အရက်ကို ကျန်းမာရေးနဲ့ ညီညွတ်အောင် ဘယ်လို သောက်သုံးသင့်လဲ?

အရက်သောက်သုံးခြင်းဟာ ယနေ့ခေတ် အချိန်အခါမှာ ကျား၊မ,မရွေး လူအတော်များများ ပြုလုပ်နေကြတဲ့ ပုံမှန်အရာတစ်ခုပါ။ အမေရိကန်နိုင်ငံမှာဆိုရင် သုတေသန စစ်တမ်းတွေအရ အမျိုးသားတွေဟာ တစ်နေ့ကို အရက်နှစ်ခွက်၊ အမျိုးသမီတွေဟာ တစ်နေ့ကို အရက်တစ်ခွက် ပျမ်းမျှသောက်သုံးလေ့ရှိတယ်လို့ သိရပါတယ်။ ဒါပေမယ့် “တန်ဆေးလွန်ဘေး”ဆိုတဲ့ စကားအတိုင်း ဘယ်အရာမဆို အလွန်အကျွံဖြစ်ရင် မကောင်းပါဘူး။

အရက် သောက်သုံးခြင်းကိုလည်း ဆေးဖြစ်ဝါးဖြစ်(ဒါမှမဟုတ်) စားကောင်းရုံလောက်လို့ အကြောင်းပြပြီး သောက်တတ် ကြပေမယ့် အလွန်အကျွံဖြစ်လာတဲ့အခါ မလိုလားအပ်တဲ့ လူမှုရေး၊ ကျန်းမာရေးပြဿနာတွေကို ရင်ဆိုင်ရပြီး ကျန်းမာရေး ပြဿနာပေါင်းများစွာနဲ့ ရင်ဆိုင်ရလေ့ရှိပါတယ်။ ဒါကြောင့်မို့ အရက်သောက်တဲ့အခါမှာ အလွန်အကျွံဖြစ်ခဲ့ရင် ကြုံတွေ့ရနိုင်တဲ့ ဘေးထွက်ဆိုးကျိုးတွေကို ဖော်ပြပေးလိုက်ပါတယ်။

(၁) အ၀လွန်ခြင်း

အယ်လ်ကိုဟော တစ်ဂရမ်မှာ (၇)ကယ်လိုရီ ပါဝင်ပါတယ်။ အယ်လ်ကိုဟောပါတဲ့ အရည်တွေဟာ ကယ်လိုရီများပြားလွန်းပြီး တစ်ခွက်ကို ပျမ်းမျှ (၉၇)ကနေ (၃၀၀)ကယ်လိုရီအထိ ပါဝင်လေ့ရှိပါတယ်။ ဒါကြောင့်မို့ အရက်များများ သောက်သုံးရင် အဆီတက်ပြီး အ၀လွန်လေ့ရှိတာပါ။ အရက်ကို ထိန်းပြီးသောက်မယ်ဆိုရင်တော့ အဆီတက်တာကို အတိုင်းအတာ တစ်ခုအထိ လျှော့ချနိုင်မှာပါလိမ့်မယ်။

Shutterstock

(၂) အမူးလွန်ပြီး အိပ်မရဖြစ်ခြင်း

အရက်မှာ အိပ်ဆေးအာနိသင် ပါဝင်ပေမယ့် အလွန်အကျွံသောက်သုံးရင်တော့ ခန္ဓာကိုယ်ထဲက ဟောမုန်းတစ်ချို့ကို မြင့်တက်စေပြီး လူကို နိုးနိုးကြားကြား ဖြစ်စေပါတယ်။ ဒါကြောင့်မို့ အမူးလွန်တဲ့အခါ မအီမသာဖြစ်ပြီး စိတ်ကအိပ်ချင်ပေမယ့် လူကအိပ်ဖို့ ခက်ခဲနေတတ်တာပါ။ သင့်တင့်မျှတရုံလောက်သာ အရက်သောက်မယ်ဆိုရင် စားဝင်အိပ်ပျော်ဖြစ်ရုံသာမက အိပ်ရာကနိုးလာချိန်မှာတောင် လူက အရမ်းလန်းဆန်းနေပါလိမ့်မယ်။

READ
သွားတကျိကျိ ကြိတ်ရခြင်းအကြောင်း သင်မသိသေးတဲ့ အချက်(၆)ချက်
Shutterstock

(၃) နုလုံးခုန် မမှန်ခြင်း

အရက်အလွန်အကျွံသောက်ရင် နှလုံးခုန် မမှန်ဖြစ်တတ်ပြီး သွေးဖိအားများလာသလို နှလုံးကြွက်သားတွေကိုလည်း ထိခိုက်စေပါတယ်။ ဒါပေမယ့်လည်း သင့်တင့်တဲ့ ပမာဏလောက် အရက်ကို သောက်ရင်တော့ နှလုံးရောဂါကို ၂၅% ကနေ ၄၀% လောက်အထိ ကာကွယ်ပေးနိုင်ပါတယ်။ ဒါအပြင် အသက်အရွက်နဲ့ သောက်သုံးတဲ့ အလေ့အထပေါ်မူတည်ပြီး နှလုံးထဲမှာရှိတဲ့ မကောင်းတဲ့ ကိုလက်စထရောတွေနဲ့ သွေးခဲတွေကိုလည်း လျှော့ချပေးပါတယ်။

