(၂၀၁၇)ခုနှစ်အတွက် ခန္ဓာကိုယ်ကောက်ကြောင်း အလှဆုံးအမျိုးသမီး (၁၀)ဦး

ကမ္ဘာပေါ်မှာ ခန္ဓာကိုယ်အလှဆုံး အမျိုးသမီး (၁၀)ယောက်ဟာ ဘယ်သူဖြစ်မယ်ထင်ပါသလဲ? အောက်မှာ
တော့ ကမ္ဘာကျော်ဝက်ဘ်ဆိုဒ်ကြီးတစ်ခုဖြစ်တဲ့ groundzeroweb.com မှာ ဖော်ပြထားတဲ့ (၂၀၁၇)ခုနှစ်အတွက် ခန္ဓာကိုယ်ကောက်ကြောင်းအလှဆုံး အမျိုးသမီး (၁၀)ယောက်အကြောင်းကို ပြန်လည်မျှဝေပေးလိုက်ပါတယ်

(၁) Scarlett Johansson

အသက်(၃၃)နှစ်အရွယ် အမေရိကန်မင်းသမီး စကားလက်ကတော့ သရုပ်ဆောင်၊ အဆိုတော်၊ မော်ဒယ်အဖြစ်နဲ့ အသက်မွေးဝမ်းကြောင်း ပြုနေသူဖြစ်ပါတယ်။ သူမဟာ (၂၀၁၄-၁၆) ခုနှစ် အတော်အတွင်းမှာ ကမ္ဘာ့ဈေးအမြင့်ဆုံး သရုပ်ဆောင်ဘဝကို ပိုင်ဆိုင်ခဲ့ပြီး၊ အခုအချိန်ထိ အလှတွေ မကျသေးပါဘူး။

(၂) Priyanka Chopra

မြန်မာပရိသတ်နဲ့ တရင်းတနီးရှိပြီးသားဖြစ်တဲ့ ချိုပရာကတော့ အိန္ဒိယဘောလိဝုမှာ အအောင်မြင်ဆုံး အမျိုးသမီး အနုပညာရှင်တစ်ယောက် ဖြစ်ပါတယ်။ သူမကတော့ အသက် (၃၅)နှစ်ရှိပြီ ဖြစ်ပြီး  Miss World 2000 သရဖူပိုင်ရှင်တစ်ယောက်လည်း ဖြစ်ပါတယ်။ ဒီကနေမှ သူမရဲ့အောင်မြင်တဲ့ဘဝကို တက်လှမ်းနိုင်ခဲ့တာပါ။

(၃) Michelle Keegan

သရုပ်ဆောင်နဲ့ မော်ဒယ်လောကမှာ ညှို့မင်းသမီးလို့ နာမည်ကြီးနေတဲ့ Michelle Keegan ကလည်း အသက်(၃၀) အရွယ် လှတုန်းပတုန်းပါဘဲ။ အင်္ဂလိပ်သရုပ်ဆောင်မင်းသမီးတစ်ယောက်ဖြစ်ပြီး 2008 ခုနှစ်နောက်ပိုင်းကာလတွေဟာ သူမအတွက် အအောင်မြင်ဆုံးနှစ်တွေ ဖြစ်ပါတယ်။

READ
ဆံကေသာကို သဘာဝအတိုင်း နူးညံ့တောက်ပလာစေမယ့် နည်းလမ်းကောင်းများ

(၄) Megan Fox

အမေရိကန်နာမည်ကျော် သရုပ်ဆောင်/မော်ဒယ် တစ်ယောက်ဖြစ်တဲ့ Megan Fox ကလည်း ကမ္ဘာ့ခန္ဓာကိုယ်အလှဆုံး အမျိုးသမီးစာရင်းမှာ ရပ်တည်နိုင်ခဲ့သူ ဖြစ်ပါတယ်။ သူမကတော့ (၂၀၀၁)မှာ သရုပ်ဆောင်လောကကို စတင်ခဲ့ပြီး (၂၀၁၀) နောက်ပိုင်းမှာတော့ မော်ဒယ်/ဖတ်ရှင်ဒီဇိုင်နာအဖြစ်ပါ ရပ်တည်နိုင်ခဲ့သူပါ။

