ဒုစရိုက်များနဲ့မူးယစ်သေစာစွဲခဲ့သူများဖို့ ဂျာမနီကနားခိုရာလယ်မြေလေးအကြောင်း

Niels Starnick / BamS

Hermann ဟာ အရင်တုန်းက အရက်ရဲ့ကျေးကျွန်ဖြစ်ခဲ့ဖူးပြီး သူ့အနေနဲ့ မူးလာရင်သွေးဆိုးမှုတွေကြောင့်ပဲ ဘဝကြီးဟာလုံးဝရေစုန်မြောခဲ့ဖူးပါတယ်။ ဒါပေမဲ့လည်း အခုအချိန်မှာတော့ Fleckenbühl လယ်တောမြေလေးမှာ ထိန်းသိမ်းသူနဲ့ အကြိုအပို့ကိစ္စတွေကို တာဝန်ယူပေးရသူတစ်ယောက် ဖြစ်လို့နေခဲ့ပါပြီး Hermann အနေနဲ့ Fleckenbühl ကို သံယောဇဉ်ကြီးတယ်ဆိုတာထက် သူ့ဘဝကိုအပြောင်းလဲကြီးပြောင်းလဲစေခဲ့တဲ့ ဒီလယ်ယာမြေလေးအပေါ်မှာ နောက်ထပ်လာသမျှလူသစ်တွေကို စောင့်ရှောက်ပေးရင် ကျေးဇူးဆပ်နေတယ်ဆိုလည်း မမှားပါဘူး။ ဒီလိုနဲ့ Fleckenbühl လယ်ယာမြေလေးဟာ ထောင်ထွက်များ၊ မူးယစ်ဆေးနဲ့အရက်သေစာ ပြတ်ပြီးခါစသူတွေအတွက် ပုံမှန်လူမှုဝန်းကျင်မှာ ပြန်နေနိုင်ဖို့ အခွင့်အရေးလမ်းစလေးတစ်ခု ဖြစ်လာပါတော့တယ်။

Fleckenbühl ကို ဟာ ဂျာမနီနိုင်ငံရဲ့ Frankfurt ဒေသရဲ့ မြောက်ဖက် ၆၆ မိုင်အကွာလောက်မှာ တည်ရှိနေတဲ့ ပရဟိတပြန်လည်ထူထောင်ရေးစခန်းလေးဖြစ်ပါတယ်။ ဒီလယ်ယာမြေလေးကို ရောက်သွားရင်တော့ စစချင်း အမျိုးသားတွေ၊ အမျိုးသမီးတွေနဲ့ ကလေးလေးတွေပါ ရှိနေတာကြောင့် သာမန်လယ်ယာလုပ်တဲ့ရပ်ကွက်လေးလို့ ထင်မိကြမှာပါ။ ဒါပေမဲ့ ဒီလိုအေးချမ်းတဲ့နေရာလေးမှာ အလုပ်ကိုယ်စီရှုပ်နေကြသူတွေဆိုတာ တစ်ချိန်တုန်းက ထောင်ထွက်တွေ၊ မူးယစ်ဆေးရဲ့သားကောင်တွေဖြစ်ခဲ့ဖူးတယ်ဆိုရင် သင်ယုံကြည်နိုင်ပါ့မလား။ ဟုတ်ပါတယ် သူတို့က Hermann လိုပဲ သာမန်လူတစ်ယောက်အဖြစ် လူ့ပတ်ဝန်းကျင်မှာ နေထိုင်နိုင်ဖို့ ကြိုးစားနေသူလေးတွေပါ။

Niels Starnick / BamS

ဒီနေရာလေးဟာ အစောင့်အကြပ်တွေမရှိ၊ ဆွေးနွေးတိုင်ပင်ပေးမယ့် ပညာရှင်တွေမရှိဘဲနဲ့ ဘဝတူချင်း လက်တွဲခေါ်ဆောင်ကာ ကူညီပေးနေကြတဲ့ နေရာလေးတစ်နေရာပဲဖြစ်ပါတယ်။ အမျိုးသား ၈၄ ယောက်၊ အမျိုးသမီး ၁၅ ယောက်နဲ့ ကလေးလေးတွေ ၇ ယောက်ရှိနေတဲ့ လူပေါင်း ၁၀၆ ယောက်တို့ဟာ အချင်းချင်း ရိုင်းပင်းကူညီကာ လယ်ယာမြေနဲ့ မွေးမြူရေးကိစ္စတွေကို ဝိုင်းလုပ်၊ ရလာတဲ့အမြတ်လေးတွေ၊ ခြံထွက်သီးနှံလေးတွေကို အတူတူချက်ပြုတ်စားသောက်ကာ နေထိုင်လျက်ရှိနေကြပါတယ်။ ဒီမှာနေမယ်ဆိုရင်တော့ အလုပ်တစ်ခုကို တာဝန်ယူရမယ်၊ မခိုကပ်ရဘူး၊ နောက်ပြီး ချမှတ်ထားတဲ့စည်းကမ်းတွေကို လိုက်နာရပါမယ်တဲ့။

