တပတ်ကို(၂)ကြိမ် မှိုစားပေးခြင်းဖြင့် အသက်ကြီးချိန် မှတ်ဉာဏ်ချို့ယွင်းမှုကို ကာကွယ်နိုင်

Pice/Pexels

စင်ကာပူနိုင်ငံမှာပြုလုပ်ခဲ့တဲ့ လေ့လာချက်တခုအရ တပတ်ကို မှိုဟင်း(၂)ကြိမ်နဲ့အထက် စားပေးခြင်းဟာ အသက်အရွယ်ကြီးလာချိန်မှာ ဖြစ်တတ်တဲ့ မှတ်ဉာဏ်ချို့ယွင်းမှုနဲ့ ဘာသာစကားရောထွေးမှုတွေကို ကာကွယ်ပေးနိုင်တယ်လို့ သိရပါတယ်။

စင်ကာပူနိုင်ငံမှာ ထုတ်ဝေတဲ့ Alzheimer’s Disease ဂျာနယ်ထဲမှာပါဝင်တဲ့ NUS ရဲ့ဖော်ပြချက်မှာ အခုလိုပါဝင်တာဖြစ်ပြီး မှိုမှာ ပါဝင်တဲ့ antioxidant က ဦးနှောက်ရဲ့အလုပ်လုပ်ဆောင်ချက်တွေကို မပျက်စီးအောင်ကာကွယ်ပေးနိုင်တယ်လို့ ဆိုပါတယ်။ ဒီ လေ့လာချက်မှာ အသက်(၆၀)နဲ့အထက် တရုတ်လူမျိုး (၆၆၃)ဦးကို ၂၀၁၁ ခုနှစ်ကနေ ၂၀၁၇ ခုနှစ်အတွင်း သူတို့ရဲ့ နေထိုင်စားသောက်မှုတွေကို မှတ်သားစေပြီး ပြုလုပ်ခဲ့တာပါ။

who.com

သူတို့ကို တပတ်မှာ မှိုအမျိုးအစား (၆)မျိုးကို ဘယ်နှကြိမ် စားသောက်သလဲဆိုတဲ့အပေါ် စစ်တမ်းကောက်ခဲ့ပြီး (၂)ကြိမ်နဲ့အထက်စားတဲ့သူတွေဟာ (၁)ကြိမ် ဒါမှမဟုတ် လုံးဝမစားတဲ့သူ တွေထက် ဦးနှောက်လုပ်ဆောင်မှုတွေ ပိုမိုသာလွန်နေတာကို တွေ့ရှိခဲ့ပါတယ်။

Kepurdha/unsplash

ဒါပေမဲ့ ဒီအချက်တွေဟာ စောင့်ကြည့်ထားတာမဟုတ်ဘဲ ပါဝင်သူတွေရဲ့ ကိုယ်ပိုင်ထွက်ဆိုချက်တွေဖြစ်တာကြောင့် နောက်ထပ် စမ်းသပ်မှုတွေပြုလုပ်ဖို့လိုသေးတယ်လို့တော့ ပညာရှင်တချို့က ဝေဖန်ထားကြပါတယ်။

KYM

SHARE