အိပ်ပျော်နေချိန်မှာ အမြင့်ကပြုတ်ကျသလို ခံစားမှုမျိုး ဘာကြောင့် ခံစားရတာလဲ …?

Freepik/Curiosity

နှစ်နှစ်ခြိုက်ခြိုက် ကောင်းကောင်းမွန်မွန် အိပ်ပျော်သွားတဲ့အခါ အိပ်မက်ထဲမှာ လူဆိုးတွေ၊ သရဲတွေက နောက်ကလိုက်လို့ လွတ်အောင် ပြေးလွှားရင်း ချောက်ကမ်းပါးတွေထက်ကနေ၊ အမြင့်ကနေ ပြုတ်ကျသလို ခံစားမှုမျိုး လူတိုင်း ခံစားဖူးပါလိမ့်မယ်။ အဲဒီနောက် သင်ဟာ သိမ့်ကနဲ လှုပ်နှိုးလိုက်သလို ခံစားရပြီး၊ ဇောချွေးတွေ ပြန်နေတာတို့၊ နှလုံးခုန်မမှန် ကြောက်ရွံ့နေတာတို့ ဖြစ်ပါလိမ့်မယ်။

ဒီလို ခံစားရတဲ့အခြေအနေကို Hypnogogic jerk လို့ ခေါ်ပါတယ်။ Hypnogogic အခြေအနေနဲ့ စပ်လျဉ်းနေပြီး၊ ဆိုရရင် အိပ်လို့ပျော်လုပျော်ခင်စပ်ကြား အချိန်ခဏလေးနဲ့ ဆက်စပ်နေပါတယ်။ တစ်နည်းဆိုရသော် မှေးကနဲအိပ်ပျော်ရကနေ နှစ်နှစ်ခြိုက်ခြိုက် အိပ်ပျော်ခြင်းအဆင့်ကို မရောက်မီ စပ်ကြားဖြစ်ပါတယ်။

Hypnogogic jerk မှာ အခြားအမည်ကွဲ အမျိုးမျိူးရှိသော်လည်း သေချာတာကတော့ ဒီလိုအခြေအနေမှာ တချို့သောလူတွေရဲ့ ခန္ဓာကိုယ်ကြွက်သားတွေ တမင်တကာမဟုတ်ဘဲ ဖျစ်လိုက်သလို ညှစ်လိုက်သလို၊ ကျုံ့ဝင်သွားပါတယ်။ တချို့ကတော့ ကြွက်သားကျို့မှုမှာ သိပ်မသိသာပေမယ့် တချို့ကတော့ ပြင်းထန်တတ်ပါတယ်။

ဘာကြောင့် ဒီလိုဖြစ်တာလဲဆိုတဲ့ အကြောင်းပြချက်တွေကတော့ ရှင်းရှင်းလင်းလင်း မရှိသေးပါဘူး။ သို့သော်လည်း ဒီဖြစ်စဉ်နဲ့ပတ်သက်တဲ့ ယူဆချက်သီအိုရီတွေ မြောက်များစွာရှိနေပြီး၊ ကျန်းမာတဲ့လူတွေ၊ ကျန်းမာရေး ဒေါင်ဒေါင်မြည်ပါတယ်ဆိုတဲ့လူတွေလည်း ဒီလိုအဖြစ်မျိုး ခံစားရတတ်ပါတယ်။

Freepik/Castbox

(၂၀၁၆)ခုနှစ်တုန်းက Hypnogogic jerk နဲ့ပတ်သက်တဲ့ စစ်တမ်းတွေ ပြုလုပ်ခဲ့ရာ၊ လူတိုင်း အသက်အရွယ်မရွေး ဒီလိုဖြစ်နိုင်တယ်လို့ ဆိုပါတယ်။ လူ(၁၀၀)မှာ (၆၀)ကနေ (၇၀)အထိ Hypnogogic jerk ကို ခံစားရနိုင်ပြီး၊ နှစ်နှစ်ခြိုက်ခြိုက် အိပ်ပျော်လုပျော်ခင်အချိန်မှာ ဖြစ်လေ့ရှိကြောင်း ဆိုပါတယ်။ ဒါပေမယ့် သိထားဖို့က ဒါဟာ စိုးရိမ်ဖို့မလိုတဲ့အနေအထားပါ။