Niels Starnick / BamS

စည်းကမ်းတွေကတော့  စီးကရက်ကစလို့ အရက်သေစာနဲ့ မူးယစ်ဆေးဝါး လုံးဝယူဆောင်သုံးစွဲခြင်းမပြုရ၊ ရန်မဖြစ်ရ၊ အချင်းမများရ၊ မနက် ၆ နာရီဆိုထပြီး ညနေစောင်းအထိအလုပ်လုပ်ရပါတယ်။ နေ့လည်မှာတော့ ထမင်းစားချိန်ရယ် နားချိန်ရယ်မှာ တစ်ရေးတစ်မောအိပ်တဲ့သူကအိပ်၊ ကလေးတွေနဲ့ အချိန်ဖြုန်းတဲ့သူကဖြုန်းနဲ့ပေ့ါ။ ည ၉ နာရီမှာတော့ အားလုံးဟာ ကိုယ့်အိမ်လေးကိုယ်စီထဲ ဝင်နေကြရပြီး အိပ်ချိန်ရောက်သွားခဲ့ပါပြီ။ လာရောက်နေထိုင်သူတွေအနေနဲ့ Fleckenbühl မှာ လယ်စိုက်တာ၊ အစားအသောက်ချက်ပြုတ်ပြင်ဆင်တာ၊ မွေးမြူရေးလုပ်ငန်းဘယ်လိုလုပ်မလဲ၊ ဒိန်ခဲလုပ်ငန်း၊ sales and marketing စတဲ့ professional ဆန်တဲ့အသက်မွေးဝမ်းကျောင်းအလုပ်ပေါင်း ၁၂ ခုကို သင်ယူလုပ်ဆောင်နိုင်ပါတယ်တဲ့။ Fleckenbühl မှာ လက်ရှိနေထိုင်နေတဲ့ လူငယ်လေးတချို့နဲ့ မိတ်ဆက်ပေးပါရစေ။

READ
Cobra Gold စစ်ရေးလေ့ကျင့်မှုအတွင်းက ကျောချမ်းလောက်စရာ အကြမ်းဆုံးဓာတ်ပုံများ
Niels Starnick / BamS

သူကတော့ အသက် ၃၄ နှစ်အရွယ် Sebastian ပါ။ ဒိန်ခဲလုပ်သူပေါ့။ တခြားလူတွေထက် နာရီဝက်စောထလေ့ရှိပြီး နိုးလာတာနဲ့ ကိုယ်လက်သန့်စင်ကာ ဒိန်ခဲလုပ်ဖို့အတွက် နို့စကြိုပါတော့တယ်တဲ့။ နေ့တိုင်း သူ့ဒိန်ခဲတွေကို ဘယ်လို ဆန်းသစ်တဲ့အရာသာမျိုးတွေနဲ့ ထုတ်လုပ်ရမယ်ဆိုတာ တွေးတောနေသူဖြစ်ပြီး Fleckenbühl က ထွက်သွားနိုင်တဲ့တစ်နေ့ကျရင်တော့ ငြိမ်းချမ်းတဲ့ ဆွစ်ဇလန်မြို့လေးတစ်မြို့ကိုသွားပြီး ဒိန်ခဲဆိုင်လေးဖွင့်မယ်တဲ့။

Niels Starnick / BamS

သူကတော့ အသက် ၂၀ရှိနေပြီဖြစ်တဲ့ Christoph ပါ။ လူကြီးတွေထဲမှာ အငယ်ဆုံးလေးလို့လည်း ပြောလို့ရပါတယ်။ ဆယ်ကျော်သက်အရွယ်မှာ ဆိုးဆိုးရွားရွား မူးယစ်ဆေးစွဲလမ်းမှုကြောင့် မိဘတွေက အတိုင်ပင်ခံဆရာဆီကို မှန်မှန်ပို့ခဲ့ပေမယ့်လည်း အဲဒီလိုဆွေးနွေးရတဲ့အချိန်တွေတာ သူ့အတွက်တော့ငရဲပါပဲတဲ့။ နောက်ဆုံး Fleckenbühl ကို ရောက်လာကာမှ အရွယ်ရောက်ပြီးသားလူသားတစ်ယောက်ဖို့ တန်ဖိုးရှိတဲ့နေ့ရက်တွေ ပိုင်ဆိုင်ရပါတော့တယ်လို့ Insider မှာ ဖော်ပြထားပါတယ်။ အခုဆိုရင် တစ်ပတ်ကို ၂ ကြိမ် gym သွားတယ်၊ ၁ ရက်က အပြေးလေ့ကျင့်ကာ ကျန်းမာရေးလိုက်စားတာကြောင့် ခန္ဓာကိုယ်ပိုင်းမှာ ပိုကြည့်ကောင်းလာခဲ့ပြီး ကောင်မလေးတောင် ရနေပြီဆိုပဲ။ သူ့ရဲ့စိတ်ကူးအိပ်မက်ကတော့ စားသောက်ဆိုင်လေးတစ်ဆိုင်ဖွင့်ပြီး မိသားစုနဲ့ပျော်ပျော်ရွှင်ရွှင်နေဖို့ပါတဲ့။

