ဆေးလိပ်သမားတိုင်းဟာ အဆုတ်နဲ့ သွေးတွင်းဓာတ်ထဲမှာ နီကိုတင်းဓာတ်တွေနဲ့ ပြည့်နှက်နေတတ်ပါတယ်။ ဒါကြောင့် သင်ဟာဆေးလိပ်သောက်သူတစ်ယောက်ဖြစ်နေမယ်ဆိုရင် သင့်ရဲ့ ခန္ဓာကိုယ်ထဲမှာရှိနေတဲ့ နီကိုတင်းအဆိပ်အတောက်ဓာတ်တွေကို လျော့သထက်လျော့အောင် လုပ်ပေးဖို့ လိုအပ်နေပါတယ်။ ဒီလိုလုပ်ဖို့ဆိုရင် အစားအသောက်နဲ့ ဘယ်လိုမျိုး ဖြေရှင်းကြမယ်ဆိုတာကို မျှဝေပေးချင်ပါတယ်။
(၁) မုန်လာဥနီ
ဆေးလိပ်သောက်တဲ့လူတွေဟာ ဗီတာမင် A, C နဲ့ K ဓာတ်တွေ လျော့နည်းနေတတ်ပါတယ်။ ဒီလိုလျော့နည်းခြင်းဟာ ဦးနှောက်ရဲ့လုပ်ဆောင်ချက်တွေကို နှောင့်နှေးစေတဲ့အပြင်ကိုမှ သွေးလည်ပတ်မှုကိုလည်း ကမောက်ကမဖြစ်စေပါတယ်။ ဒါကြောင့် ဒီဓာတ်တွေပါဝင်နေတဲ့ မုန်လာဥနီကိုကတော့ မဖြစ်မနေစားသုံးပေးသင့်ပါတယ်။
(၂) ဟင်းနုနွယ်
ဟင်းနုနွယ်ရွက်မှာ ပါဝင်တဲ့ B9 ဓာတ်ဟာ နီကိုတင်းအရသာကို ဦးနှောက်က မကြိုက်အောင် စွမ်းဆောင်ပေးနိုင်ပါတယ်။ ဒီတော့ ဆေးလိပ်ကိုလည်း အသောက်နည်းစေတာပေါ့။
(၃) Broccoli
ဗီတာမင် C နဲ့ B5 ဓာတ်တို့ ပြည့်ဝစွာ ပါဝင်ပြီးတော့ နီကိုတင်းဓာတ်မှ အဆုတ်ကိုဒိုင်းတစ်ခုသဖွယ် ကာကွယ်ပေးပါတယ်။ နောက် B5 ဓာတ်ဟာ ဆေးလိပ်သောက်ချင်စိတ်ကို ဖြစ်ပေါ်စေတဲ့ စိတ်ဖိစီးမှုကိုလည်း လျော့နည်းစေနိုင်ပါတယ်။
(၄) လိမ္မော်သီး
ဗီတာမင် C ဓာတ်ပေါကြွယ်ဝတဲ့ လိမ္မော်သီးကိုလည်း နေ့စဉ်စားသုံးပေးနိုင်ပါတယ်။
(၅) ဂျင်း
ဂျင်းကို အစိမ်းလိုက်စားသုံးခြင်းဟာ နီကိုတင်းတောင့်တမှုကို လျော့နည်းစေပါတယ်။ အရင်ကတည်းက ခန္ဓာကိုယ်တွင်းမှာရှိနေတဲ့ အဆိပ်အတောက်တွေကို ဖယ်ရှားပေးနိုင်တဲ့ အာနိသင်လည်း ဂျင်းထဲမှာရှိနေတော့ ဆေးလိပ်သမားတွေနဲ့ အသင့်လျော်ဆုံးပါပဲ။
