၁၄-၇-၂၀၁၉ အတွက် ညနေခင်း ဦးဦးဖျားဖျားအားကစားသတင်းများ

ဒီလစ် ။ ။ ဂျူဗင်တပ်စ်အသင်းဟာ အေဂျက်ဇ်အသင်းနောက်ခံလူ ဒီလစ်ကို ယူရို(၇၅)သန်းနဲ့ သဘောတူညီမှု ရရှိခဲ့ပြီလို့ အီတလီသတင်းစာတွေက ဖော်ပြသွားခဲ့ပြီး ဒီလစ်ဟာ ဂျူဗင်တပ်စ်အသင်းမှာ ကျောနံပတ်(၄)ကို ၀တ်ဆင်ဖို့ရွေးချယ်ပြီးပြီလို့တောင်ရေးသားနေကြပါတယ်။ ဒီလစ်ဟာ ဂျူဗင်တပ်စ်နဲ့ (၅)နှစ် စာချုပ် ချုပ်ဆိုသွားမှာဖြစ်ပြီး တစ်နှစ်လစာအဖြစ် ယူရို(၁၂)သန်း ရရှိသွားမှာဖြစ်တယ်လို့ သတင်းတွေက ဖော်ပြနေကြပါတယ်။

ဒန်နီယယ်ဂျိမ်းစ် ။        ။ မန်ယူအသင်းရဲ့တောင်ပံကစားသမားသစ်လေး ဒန်နီယယ်ဂျိမ်းစ်ဟာ အသင်းအတွက် ကစားပေးခဲ့တဲ့ အဖွင့်ပွဲစဉ်မှာပဲ ပရိသတ်တွေရဲ့ ချီးကျူးမှုတွေကို လက်ခံရရှိသွားခဲ့ပါတယ်။ ပါ့သ်အသင်းနဲ့ ကစားခဲ့တဲ့ ခြေစမ်းခဲ့တဲ့ ပွဲအပြီးမှာ မန်ယူပရိသတ်တွေက အသင်းကစားသမားသစ်တွေဖြစ်တဲ့ ဘစ်ဆာကာ နဲ့ ဂျိမ်းစ်တို့ရဲ့ စွမ်းဆောင်မှုတွေကို ချီးကျူးသွားခဲ့ပြီး အဲဒီပွဲရဲ့အကောင်းဆုံး ကစားသမားအဖြစ် ဂျိမ်းစ်ကို တညီတညွတ်တည်းမဲပေးရွေးချယ်ခဲ့ကြပါတယ်။

 

လီဗာပူးလ် ။     ။ လီဗာပူးလ်အသင်းဟာ ဘာစီလိုနာအသင်း ကွင်းလယ်ကစားသမား ကော်တင်ဟို ကို ခေါ်ယူချင်ပေမယ့်လည်း ကော်တင်ဟိုအတွက်  ပေးချေရမယ့် ပြောင်းရွှေ့ကြေးကြောင့် နှောင့်နှေးနေရတယ်လို့ Marca က ဖော်ပြပါတယ်။ ဘာစီလိုနာကို ဂရစ်ဇ်မန်းရောက်လာပြီးတဲ့နောက် ကစားခွင့်ရဖို့အတွက် ရုန်းကန်ရဖွယ်ရှိနေတဲ့ ကော်တင်ဟို ဟာ (၂၀၁၈)ခုနှစ်က လီဗာပူးလ်ကနေ ဘာစီလိုနာအသင်းဆီ ပေါင်(၁၄၂)သန်းနဲ့ရောက်ရှိလာခဲ့တာဖြစ်ပြီး သူ့ကိုပြန်ခေါ်မယ်ဆိုရင် လက်ရှိဈေးနှုန်းက ပေါင်သန်း(၁၄၀)၀န်းကျင်မှာ ရှိနေမှာပါ။

READ
(၂၀၂၁)ခုနှစ်အထိ ဘာကာမှာဆက်ရှိနေမယ့် စာချုပ်သစ်တစ်ရပ် ချုပ်ဆိုနိုင်ခဲ့တဲ့မက်ဆီ