Shutterstock

(၄) ကိုယ်ခံအားလျော့ခြင်း

အယ်လ်ကိုဟော အများအပြား သောက်သုံးခြင်းဟာ ကိုယ်ခံအားလျော့ကျစေပြီး အလွယ်တကူ ဖျားနာခြင်း၊ အနာကျက်ဖို့ ပိုမိုကြာမြင့်ခြင်းများကို ဖြစ်စေနိုင်ပါတယ်။ အရက်လုံးဝ မသောက်ရင်တော့ ဒီဒုက္ခတွေ ခံစားရမှာ မဟုတ်ပါဘူး။

Shutterstock

(၅) သတိမေ့ခြင်း

အချိန်ကာလတစ်ခုကြာအောင် အရက်ကို စွဲစွဲမြဲမြဲသောက်သုံးခြင်း(အရက်စွဲနေခြင်း)ဟာ ဦးဏှောက်ထဲမှာရှိတဲ့ သွေးလှည့်ပတ်မှုကို ပြောင်းလဲစေနိုင်ပါတယ်။ ဒါ့အပြင် ဦးဏှောက်ထဲက မှတ်ဥာဏ်နဲ့ စဉ်းစားနိုင်စွမ်းတို့ရှိတဲ့ အစိတ်အပိုင်းတွေ ကို ကျုံ့သွားစေတာကြောင့် သတိမေ့ခြင်း၊ မူမမှန်ခြင်း စတာတွေကို ဖြစ်စေတာပါ။ တစ်ခါတစ်လေမှ အရက်သောက်သူတွေ အရက်မူးနေရင် လျှာလေးအာလေးဖြစ်ပြီး စကားမှားတာ၊ သတိမေ့တာတွေကတော့ ရေရှည်အကျိုးသက်ရောက်မှု မရှိပါဘူး။ မူးတုန်းခဏပဲ ဖြစ်တာပါ။ အမူးပြေရင် ပျောက်သွားပါလိမ့်မယ်။

READ
မနက်စာအဖြစ် ကြက်ဥကို ဘာကြောင့်စားပေးသင့်သလဲ
Shutterstock

(၆) စိတ်ကျရောဂါ ခံစားရခြင်း

အရက်ကို မကြာခဏ များပြားစွာသောက်သုံးခြင်းဟာ အရက်ကိုစွဲစေပြီး စိတ်ကျရောဂါလည်း ဖြစ်စေပါတယ်။ စိတ်ဂနာမငြိမ်ဖြစ်ခြင်း၊ အလိုလိုဖိအားတွေများနေခြင်းစတဲ့ စိတ်ပိုင်းဆိုင်ရာ ပြဿနာတွေကိုလည်း အရက်စွဲနေရင် ခံစားရမှာပါ။ စည်းစနစ်တကျ အရက်ကို သောက်သုံးမယ်ဆိုရင်တော့ ဒါဟာ စိတ်ကျင့်စဉ်တစ်ခုလို့တောင် သတ်မှတ်လို့ ရပါတယ်။ မိမိကိုယ်ကိုနဲ့ မိမိအတွေးတွေကို ထိန်းချုပ်နိုင်စွမ်းမှာ ပိုမိုအားကောင်းလာမှာဖြစ်ပြီး ကောင်းမွန်တဲ့ ဦးဏှောက်တွင်း သွေးလှည့်ပတ်မှုကို ထိန်းသိမ်းရာလည်း ရောက်ပါတယ်။

ShutterStock

(၇) သွေးတိုးခြင်း

အလွန်အကျွံအရက်သောက်ရင် သွေးတိုးရောဂါဖြစ်ဖို့ ရာခိုင်နှုန်းပိုများပြီး ဆီးသွားခြင်းနဲ့ဆိုင်တဲ့ ရောဂါတွေလည်း ဖြစ်ပွားနိုင်ပါတယ်။ ဒါပေမယ့် အရက်ကို စနစ်တကျသောက်သုံးခြင်းဟာ ထူးဆန်းစွာပဲ သွေးတိုးရောဂါ ဖြစ်နိုင်ချေကို လျော့နည်းစေတယ်လို့ ကျန်းမာရေးစစ်တမ်းတွေအရ သိရပါတယ်။

Source : CNN

ZARNI

SHARE