တစ်ပတ်ကို ငါး(၃) ကြိမ်စားခြင်းဖြင့် အူမကြီးကင်ဆာဖြစ်နှုန်းလျော့ကျစေကြောင်းသိရ

Pexels/Pixabay

ရက်သတ္တပတ်တစ်ပတ်ကို ငါး(၃) ကြိမ်စားပေးခြင်းဟာ အူမကြီးကင်ဆာဖြစ်ပွားနှုန်းကို လျော့ကျစေနိုင်ကြောင်း dailymail သတင်းစာမျက်နှာအရ သိရပါတယ်။ ငါးကို သုံးကြိမ်သို့မဟုတ် သုံးကြိမ်အထက် စားသုံးသူတွေဟာ ငါးတစ်ကြိမ်စားသုံးသူတွေထက်စာရင် အူမကြီးရောဂါဖြစ်ပွားနှုန်း (၁၂) ရာခိုင်နှုန်း လျော့နည်းနေတာကို တွေ့ရှိရပါတယ်။ ဒီနေရာမှာ ငါးဆိုတာမျိုးဟာ ငါးအမျိုးအစားအားလုံးကို ဆိုလိုတာ ဖြစ်ပါတယ်။

ငါးတွေမှာ ခန္ဓာကိုယ်တွင်း ရောင်ယမ်းမှုကို လျော့ကျစေတဲ့ ဖက်တီးအက်ဆစ်တွေ ပါဝင်ပါတယ်။ ခန္ဓာကိုယ်တွင်း ရောင်ယမ်းမှုတွေဖြစ်ပွားတဲ့အခါ DNA တွေ ပျက်စီးပါတယ်။ ခန္ဓာကိုယ်တွင်း ရောင်ယမ်းမှုဖြစ်စဉ်ကနေ ဆိုင်တိုကိုင်းစ်အမည်ရတဲ့ မော်လီကျူးတွေ ထုတ်လွှတ်ပါတယ်။ ၄င်းမော်လီကျူးတွေဟာ သွေးကြောတွေကို အကြိတ်တွေပေါ်ပေါက်လာအောင် လှုံ့ဆော်ပေးပါတယ်။ ဒါကြောင့် ကင်ဆာဖြစ်ပွားနိုင်ခြေများလာတာ ဖြစ်ပါတယ်။

Pexels/mali maeder

ငါးစားသုံးခြင်းနဲ့ ကင်ဆာကြားက ဆက်စပ်နေတဲ့သုတေသနကိုတော့ အောက်စဖို့ဒ်တက္ကသိုလ်နဲ့ လီယွန်မှာရှိတဲ့ International Agency for Research on Cancer (IARC)  က ပူးပေါင်းပြုလုပ်ထားတာ ဖြစ်ပါတယ်။ သုတေသနကို ဦးဆောင်သူ ဒေါက်တာမာ့ခ်ဂန်တာကတော့ ငါးစားသုံးခြင်းဟာ အူမကြီးကင်ဆာဖြစ်ပွားနှုန်းကို လျော့ကျစေတဲ့အပြင် ငါးကို ကျန်းမာပြည့်ဝတဲ့ အာဟာရရရှိဖို့အတွက် စားသုံးသင့်ကြောင်း IARC ရဲ့ သုတေသန ပညာရှင်တွေက ဆိုထားတာပါ။

READ
အသက် ၁၁၄ နှစ် ဖိုးဖိုး ပြောပြသွားခဲ့တဲ့ သူ့ကို အသက်ရှည်စေတဲ့ အစားအစာ ၅ မျိုးအကြောင်း

အူမကြီးကင်ဆာဟာ အင်္ဂလန်နိုင်ငံမှာတော့ အဖြစ်အများဆုံးကင်ဆာတွေထဲ နံပတ်(၄) နေရာမှာရှိနေပါတယ်။ အမေရိကန်မှာတော့ အူမကြီးကင်ဆာဟာ တတိယနေရာကနေ လိုက်နေပါတယ်။ လေ့လာသူတွေကတော့ ကင်ဆာဖြစ်ပွားနိုင်ခြေ(၄၀) ရာခိုင်နှုန်းလောက်ကို ဆေးလိပ်ဖြတ်ခြင်း၊ ကိုယ်အလေးချိန်လျှော့ချခြင်းနဲ့ ကျန်းမာရေးနဲ့ ဆီလျော်အောင် စားသုံးခြင်းတို့ကနေ ကာကွယ်နိုင်တယ်လို့ ဆိုပါတယ်။

Pexels/Pixabay

အဆီများတဲ့ ငါးတွေမှာတော့ ဖက်တီးအက်ဆစ် အိုမီဂါ(၃) ပါဝင်ပါတယ်။ ၄င်းဟာ ကင်ဆာဖြစ်ပွားနိုင်ခြေရှိတဲ့ ဆဲလ်တွေ ကြီးထွားမှုကို ဟန့်တားပေးနိုင်တဲ့ အစွမ်းသတ္တိရှိပါတယ်။ ဂုံး၊ကမာလို အခွံမာရေသတ္တ၀ါတွေမှာတော့ အူမကြီးကင်ဆာဖြစ်ပွားမှုကို လျော့ချပေးနိုင်တဲ့ သတ္တိမျိုးမတွေ့ရဘူးလို့ ဆိုပါတယ်။ ဒါပေမယ့် ငါးကြီးဆီလိုမျိုး ငါးနဲ့ ပြုလုပ်ထားတဲ့ ဖြည့်စွက်စာတွေကရော အူမကြီးကင်ဆာကို လျော့ချပေးနိုင်လားဆိုတာကိုတော့ ထပ်မံလေ့လာမှုတွေ ပြုလုပ်ဖို့ လိုအပ်သေးကြောင်း သိရပါတယ်။

လင်းလင်း (ShweMom)

SHARE