တစ်ညကို မြန်မာငွေ (၁,၈၀၀) လောက်သာကျသင့်မယ့် ဂျပန်က ဈေးအချိုဆုံးဟိုတယ်

Business Ryokan Asahi

ဂျပန်နိုင်ငံ ဖူကူအိုကာမြို့မှာရှိတဲ့ Business Ryokan Asahi အမည်ရတဲ့ ဟိုတယ်ဟာ တစ်ညတာတည်းခိုခအတွက် ယန်း၁၃၀ (အမေရိကန်ဒေါ်လာ ၁.၂၀) ရှိကြောင်း soranews24 သတင်းဌာနအရ သိရပါတယ်။ ဒါပေမယ့် ထူးဆန်းတာက ၄င်းအခန်းမှာ တည်းမယ်ဆိုရင်တော့ မိမိရဲ့ အခန်းတွင်းနေထိုင်ပုံကို Livestream လွှင့်ပြီး YouTube channel မှာ ပြသဖို့ သဘောတူပေးရမှာ ဖြစ်ပါတယ်။

Business Ryokan Asahi

တစ်နည်းအားဖြင့် ပြောရရင် အခန်းထဲမှာ ကင်မရာတပ်ထားတဲ့အတွက် ပုဂ္ဂိုလ်ရေးရာ လုံခြုံမှုတော့ ရှိမှာမဟုတ်ပါဘူး။ အခန်းရဲ့ အခြေအနေကို သိရှိနိုင်အောင်လို့ ဆိုပြီး သတင်းထောက်တစ်ဦးဖြစ်တဲ့ မာဆာနူကီကတော့ ကိုယ်တိုင်ကိုယ်ကျသွားရောက်လေ့လာခဲ့ပါတယ်။ ဟိုတယ်ရောက်တော့ ၀န်ထမ်းက မာဆာနူကီကို သတိပေးပါတယ်။ အခန်းထဲမှာ ကင်မရာတပ်ထားတဲ့အတွက် ဘာလုပ်လုပ်ဘာကိုင်ကိုင် မြင်နေရမှာဖြစ်တဲ့အကြောင်းနဲ့ အ၀တ်အစားချွတ်နေတာမျိုးတွေ မလုပ်ဖို့ သတိပေးခဲ့တာပါ။

READ
ကလေးတွေကိုဖိစီးမှုတွေကင်းစေချင်တာကြောင့် ကမ္ဘာ့ကျောင်းမှာပဲ ပညာပေးမယ့်မိဘများ
Business Ryokan Asahi

အခန်းကတော့ သာမန်ဂျပန်စတိုင် တည်းခိုခန်းတစ်ခန်းပါပဲ။ သန့်ရှင်းသပ်ရပ်ပါတယ်။ ကြည့်လိုက်ရင် တည်းခိုခန်းနဲ့တောင် မတူပဲ ကျောင်းသားနေတဲ့ အဆောင်လိုလို ဘာလိုလိုနဲ့ပါ။ အခန်းထဲမှာတော့ အဲကွန်းရှိပါတယ်။ အဲကွန်းသုံးမယ်ဆိုရင်တော့ အချိန် (၂) နာရီစာအတွက် ယန်း(၁၀၀) ကို ငွေအကြွေထည့်ပြီး သုံးနိုင်ပါတယ်။

Business Ryokan Asahi

အခန်းထဲမှာတော့ အိမ်သာနဲ့ရေချိုးခန်း မပါတဲ့အတွက် သုံးချင်ရင် အများသုံး ရေချိုးခန်း၊ အိမ်သာကို အသုံးပြုရမှာဖြစ်ပါတယ်။ နောက်တစ်ခုကတော့ livestream ဟာ ဗီဒီယိုသီးသန့်သာဖြစ်ပြီး အသံမပါဘူးလို့ ဆိုပါတယ်။ အကြောင်းရင်းကတော့ အခန်းထဲမှာရှိတဲ့ တီဗီကနေထုတ်လွှင့်ပြသတဲ့ သီချင်းတွေရဲ့ copyright ပြဿနာတွေကို ရှောင်ရှားလိုတဲ့အတွက် ဖြစ်ပါတယ်။

Business Ryokan Asahi

သီချင်းပဲဆိုဆို၊ တစ်ယောက်တည်းပဲ စကားပြောပြော အသံကတော့ ကြားရမှာ မဟုတ်ပါဘူး။ ဒါပေမယ့် ကင်မရာက ရှေ့တည့်တည့်မှာ တပ်ထားတဲ့အပြင် ပုန်းစရာနေရာလည်း မရှိတဲ့အတွက် ကိုယ်ဘာပဲလုပ်လုပ် ကင်မရာမှ တွေ့မြင်ရမှာ ဖြစ်ပါတယ်။ Business Ryokan Asahi  ဟိုတယ်ကတော့ ဧည့်သည် အခန်းထဲ ရှိနေစဉ်အတွင်း ကင်မရာကို တောင်လျှောက်ဖွင့်ထားမှာဖြစ်ကြောင်း ပြောထားပေမယ့်လည်း ညအချိန်မှာတော့ ခဏတာ ကင်မရာပိတ်ထားမှာဖြစ်တယ်လို့လည်း သိရပါတယ်။

READ
ခွေးချစ်သူများအတွက် ဘန်ကောက်မြို့က True Love Café ဆိုင်
Business Ryokan Asahi

လင်းလင်း (ShweMom)

SHARE