တရုတ်ဂိမ်မာတွေကြား နတ်ဘုရားလို ကိုးကွယ်ခံနေရတဲ့ G Fat

pekanchuan/Reddit

ခေါင်းစဉ်ဖတ်ပြီး ဟိုဟိုဒီဒီတွေ မတွေးပါနဲ့ဗျာ။ မှားရေးထားတာလည်း မဟုတ်ရပါဘူး။ တကယ့် G Fat ပါ။ မြန်မာနိုင်ငံက PC Online Gamer တချို့လည်း ကြားဖူးမှာပါ။ မကြားဘူးရင်တောင် သူရဲ့ကုမ္ပဏီ Valve ကထုတ်တဲ့ Steam ကိုတော့ သိကြမှာပေါ့။

သူ့နာမည်က Gabe Newell ပါ။ အနောက်နိုင်ငံတွေမှာတော့ သူ့ကို ‘Gaben’ လို့ လူသိများပြီး တရုတ်နိုင်ငံမှာတော့ ‘G Fat ’ လို့ လူသိများပါတယ်။ တရုတ်နိုင်ငံမှာ ကျင်းပပြီးစီးခဲ့တဲ့ TI9 ပြိုင်ပွဲအတွက် Gabe တယောက် ရှန်ဟိုင်းကိုရောက်ရှိစဉ်က တရုတ်နိုင်ငံသား ဂိမ်မာတယောက်က သူ့ရဲ့ ပိုက်ဆံအိတ်ကို Gabe ထံ ဆက်သနေတဲ့ပုံက အွန်လိုင်းမှာ နာမည်ကျော်သွားခဲ့ပါ သေးတယ်။

pekanchuan/Reddit

Gabe တည်ထောင်ပြီး လက်ရှိ CEO အဖြစ်တာဝန်ယူထားတဲ့ Valve ကုမ္ပဏီရဲ့ Steam Gaming Platform ဟာ အစောပိုင်းမှာ ပြောခဲ့သလိုပဲ PC Online Gamer တွေကြားမှာ နာမည်ကြီးပါ။ Dota2, War of Warcraft တို့လို ဂိမ်းတွေကို ဝယ်ယူဆော့ ကစားရတဲ့ Steam ပေါ်မှာ ၂၀၁၇ တနှစ်တည်းမှာတင် ဒေါ်လာ (၄.၃) ဘီလီယံဖိုး ရောင်းချခဲ့ရတယ်လို့ စာရင်းတွေအရ သိရပါ တယ်။ ဒါ့အပြင် Steam ဟာ ဂိမ်မာတွေအတွက် discount တွေ ပေါပေါသီသီပေးလွန်းလို့လည်း အသုံးပြုသူတွေရဲ့ အသဲစွဲ ဖြစ်နေပါသေးတယ်။

 

လက်ရှိအချိန်မှာ တလတလကို Steam အသုံးပြုသူ သန်း(၉၀)နီးပါးရှိပြီး အဲဒီထဲက သန်း(၃၀)နီးပါးက တရုတ်နိုင်ငံကပါ။ Steam မှာ တရုတ်အစိုးရက နိုင်ငံတွင်းရောင်းချခွင့်မပြုတဲ့ ဂိမ်းအချို့ကိုလည်း ဝယ်ယူနိုင်တာက တရုတ်ဂိမ်မာတွေကြား အသဲစွဲဖြစ် နေရတဲ့ အချက်တခုပါပဲ။ နောက်ဆုံးရသတင်းတွေအရတော့ Valve ဟာ တရုတ်အစိုးရနဲ့ပြဿနာမဖြစ်ချင်တာကြောင့် အစိုးရနဲ့ ဆွေးနွေးပြီး တရုတ်နိုင်ငံအတွက် သီးသန့် Steam တခု လုပ်ပေးမယ်လို့တောင် သိရပါတယ်။

Daniel Ahmed/Twitter

G Fat ဟာ တရုတ်နိုင်ငံမှာ ဘယ်လောက်တောင် ကျော်ကြားနေသလဲဆိုရင် တရုတ်လူမျိုးတွေ အသုံးများတဲ့ WeChat မှာ Gabe ရဲ့ စတစ်ကာလေးတွေတောင် ပေါ်နေပါပြီ။

အသက် (၅၆)နှစ်ရှိပြီဖြစ်တဲ့ Gabe Newell ဟာ လက်ရှိကြွယ်ဝမှု အမေရိကန်ဒေါ်လာ (၃.၉)ဘီလီယံ ရှိတယ်လို့လည်း ABC News ရဲ့ ဖော်ပြချက်အရ သိရပါတယ်။

KYM

SHARE