဆန်းစေအောင် လေ့ကျင့်ခန်းလုပ်ပြီးတိုင်း အရည်တစ်ခုမဟုတ်တစ်ခု သောက်ပေးသင့်ပါတယ်။ သောက်စရာအရည်မျိုးမျိုးရှိတဲ့အထဲကမှ ပညာရှင်တွေညွှန်းထားကြတဲ့ အအေး ၅ မျိုးအကြောင်း ပြောပြပေးချင်ပါတယ်။

(၁) အုန်းရည်

ပိုတက်ဆီယမ်၊ သဘာဝအချိုဓာတ်နဲ့ ရေဓာတ်ပြည့်ဝစွာပါဝင်တဲ့ အုန်းရည်ကတော့ ကုန်ခမ်းသွားတဲ့စွမ်းအားတွေကို ပြန်လည်ပြည့်တင်းလာအောင် ကူညီပေးပြီး ဆုံးရှုံးသွားတဲ့ ရေဓာတ်ကိုလည်း ပြန်ပြည့်စေပါတယ်။

Valentina_G/Shutterstock

(၂) လိမ္မော်ရည်

လိမ္မော်သီးကို ကိုယ်တိုင်ညှစ်သောက်ဖို့ အချိန်မရှိသူတွေအနေနဲ့ကတော့ ကုန်တိုက်တွေမှာရောင်းတဲ့ စက္ကူဗူးနဲ့လိမ္မော်ရည်လေးတွေကို သောက်ပေးလို့ရပါတယ်။ ကယ်ဆီယမ်နဲ့ ဗီတာမင်ဒီပေါကြွယ်ဝတဲ့အပြင်ကိုမှ electrolytes နဲ့ antioxidants တွေလည်း ပေါကြွယ်ဝတဲ့အတွက် အားကစားလုပ်ပြီးကာစ သွေးဖိအားတိုးခြင်းကိုကာကွယ်ပေးပြီး စိတ်ကြည်လင်လန်းဆန်းမှာပါ။

Nitr/Shutterstock

(၃) နို့ချောကလတ်

ဆုံးရှုံးသွားတဲ့ carbohydrate တွေကို ပြန်လည်ဖြစ်ပေါ်စေပြီး ပင်ပမ်းနေတဲ့ ကြွက်သားတွေအတွက် နို့ချောကလတ်ဖျော်ရညဟာ အကောင်းဆုံးပါပဲတဲ့။ နို့ချောကလတ်မဟုတ်လည်း အဆီမပါတဲ့နွားနို့ကို သောက်သုံးပေးနိုင်ပြီး ရေသောက်တာထက်ပိုထိရောက်စေမှာပါ။

Elena Veselova/Shutterstock

(၄) Sports drinks တွေ

ရောင်းတဲ့ energy drink တွေကို ပြောတာမဟုတ်ဘဲ ကိုယ်တိုင်လုပ်ထားတဲ့ sports drinks တွေကို ဆိုလိုတာပါ။ အုန်းရည်၊ ပျားရည်၊ ဆားအနည်းငယ်နဲ့ သံပုယိုသီးတစ်လုံးဒါမှမဟုတ် လိမ္မော်ရည်စစ်စစ်တို့ကို အချိုးကျဖျော်လိုက်မယ်ဆိုရင်တော့ ကျန်းမာရေးနဲ့ညီညွတ်တဲ့ sports drink ကို ရရှိမှာဖြစ်ပါတယ်။

READ
IU ပြောပြလာတဲ့ သူမရဲ့ တစ်နေ့တာ အစားအသောက်နဲ့ ၀ိတ်ထိန်းနည်းများ
Makistock/Shutterstock

(၅) ဓာတ်ဆားရည်များ

ဈေးကွက်ထဲပေါ်နေတဲ့ ဓာတ်ဆားရည်အမျိုးမျိုးကိုလည်း အားကစားလုပ်ပြီး အနားယူချိန်မှာ သောက်သုံးပေးတာနဲ့ ချွေးထွက်ခြင်းကြောင့် ဆုံးရှုံးသွားတဲ့ ရေဓာတ်တေ ပြန်လည်ပြည့်တင်းပြီး စိတ်အာရုံလန်းဆန်းစေမှာပဲဖြစ်ပါတယ်။

Elizaveta Galitckaia/Shutterstock

ဒီလိုအအေးတွေ ဘာမှမသောက်ဖြစ်ဘူးဆိုရင်တောင်မှ အားကစားလုပ်ပြီးတိုင်း ရေတစ်ခွက်လောက်တော့ သောက်ပေးသင့်ပါတယ်နော်။

Africa Studio/Shutterstock

Penny

 

SHARE