ဒီကနေဖြစ်တဲ့ ဘေးထွက်ဆိုးကျိူုးနဲ့ တခြားရှုပ်ထွေးမှုတွေဆိုတာ အလွန်နည်းပါးပါတယ်။ ဒီအခြေအနေကို ခံစားရသူတိုင်း အမြင့်က ပြုတ်ကျသလို ခံစားရခြင်း၊ နှလုံးခုန် မြန်လွန်းခြင်း၊ အသက်ရှူမြန်လွန်းခြင်း၊ ချွေးများထွက်ခြင်း၊ ရုတ်တရက် လန့်နိုးခြင်း၊ ကြွက်သားများ သို့မဟုတ် ခန္ဓာကိုယ်အစိတ်ပိုင်းများ သိမ့်ကနဲလှုပ်ရှားခြင်းတွေ ဖြစ်တတ်ပါတယ်။

Hypnogogic jerk ဖြစ်စေသည့် အကြောင်းအရင်းများမှာ-

  • လေ့ကျင့်ခန်း အလုပ်များခြင်းကြောင့် အိပ်ပျော်ချိန်မှာ ကြွက်သားများ သက်တောင့်သက်သာ မဖြစ်သည့်အခြေအနေ။
  • တက်ကြွလွန်းနေခြင်း (ဥပမာ ကော်ဖီအသောက်များခြင်း၊ နီကိုတင်းဓာတ် အလွန်များခြင်း စတာတွေဟာ အိပ်စက်ခြင်းစွမ်းရည်ကို ကျဆင်းစေပါတယ်။
  • စိုးရိမ်ပူပန်မှုနဲ့ စိတ်ဖိအားများလွန်းသည့်အခြေအနေကြောင့်လည်း အိပ်တဲ့အချိန်မှာ အတော်လေး သက်တောင့်သက်သာ မဖြစ်တတ်ပါဘူး။ နောက်ပြီး လူက အိပ်ပေမယ့် ဦးနှောက်က ဟိုတွေးသည်တွေ ဖိအားတွေများနေရင် ဒီလိုအခြေအနေကို ဖြစ်တတ်ပါတယ်။
  • ညစဉ်လိုလို ကောင်းကောင်း အိပ်မပျော်တဲ့ အကျင့်ရှိသူတွေ၊ အိပ်ရေးပျက်ဖန်များသူတွေ၊ အိပ်ချိန် ပုံမှန် စနစ်တကျ မရှိသူတွေ၊ အိပ်စက်တဲ့အခါတိုင်း အနှောက်အယှက် ဆူညံသံတွေ ကြားနေရတယ်ဆိုပါကလည်း ဒီလိုအခြေအနေ ဖြစ်စေနိုင်ပါတယ်။
  • အိပ်စက်တဲ့အခါ အိပ်တဲ့ပုံစံမမှန်ခြင်း၊ သက်တောင့်သက်သာမရှိတဲ့ အိပ်စက်မှုမျိုးနဲ့ အိပ်စက်နေရသူတွေမှာလည်း ဒိလို ဖြစ်တတ်ပါတယ်။
Freepik/MNT

Hypnogogic jerk အခြေအနေကို သက်သာပျောက်ကင်းစေမယ့် နည်းလမ်းဆိုတာတော့ မရှိပါဘူး။ သို့သော်လည်း အထောက်အကူပြုနိုင်တဲ့ Hypnogogic jerk အခြေအနေကို လျှော့နည်းစေမယ့် အမူအကျင့်ကောင်းတွေကို လမ်းညွှန်လိုက်ပါတယ်။

  • မအိပ်ခင် လေ့ကျင့်ခန်း ပြင်းထန်စွာ ပြုလုပ်ခြင်းကနေ ရှောင်ကြဉ်ပါ။
  • အရက်သောက်ခြင်း၊ ကော်ဖီသောက်ခြင်း၊ ဆေးလိပ်သောက်ခြင်းကို ရှောင်ကြဉ်ပါ။
  • အိပ်ယာဝင်ချိန် ပုံမှန် သတ်မှတ်ပါ။ ညဥ့်နက်သန်းခေါင်မှ အိပ်ရာဝင်တာမျိုး ရှောင်ကြဉ်ပါ။ အိပ်ရေးဝဝ အိပ်တဲ့အကျင့်ကို မွေးယူပါ။
  • မအိပ်ခင်မှာ တရားထိုင်ခြင်း၊ အသက်ရှုလေ့ကျင့်ခန်းလုပ်ခြင်းကို (၅)မိနစ်ကနေ (၁၅)မိနစ်လောက်ထိ လုပ်ပေးပါ။ ဒီလိုလုပ်ခြင်းအားဖြင့် အိပ်ရာမဝင်ခင်မှာ ဦးနှောက်အတွင်း ညစ်ညူုးမှုတွေ မဖြစ်စေဘဲ အေးအေးဆေးဆေး တည်တည်ငြိမ်ငြိမ် ဖြစ်စေလို့ အိပ်စက်ခြင်းကို အထောက်အကူပြုပါတယ်။

လင်းဇော်ကို

SHARE