အရှေ့တောင်အာရှမှာရှိတဲ့ သရဲအခြောက်ဆုံးနေရာ (၅)ခု အကြောင်း

သင်ဟာ ပရလောကနဲ့ ပတ်သက်တာတွေ၊ သည်းထိတ်ရင်ဖိုတွေကို ကြိုက်တယ်ဆိုရင်တော့ ဒီလိုနေရာတွေကို စိတ်ဝင်စားမှာပါ။ အခုစုစည်းဖော်ပြပေးမှာတွေကတော့ အရှေ့တောင်အာရှတစ်ဝှမ်းက သရဲအခြောက်ဆုံးနေရာတွေဖြစ်ပြီး သတ္တိရှိတဲ့လူဆိုရင်တော့ ကိုယ်တိုင်တစ်ခေါက်လောက်တော့ သွားစူးစမ်းလေ့လာချင်ကြလောက်ပါတယ်။

Teacher’s Camp စခန်းချအဆောက်အဦး, ဖိလစ်ပိုင်နိုင်ငံ

Flickr

Baguio မြို့က ဒီအဆောက်အဦးဟာ ကြည့်လိုက်ရင်တော့ သရဲခြောက်လောက်မှာ မဟုတ်ဘူးထင်ရပေမယ့် ဖိလစ်ပိုင်နိုင်ငံရဲ့ သရဲအခြောက်ဆုံးနေရာတွေထဲက တစ်ခုပါ။ ဆရာဖြစ်သင်တန်းကျောင်းဟောင်းကြီးဟာ နှစ်ရာချီသက်တမ်းရှိပြီဖြစ်ပြီး ၎င်းနေရာကို သွားသူတွေက အထဲမှာ ခေါင်းပြတ်ခရစ်ယာန်ဘုန်းကြီးနဲ့ ဂါဝန်အဖြူဝတ်ထားတဲ့ အမျိုးသမီးတို့ကို တွေ့ဖူးကြောင်းဆိုပါတယ်။

Lawang Sewu အဆောက်အဦး၊ အင်ဒိုနီးရှားနိုင်ငံ

Shutterstock

Lawang Sewu ဆိုတာ ဂျာဗားဘာသာစကားနဲ့ တံခါးထောင်ပေါင်းများစွာလို့ အဓိပ္ပာယ်ရပါတယ်။ ရထားကုမ္ပဏီအဖြစ်ဆောက်ခဲ့တဲ့ အဆောက်အဦးဖြစ်ပေမယ့် ဒုတိယကမ္ဘာစစ်အတွင်း ဂျပန်တွေ အုပ်စိုးစဉ်က အကျဉ်းထောင်အဖြစ် အသုံးပြုခဲ့ပါတယ်။ ခေါင်းဖြတ်သေဒဏ်ပေးခဲ့တဲ့ အကျဉ်းသားတွေရဲ့ ဝိညာဉ်တွေဟာ ၎င်းအဆောက်အဦးရဲ့ ခန်းမတွေထဲမှာ ခြောက်လှန့်ဆဲပါ။

READ
ပိုးကောင်မွှားကောင်လေးတွေအတွက် နေစရာနန်းတော်ကို ကိုယ်တိုင်ဖန်တီးခဲ့တဲ့ ကလေးများ

Genting တောင်ကုန်း၊ မလေးရှားနိုင်ငံ

traveloka

Genting တောင်ကုန်းပေါ်က ဟိုတယ်နဲ့ ကွန်ဒိုတွေမှာ သရဲခြောက်တာနဲ့ ကျော်ကြားပါတယ်။ တောင်ကုန်းပေါ်က ဟိုတယ်မှာ တည်းတဲ့ဧည့်သည်တွေဟာ ခန်းမဆောင်ထဲက ခြေသံတွေ၊ တံခါးခေါက်သံတွေ အမြဲကြားရပြီး တစ်စုံတစ်ယောက်စောင့်ကြည့်နေသလိုမျိုး အမြဲခံစားရလေ့ရှိကြောင်း ပြောပြကြပါတယ်။

Laperal အိမ်ဖြူ၊ ဖိလစ်ပိုင်နိုင်ငံ

traveloka

Baguio မှာရှိတဲ့ ၎င်းအိမ်ဟာ Amityville ဖိလစ်ပိုင်ဗားရှင်းလို့ ပြောလို့ရပါတယ်။ ရှေးတုန်းက Laperal မျိုးနွယ်ရဲ့ အပန်းဖြေစံအိမ်ကို အခုခေတ်မှာ အနုပညာပြတိုက်အဖြစ် သုံးနေပါတယ်။ ပြတင်းပေါက်တွေမှာ အရိပ်မည်းတွေ တွေ့ရတတ်လို့ အိမ်ရှေ့ကို ကားတွေတောင် ဖြတ်မမောင်းရဲဘဲ အဆိုးဆုံးကတော့ အိမ်ဘေးက သရက်ပင်နားမှာ အင်္ကျီအဖြူနဲ့ အမျိုးသမီးကို တွေ့ရတတ်တာပါ။

Sathorn တာဝါ၊ ထိုင်းနိုင်ငံ

traveloka

အပြီးထိမဆောက်လုပ်ခဲ့တဲ့ (၄၉)ထပ် မိုးမျှော်တိုက်ကြီးဟာ ဘန်ကောင်မြို့မှာ တည်ရှိပြီး သရဲတာဝါလို့ ကျော်ကြားပြီး ၎င်းပတ်ဝန်းကျင်မှာ လေလွင့်သူတွေ နေထိုင်ကြပါတယ်။ တိုက်ကြီးမှာ သရဲခြောက်ရတဲ့အကြောင်းက သင်္ချိုင်းမြေပေါ်မှာ ဆောက်ထားတာကြောင့်လို့ ပြောကြပြီး အချို့ကတော့ တိုက်အရိပ်ဟာ ရန်နဝကျောင်းတော်ကို အုပ်မိုးထားတာကြောင်လို့ပြောကြပါတယ်။ (၂၀၁၄)ခုနှစ်တုန်းကဆိုရင် ၎င်းတိုက်ရဲ့ (၄၃)ထပ်မှာ ဆွီဒင်ခရီးသွားဧည့်သည်တစ်ယောက် ကြိုးဆွဲချသေဆုံးနေခဲ့ပါတယ်။

READ
အပင်တွေက မြင်နိုင်၊ ကြားနိုင်၊ အနံ့ခံနိုင်စွမ်းရှိတယ်လို့ သိပ္ပံပညာရှင်တွေတွေ့ရှိခဲ့

White (Shwemom)

Ref: traveloka

SHARE