(၅) Margot Robbie

အသက်(၂၇)နှစ်သာရှိသေးတဲ့ သြစတေးလျမင်းသမီးချောလေး Margot Robbie ဟာ (၂၀၀၀)ခုနှစ်ကတည်းက ကလေးသရုပ်ဆောင်ဘဝနဲ့ အောင်မြင်မှုတွေ သိမ်းပိုက်ခဲ့သူ ဖြစ်ပါတယ်။ သူမရဲ့ ရဲတင်းသွက်လက်တဲ့ သရုပ်ဆောင်မှုတွေကြောင့် ဇာတ်ကားတွေ ဆက်တိုက်ရိုက်ခဲ့ရပြီး ပရိသတ် အကြိုက်တွေ့ခဲ့ပါတယ်။

(၆) Kendall Jenner

ခန္ဓာကိုယ်အလှမှာ နာမည်ကြီးလွန်းလှတဲ့ Kendall Jenner ဟာ အသက် (၂၂)နှစ်သာ ရှိသေးပြီး မော်ဒယ်၊ တီဗွီအစီအစဉ်တင်ဆက်သူအဖြစ် နာမည်ကြီးပါ။ ပြင်ပလူနေမှုဘဝမှာ အနေအေးသလောက် တီဗွီမှန်သားပြင်ထက်မှာ သွက်လက်ချက်ခြာသူအဖြစ် မှတ်ယူခြင်းခံရသူပါ။

(၇) Kate Upton

ခန္ဓာကိုယ်လှလွန်းလို့ ရေကူးဝတ်စုံနဲ့ အားကစားဝတ်စုံကြော်ငြာတွေ မအားလပ်အောင်ရိုက်နေရတဲ့ အသက်(၂၅)နှစ်အရွယ် Kate Upton ဟာ မော်ဒယ်အဖြစ်သာမက သရုပ်ဆောင်လောကမှာလည်း နာမည်ရထားသူဖြစ်ပါတယ်။

READ
သင့်ကို ပိုမိုစွဲဆောင်မှုရှိသူဖြစ်သွားစေမယ့် ဖက်ရှင်အသုံးအဆောင်ပစ္စည်း(၆)မျိုး

(၈) Jessica Alba

သရုပ်ဆောင်လောကကို စတင်ဝင်ရောက်လိုက်တာနဲ့ ဆုတွေ တစ်သီကြီးနဲ့ လာခြင်းကောင်းခဲ့တဲ့ Jessica Alba ဟာ အသက်(၃၆)နှစ်အရွယ်တိုင်အောင် သူမရဲ့ ခန္ဓာကိုယ်အလှအပက အများအားကျစရာဖြစ်နေပါသေးတယ်။

(၉) Irina Shayk

မျက်လုံးအကြည့်မှာ ညှို့ဓာတ်ပါလွန်းလို့ သရုပ်ဆောင်အဖြစ် ရွေးချယ်ခံခဲ့ရတဲ့ Irina Shayk ဟာ မျက်လုံးတစ်ခုတည်းတင် ညှို့ဓာတ်ရှိတာမဟုတ်ပါဘူး။ သူမရဲ့ အောင်မြင်မှုသမိုင်းမှာ ခန္ဓာကိုယ်ရဲ့အလှအပကြောင့်ဆိုတာကိုလည်း ချန်ထားလို့ မရပါဘူး။ Shayk ဟာ ရုရှမော်ဒယ် သရုပ်ဆောင်ဖြစ်ပြီး အသက်ကတော့ (၃၁) နှစ် ရှိပါပြီ။

(၁၀) Candice Swanepoel

အသက်(၂၉)နှစ်အရွယ် တောင်အာဖရိကမော်ဒယ် Candice Swanepoel  ကတော့ Victoria’s Secret နဲ့ပူးတွဲအလုပ်လုပ်ချိန်မှာ လျှမ်းလျှမ်းတောက် နာမည်ကြီးလာခဲ့သူပါ။ (၂၀၁၆)ခုနှစ်မှာ Forbes မဂ္ဂဇင်းရဲ့ ဝင်ငွေအများဆုံးမော်ဒယ်စာရင်းမှာ နံပတ်(၈)နေရာကနေ ရပ်တည်နိုင်ခဲ့သူ ဖြစ်ပါတယ်။

မဒီလေး (Shwemom)

Source: fittips4life

SHARE