ရထားလမ်းကို နမော်နမဲ့ ဖြတ်ကူးခဲ့လို့ အသက်ဆုံးခဲ့ရတဲ့ လက်ဝှေ့မယ်လေး

Twitter / Amina Bulakh

အသက်(၁၈)နှစ်သာရှိသေးတဲ့ တက်သစ်စ လက်ဝှေ့မယ်လေးတစ်ယောက်ဟာ ရထားလမ်းကို နမော်နမဲ့ဖြတ်ကူးလိုက်ခြင်းကြောင့်၊ ကံကြမ္မာဆိုးနဲ့ ပက်ပင်းကြီးတိုးရပါတော့တယ်။ အဲဒိလက်ဝှေ့မယ်လေးအမည်ကတော့ Amina Bulakh ဖြစ်ပါတယ်။

သူမဟာ ရထားလမ်းကိုဖြတ်ကျော်ပြီး နေအိမ်ကို လမ်းလျှောက်ပြန်စဉ်မှာ အခုလို မတော်တဆ ကြုံခဲ့ရတာပါ။ Amina ဟာ ယူကရိန်းနိုင်ငံ၊ Kyiv မြို့တော်ရဲ့ဆင်ခြေဖုံးရွာလေးဖြစ်တဲ့ Tarasivka မှာ နေထိုင်သူဖြစ်ပြီး၊ အခင်းဖြစ်ချိန်မှာ သူမဟာ ဖုန်းနဲ့သီချင်းနားထောင်ရင်းတန်းလန်းပါ။ နားကြပ်တက်လျှက် အနေအထားဖြစ်ပါတယ်။

 ရထားလမ်းကို ဖြတ်ကူးနေချိန်မှာ ရထားဥသြသံကို မကြားခဲ့ရပါဘူး။ ဒါပေမယ့် အန္တရယ်ကို သတိထားမိလိုက်ချိန်မှာ နောက်ကျသွားခဲ့ပါပြီ။ နိုဝင်္ဘာလ(၁၄)ရက်က  ဖြစ်ခဲ့တဲ့ ဒီအဖြစ်အပျက်မှာ Amina ဟာ ဒဏ်ရာပြင်းထန်စွာရရှိသွားပြီး၊ သေဆုံးသွားခဲ့ရပါတယ်။

မျက်မြင်သက်သေတစ်ဦးရဲ့အဆိုအရ Amina ဟာ ဖုန်းကိုကြည့်ရင်း လမ်းလျှောက်လာခဲ့တာဖြစ်ပြီး၊ ရထားကို အနီးကပ်မှ မြင်လိုက်ရတာကြောင့် ရှောင်ချိန်မရလိုက်ဘူးလို့ ဆိုပါတယ်။ ရဲတပ်ဖွဲ့ရဲ့အဆုိုအရ Amina ဟာ အနီးအနားက ဆေးဆိုင်မှာ ဆေးဝယ်ပြီး အိမ်ကို ပြန်လာစဉ် အခုလို ဖြစ်ခဲ့ရတာလို့ ပြောပါတယ်။

အခင်းဖြစ်ခဲ့တဲ့ရထားဟာ Kyiv ကနေ Fastiv ကို ပြေးဆွဲနေတဲ့ ခရီးသည်တင်ရထားဖြစ်ပြီး၊ ရထားလမ်းဥပဒေအရ စက်ခေါင်းမောင်းကတော့ အပြစ်ကနေ လွတ်ကင်းပါတယ်။ Amina ဟာ ယူကရိန်းသက်ငယ်တန်း လက်ဝှေ့ချန်ပီယံတစ်ဦး ဖြစ်ပါတယ်။

ပြီးခဲ့တဲ့ စက်တင်ဘာတုန်းကလည်း ဘူဂေးရီးယားမှာကျင်းပတဲ့ ဥရောပသက်ငယ်တန်းချံပီယံရှစ်ပြိုင်ပွဲမှာ ကြေးတံဆိပ်ဆွတ်ခူးနိုင်ခဲ့ပါတယ်။ သူမ သေဆုံးခြင်းအတွက် Boxing Federation of Ukraine အဖွဲ့ကလည်း ဝမ်းနည်းကြောင်း ကြေညာချက်ထုတ်ပြန်ခဲ့ပါတယ်။ ရဲကတော့ ဒီအမှုကို စစ်ဆေးနေဆဲပါ။

လင်းသုတ

SHARE