မိမိတာဝန်ထက် ပိုမိုတဲ့ ၀န်ဆောင်မှုလေးတစ်ခုကို ပြုလုပ်ပေးခဲ့တဲ့ လေယာဉ်မောင်

Twitter/Frontier Airlines

လေယာဉ်ချိန်နောက်ကျနေတဲ့အထဲ ကလေးတစ်ယောက်က ငိုလိုက်တဲ့အခါ အချို့လူတွေဆိုရင် ဒေါသထွက်တာ၊ စိတ်ကသိကအောက်ဖြစ်တာမျိုးတွေ ရှိကြမှာပါ။ ဒီလိုလူတွေထဲမှာတော့ လေယာဉ်မောင် ဂျိုဝယ်အိုပဲရစ်ကတ်စထရို မပါပါဘူး။ တနင်္ဂနွေနေ့တုန်းက တက္ကဆက်ပြည်နယ်ကနေ ကိုလိုရာဒိုကိုသွားတဲ့ Frontier Airlines လေယာဉ်ပေါ်မှာ ကလေးတစ်ယောက်ဟာ ငိုနေခဲ့ပါတယ်။

Twitter/Frontier Airlines

ဒီအချိန်မှာပဲ လေယာဉ်မောင် ကတ်စထရိုကနေပြီး ကလေးကို ကူချီကာ လျှောက်လမ်းပေါ်မှာ ကလေးထိန်းပေးခဲ့တာ ဖြစ်ပါတယ်။ Insider သတင်းအရ ၄င်းလေယာဉ်ပေါ်မှာပါလာတဲ့ ခရီးသည်ဂျေမီအဲပဲလ်ဂိတ်ဟန်တာက အခုလို ပြောပြပါတယ်။

Twitter/Frontier Airlines

“ကလေးအမေက တစ်ယောက်တည်း ခရီးထွက်လာတာ။ ကလေးနဲ့ အခုမှ လေယာဉ်စီးဖူးတာ။ ကတ်စထရိုက တော်ပါတယ်။ ကလေးကိုကူထိန်းပေးတယ်။ ကလေးအမေကလည်း သူ့ကလေးကြောင့် ခရီးသည်တွေ အနှောင့်အယှက်ဖြစ်ရလို့ ဆိုပြီး အရမ်းအားနာနေပုံရတယ်။ ခရီးသည်တွေကို တောင်းပန်နေရှာတယ်…” ဒီဖြစ်ရပ်ကို အွန်လိုင်းပေါ်ကတဆင့် တွေ့မြင်ကြသူတွေကတော့ လေယာဉ်အမှုထမ်းတစ်ယောက် ဖြစ်ပေမယ့်လည်း သူ့ရဲ့တာဝန်ကို ကျော်လွန်ပြီး ခရီးသည်ကို အလေးထားဆက်ဆံခဲ့တဲ့ ကတ်စထရိုကို ၀ိုင်းဝန်းချီးမွမ်းနေကြတယ်လို့ သိရပါတယ်။

READ
ညအချိန်မှာ အိမ်ရာမဲ့တွေရဲ့ သုခဘုံအဖြစ်ဖန်တီးထားတဲ့ ကားပါကင်များ
Twitter/Frontier Airlines

 

လင်းလင်း (ShweMom)

SHARE