ဆိုးလ်ရှား ။      ။ မန်ယူအသင်းနည်းပြ ဆိုးလ်ရှားဟာ စပို့တင်းကွင်းလယ်လူ ဘရူနိုဖာနန်ဒက်စ်ကိုခေါ်ယူပေးဖို့အတွက် မန်ယူဘုတ်အဖွဲ့ဆီ ထပ်မံတောင်းဆိုထားတယ်လို့ Mirror က ဖော်ပြပါတယ်။ စပို့တင်းအသင်းရဲ့တာဝန်ရှိသူတွေဟာ ဖာနန်ဒက်စ်အတွက် ဆွေးနွေးမှု ပြုလုပ်ဖိုိ့ မန်ချက်စတာမြို့ကိုရောက်ရှိလာခဲ့ကြပေမယ့် မန်ယူအသင်းနဲ့ရော၊ မန်စီးတီးအသင်းနဲ့ပါ ဆွေးနွေးမှုတွေ ပြုလုပ်သွားခဲ့တာကြောင့် အပြောင်းအရွှေ့ဟာ မတင်မကျ ဖြစ်လို့နေခဲ့တာပါ။

 

ဆာနေး ။        ။ မန်စီးတီးအသင်းဟာ တောင်ပံကစားသမား ဆာနေး တစ်ယောက် ဘိုင်ယန်ကို မရွေးချယ်ပဲ အသင်းမှာသာ ဆက်ရှိနေစေဖို့မျှော်လင့်နေပါတယ်။ ဘိုင်ယန်အသင်းက ဆာနေးအတွက် ပေါင်သန်း(၇၀)နဲ့ ကမ်းလှမ်းလိုက်ပြီးတဲ့နောက် မန်စီးတီးအသင်းက သူတို့ရဲ့ကစားသမားဟာ ပေါင်သန်း(၁၀၀)တန်ကြောင်း ပြန်လည်အသိပေးခဲ့ပြီး ဘိုင်ယန်မြူးနစ်ရဲ့ထပ်မံကမ်းလှမ်းမှုကို စောင့်ဆိုင်းနေတာပါ။ ဒါပေမယ့် အသင်းတာဝန်ရှိသူတွေကတော့ ဆာနေးဟာ ဘိုင်ယန်ထက် မန်စီးတီးမှာပဲ ဆက်နေဖို့ ဆုံးဖြတ်လိမ့်မယ်လို့ ယုံကြည်ကြောင်းပြောဆိုနေကြပါတယ်။

READ
ဒိုင်လူကြီးနှင့်ကစားသမား အပီအပြင်ရန်ဖြစ်ကြသည့် အခိုက်အတန့်များ
(AP Photo/Martin Meissner)

ဘလက်ဘန်း ။  ။ ဘလက်ဘန်းအသင်းဟာ ဆောက်သမ်တန်အသင်းတိုက်စစ်မှူး ဂယ်လက်ဟာ ကို (၄)နှစ်စာချုပ်နဲ့ခေါ်ယူလိုက်ကြောင်း ပရိသတ်တွေဆီ အသိပေးသွားခဲ့ပါပြီ။ အသက် (၂၃)နှစ်အရွယ် တိုက်စစ်မှူးဟာ (၂၀၁၆-၁၇)ဘောလုံးရာသီမှာ ဘလက်ဘန်းအသင်းဆီ အငှားနဲ့လာရောက်ကစားခဲ့ဖူးပြီး (၄၃)ပွဲကစား(၁၁)ဂိုး သွင်းယူပေးထားခဲ့သူပါ။

ဖူလ်ဟမ် ။       ။ ဖူလ်ဟမ်အသင်းဟာ ၀ုဗ်အသင်းရဲ့တောင်ပံကစားသမား ကာဗယ်လီယို ကို တစ်ရာသီ အငှားနဲ့ခေါ်ယူလိုက်ပါပြီ။ (၂၀၁၆)ခုနှစ်ကတည်းက ၀ုဗ်အသင်းကိုရောက်ရှိခဲ့ပြီး အသင်းအတွက် (၉၆)ပွဲအထိ ကစားပေးခဲ့တဲ့ ကာဗယ်လီယို ဟာ လာမယ့်ရာသီအတွက် အငှားချထားခြင်းခံလိုက်ရတာဖြစ်ပြီး ချန်ပီယံရှစ်ပြိုင်ပွဲတွေဆီ သွားရောက်ကစားရတော့မှာဖြစ်ပါတယ်။

Linn

Source : TheSun , Goal , Mirror

SHARE