ဒေါင်းဝေဒနာရှင်လေးတွေရဲ့ ပါရမီကိုအားပေးထောက်ပံ့ခဲ့တဲ့ နယူးယောက်က ဖက်ရှင်ရှိုး

(AP Photo/Gary Gerard Hamilton)

ဗုဒ္ဓဟူးနေ့တုန်းက နယူးယောက်မှာ ကျင်းပပြုလုပ်တဲ့ Gigi’s Playhouse ဖက်ရှင်ရှိုးထဲ  ဒေါင်းဝေဒနာရှင် မော်ဒယ်ပေါင်းများစွာကို တွေ့ခဲ့ရပါတယ်။ သားရေဂျက်ကတ်ကို ၀တ်ဆင်ပြီး ဂီတာကို လွယ်ကာ ကျကျနနနဲ့ ရှိုးလျှောက်လှမ်းဖို့ ပြင်နေတဲ့ မော်ဒယ်လေးတစ်ယောက်အပါအ၀င် ရောင်စုံမာဖလာလည်စီးလေးကို သပ်ရပ်စွာ ၀တ်ဆင်ထားတဲ့ အမျိုးသားမော်ဒယ်လေးနဲ့အတူ အခြားအမျိုးသမီး မော်ဒယ်လေးတွေကိုလည်း တွေ့ခဲ့ရတာဖြစ်ပါတယ်။

(AP Photo/Gary Gerard Hamilton)
(AP Photo/Gary Gerard Hamilton)

ဖက်ရှင်ပွဲမှာတော့ ဒေါင်းရောဂါရှိနေတဲ့ ဆယ်ကျော်သက်တွေတင်မကပဲ လမ်းလျှောက်တတ်စ ဝေဒနာရှင်ကလေးငယ်တွေပါ ပါဝင်ခဲ့တာကို apnews သတင်းစာမျက်နှာကနေ သိရတာ ဖြစ်ပါတယ်။့  ကိုယ့်ကိုကိုယ်ယုံကြည်မှုရှိပြီး ဟန်ပန်အပြည့်နဲ့ လျှောက်လမ်းပေါ်လမ်းလျှောက်လာတဲ့ မော်ဒယ်လေးတွေကိုတော့ ပရိသတ်တွေက သောင်းသောင်းဖျဖျ အားပေးခဲ့ကြတာပါ။

နယူးယောက်ဖက်ရှင်ပွဲ ရက်သတ္တပတ်ဟာ လွန်ခဲ့တဲ့ တစ်လခန့်အကြာက ပြီးစီးခဲ့ပြီဖြစ်ပေမယ့်လည်း နောက်ထပ်ဖက်ရှင်ရှိုးပေါင်းများစွာတို့ဟာ မရေမတွက်နိုင်အောင် ထွက်ပေါ်လာနေဆဲ ဖြစ်ပါတယ်။ အခု Gigi’s Playhouse ဖက်ရှင်ရှိုးကတော့ ဒေါင်းရောဂါဝေဒနာခံစားနေရတဲ့ လူငယ်လေးတွေအတွက် သူတို့ရဲ့ ပါရမီစွမ်းရည်ကို လူအများဆီ ဖော်ထုတ်ပြသလိုတဲ့ ရည်ရွယ်ချက်ပဲ ဖြစ်ပါတယ်။

READ
လူနာကို အလှည့်ကျစနစ်နဲ့ နှလုံးပြန်ခုန်စေဖို့ ကြိုးစားခဲ့ကြတဲ့ ဆေးရုံအမှုထမ်း (၃၀) ဦး
(AP Photo/Gary Gerard Hamilton)
(AP Photo/Gary Gerard Hamilton)

Gigi’s Playhouse ဟာ နိုင်ငံလုံးဆိုင်ရာ ပညာရေးနဲ့အောင်မြင်ရေးဝန်ဆောင်မှု စင်တာတစ်ခု ဖြစ်ပါတယ်။ စင်တာဟာ ဒေါင်းဝေဒနာရှင် မွေးကင်းစကနေ ဆယ်ကျော်သက်အရွယ်အထိ သူတို့လေးအတွက် အိမ်၊ ကျောင်းနဲ့ သူတို့အတွက် အသိုင်းအ၀ိုင်းလေးတွေကို ဖန်တီးပေးနေတာ ဖြစ်ပါတယ်။ အခုဖက်ရှင်ရှိုးပွဲကတော့ သူတို့လေးတွေအတွက် ရန်ပုံငွေရှာဖွေပေးတဲ့ ပွဲလေးလည်း ဖြစ်ပါတယ်။

ရှိုးပွဲမှာပါဝင်ခဲ့သူ အသက်(၁၆) နှစ်အရွယ် မော်ဒယ်လော်ရာလိုင်းကတော့ “ပွဲက အရမ်း ပျော်ဖို့ကောင်းပါတယ်။ သမီးက ဖက်ရှင်ရှိုးလျှောက်ရတာ နှစ်သက်တယ်။ ၀တ်ထားတဲ့ အ၀တ်အစားတွေကို သူများတွေဆီ ပြရတာပေါ့။ သမီးတို့က အပြောင်းအလဲတစ်ခုခု လုပ်ခဲ့တယ်လို့ ခံစားရပါတယ်…” လို့လည်း ပျော်ရွှင်စွာနဲ့ ပြောပြခဲ့ပါတယ်။

(AP Photo/Gary Gerard Hamilton)
(AP Photo/Gary Gerard Hamilton)

မနှစ်တုန်းကလည်း မော်ဒယ်တစ်ဦးအဖြစ်နဲ့ပဲ ပါဝင်ခဲ့တဲ့ အသက်(၁၅) နှစ်အရွယ် မာလစ်ခ်ဂျက်ဘာကတော့ “ကျွန်တော်တို့ လျှောက်လမ်းအတိုင်းပဲ လျှောက်သွားကြတယ်။ ပရိသတ်တွေရဲ့ မျက်နှာလှလှလေးတွေကို မြင်ရတယ်။ ကျွန်တော်တို့ကို ပြုံးပြီးကြည့်နေတဲ့ မျက်နှာတွေပေါ့…” လို့ဆိုခဲ့ပါသေးတယ်။

READ
မွေးနေ့ကို တစ်ဦးတည်းကျင်းပနေရတဲ့ အန်တီကြီးအတွက် လူငယ်လေးရဲ့ ကြင်နာတဲ့လုပ်ရပ်

လင်းလင်း (ShweMom)

SHARE