Niels Starnick / BamS

တစ်ယောက်တည်းသမားတွေအပြင် Fleckenbühl မှာ Angy နဲ့ ၇ နှစ်အရွယ် သားလေးလိုမျိုး မိသားစုလိုက်လေးတွေလည်း လာရောက်နေထိုင်နေပါတယ်။ အတိတ်တုန်းက လူမမယ်ကလေးကို မူးယစ်ဆေးရဲ့သားကောင်ဖြစ်နေတဲ့အတွက် ပစ်ထားမိတာ၊ တာဝန်မကျေတာတွေ၊ အလုပ်မှာ အဆင်မပြေတာတွေကြောင့် သူတို့နိုင်ငံ ကလေးစောင့်ရှောက်ရေးအဖွဲ့အစည်းက သားလေးကို Angy ဆီကနေ ခေါ်ထုတ်သွားဖို့ ကြိုးစားခဲ့ဖူးပါတယ်။ တကယ်တမ်း သားနဲ့ခွဲရတဲ့အခါ ကမ္ဘာကြီးတစ်ခုလုံး ဇောက်ထိုးမိုးမျှော်ဖြစ်ခဲ့တဲ့ Angy ဟာ Fleckenbühl ကိုလာပြီး ပြုပြင်ထိန်းသိမ်းရေးစခန်းမှာ ပါဝင်ခဲ့ပါတယ်။ အရောင်းဝန်ထမ်းတစ်ဦးဖြစ်အောင် ကြိုးစားနေတဲ့အပြင် သားလေးအတွက် မိခင်တာဝန်ကျေပွန်တဲ့ အမျိုးသမီးတစ်ယောက်ဖြစ်အောင်လည်း Fleckenbühl က လူတွေအချင်းချင်း ကူညီပေးတဲ့အတွက် သားဖြစ်သူနဲ့ တစ်နှစ်ခွဲပြီးတဲ့အချိန်မှာတော့ အတူတူပြန်နေလို့ရနေပါပြီ။

BILD AM SONNTAGEine fast dreiseitige Reportage von Ulrike Schuster über unsere Suchthilfearbeit auf Hof Fleckenbühl in…

Posted by die Fleckenbühler on Sunday, September 8, 2019

Fleckenbühl ကို ဝင်ဖို့ဆိုတာ ပိုက်ဆံလည်းကုန်စရာမလိုပေမယ့်လို့ လူဦးရေကန့်သတ်ထားတဲ့အတွက်ကြောင့် စောင့်ဆိုင်းဖို့တော့လိုမှာဖြစ်ပြီး ကျန်းမာရေးအာမခံပါခဲ့မယ်ဆိုရင် ပိုအဆင်ပြေပါလိမ့်မယ်။ သင့်မှာပါလာတဲ့ တန်ဖိုးကြီးပစ္စည်းတွေကို ယူဆောင်မိမယ်ဆိုရင်တော့ သီးသန့်မီးခံသေတ္တာထဲမှာ ထိန်းသိမ်းဖို့ ပေးရမှာပါပဲ။ ရောက်ရောက်ချင်းနေ့မှာတော့ ရေနွေးနွေးလေးနဲ့ ရေချိုးသန့်စင်ပြီးရင် သုံးယောက်နေရတဲ့ အိမ်လေးမှာ မွေ့ယာအကြီးကြီးတစ်ခုကို နေဖို့အတွက် နေရာချပေးပါတယ်။ အဲဒီနေ့ကတော့ နားရုံပါပဲ။ စရောက်ပြီးချင်း ၃ လမှာတော့ ပန်းကန်ဆေး၊ အိမ်သာဆေး၊ ကြမ်းတိုက်စတဲ့ အောက်ခြေသိမ်းအလုပ်တွေကို စလုပ်ရမှာပါ။ နောက်တော့မှ အတတ်ပညာတစ်ခုခုကို ရွေးချယ်ခိုင်းပြီး သင်ချင်တဲ့ ဖက်ကို ပို့ပေးပါတယ်တဲ့။

READ
(၂၂-၃-၁၈)အတွက် မနက်ခင်း ဦးဦးဖျားဖျား အားကစားသတင်းများ
Niels Starnick / BamS

Penny

SHARE