၆-၂-၂၀၂၀ အတွက် ညနေခင်း ဦးဦးဖျားဖျား အားကစားသတင်းများ

Goal / Twitter

ဟန်နီဘယ် ။    ။ မန်ယူ ယူ(၂၃)နည်းပြ နစ်ကီဘတ် က မိုနာကိုအသင်းကနေ ခေါ်ယူထားတဲ့ အသက် (၁၇)နှစ်အရွယ် ကွင်းလယ်ကစားသမားလေး ဟန်နီဘယ် ဟာ မန်ယူအသင်းရဲ့ ကြယ်ပွင့်ကစားသမား ဖြစ်လာလိမ့်မယ်လို့ မှတ်ချက်ပေးလိုက်ပါတယ်။ မိုနာကိုအသင်းကနေ ပေါင်(၉)သန်းနဲ့ ရောက်ရှိလာခဲ့တဲ့ လူငယ်လေးဟာ မန်ယူ ယူ(၂၃)အသင်းမှာ ခြေစွမ်းပြနေခဲ့ပြီး ပေါ့ဂ်ဘာနဲ့တိုမီနေး တို့ ဒဏ်ရာရနေချိန်မှာ မန်ယူရဲ့ ကွင်းလယ်လိုအပ်ချက်ကို ကူညီပေးနိုင်မယ်လို့ နစ်ကီဘတ်က ချီးကျူးထားပါတယ်။

ဆမ်အလာဒွိုက်စ် ။       ။ ပရီးမီးယားလိဂ်ရဲ့နည်းပြဟောင်းကြီး ဆမ်အလာဒွိုက်စ် က ပရီးမီးယားလိဂ်မှာ Long-Ball ကစားမှုအကောင်းဆုံးအသင်းနှစ်သင်းဟာ လီဗာပူးလ်နဲ့ မန်စီးတီးတို့ဖြစ်တယ်လို့ မှတ်ချက်ပေးလိုက်ပါတယ်။ မန်စီးတီးအသင်းဟာ အဝေးဘောပေးပို့မှုတွေမှာ မထင်မှတ်ပဲ အားကောင်းနေသလို၊ လီဗာပူးလ်ကတော့ သူတို့ရဲ့အဝေးဘောပေးပို့မှုတွေကို တိတိကျကျစွမ်းဆောင်နိုင်တဲ့အသင်း ဖြစ်တယ်လို့ အသက် (၆၅)နှစ်အရွယ် နည်းပြဟောင်းကြီးက သုံးသပ်လိုက်တာပါ။

 

ဒမ်ဘီလီ ။       ။ လာမယ့်နွေရာသီ အပြောင်းအရွှေ့မှာ မန်ယူနဲ့ ချယ်လ်ဆီးဟာ တိုက်စစ်မှူးတစ်ဦးကို အပြိုင်ကြိုးစားပြီး ခေါ်ယူသွားဖို့ရှိနေပြီး အဲဒီ တိုက်စစ်မှူးကတော့ လိုင်ယွန်ရဲ့ ဒမ်ဘီလီ ဖြစ်တယ်လို့ သတင်းတွေကဖော်ပြနေကြပါတယ်။ ဒီရာသီအပြောင်းအရွှေ့မှာ တိုက်စစ်မှူးသစ်မခေါ်ယူနိုင်ခဲ့တဲ့ ချယ်လ်ဆီးနဲ့ အစ်ဂါလို ကိုသာ ခေါ်ယူနိုင်ခဲ့တဲ့ မန်ယူအနေနဲ့ ဒမ်ဘီလီ ကို ကြိုတင်ချိတ်ဆက်မှုတွေ ပြုလုပ်နေကြပြီး ပေါင်သန်း(၆၀)လောက်နဲ့ ခေါ်ယူရဖွယ်ရှိနေတယ်လို့ Mirror က ဖော်ပြပါတယ်။

မန်စီးတီး ။       ။ ဘာစီလိုနာအသင်းနဲ့မပြေမလည်ဖြစ်နေတဲ့ တိုက်စစ်မှူး မက်ဆီ ကို အလွတ်ပြောင်းရွှေ့ကြေးနဲ့ ခေါ်ယူနိုင်ဖို့ မန်စီးတီးအသင်းက ပစ်မှတ်ထားနေပါပြီ။ မက်ဆီနဲ့အတူ လက်တွဲခဲ့ဖူးတဲ့ နည်းပြ ဂွာဒီယိုလာရဲ့ အကူအညီနဲ့ မက်ဆီကို ခေါ်ယူသွားဖို့ ကြိုးစားမှာဖြစ်ပြီး ရာသီကုန်တိုင်းမှာ အလွတ်ပြောင်းရွှေ့ကြေးနဲ့ ထွက်ခွာခွင့်ရှိတယ်ဆိုတဲ့ မက်ဆီရဲ့ လက်ရှိစာချုပ်ကြောင့် မက်ဆီတစ်ယောက် မန်စီးတီးအသင်းဆီ ရောက်လာနိုင်ဖို့ အခြေအနေတွေ ရှိလာခဲ့တာပါ။

READ
ဒိုလေးကို မခေါ်ဖြစ်ခဲ့ခြင်းမှာ မဟာအမှားဖြစ်ခဲ့ကြောင်း အာစင်ဝင်းဂါးပြောကြား

တိုမီနေး ။        ။ မန်ယူအသင်းကွင်းလယ်ကစားသမား တိုမီနေး က ဖာနန်ဒက်စ်နဲ့ အီဂါလို တို့ကို ဒီအပြောင်းအရွှေ့မှာ ခေါ်ယူခဲ့ရခြင်းဟာ ထိပ်ဆုံး(၄)သင်းစာရင်းထဲကို ၀င်ရောက်နိုင်ဖို့ ဖြစ်ကြောင်း ပြောဆိုလိုက်ပါတယ်။ တိုမီနေး က ဒီကစားသမား နှစ်ယောက်စလုံးဟာ မန်ယူအသင်းအတွက် အကူအညီပေးနိုင်မယ့် ကစားသမားတွေဖြစ်ပြီး သူတို့ကြောင့် ချန်ပီယံလိဂ်ဝင်ခွင့်တစ်နေရာအတွက် စိန်ခေါ်နိုင်လိမ့်မယ်လို့ တိုမီနေး က ယုံကြည်နေပါတယ်။

Linn

Source : TheSun , Mirror , Goal

SHARE