လူတစ်ယောက်ကိုကူညီမိလို့ (၈)နှစ်စာလစာငွေကို ဆုကြေးအဖြစ်ပိုင်ဆိုင်ခဲ့ရတဲ့အမျိုးသား

Anthony Molyneaux/Sowetanlive.co

သင့်ရဲ့ဘ၀မှာ အနည်းဆုံး လူတစ်ယောက်ကိုတော့ ကူညီခဲ့ဖူးမှာပါ။ တချို့ကူညီမှုတွေက ဘာမှ ပြန်မရပေမယ့် တစ်ခါတရံမှာတော့ ကိုယ့်ရဲ့စိတ်စေတနာကောင်းကနေ ကိုယ့်ကို ပြန်ပြီး အကျိုးပေးတာမျိးလည်း သင် ကြုံဖူးမှာပါ။

တောင်အာဖရိကနိုင်ငံ၊ ကိတ်တောင်းမြို့မှာနေထိုင်တဲ့ အမ်ဘီလီ ဟာ ဓာတ်ဆီဆိုင်တစ်ခုမှာ ဆီဖြည့်ပေးရတဲ့ ၀န်ထမ်းတစ်ဦးပါ။ သူက အသက် (၂၈)နှစ် ရှိပြီဖြစ်ပြီး ဓာတ်ဆီဖြည့်တဲ့အလုပ်ကို နှစ်အတော်ကြာ လုပ်နေခဲ့ရတယ်။ တစ်နေ့မှာတော့ သူ့အနေနဲ့ လူတစ်ယောက်ကို ကူညီဖို့ အကြောင်းပေါ်လာခဲ့ပါတယ်။

သူ ကူညီခွင့်ရခဲ့တာကတော့ အမျိုးသမီးတစ်ယောက်ပါ။ သူမ က အသက် (၂၁)နှစ်သာ ရှိသေးပြီး ဂမ်စဘီမြို့မှာနေထိုင်တဲ့ မိုနက် ဆိုတဲ့အမျိုးသမီးလေးပါပဲ။

Monet van Deventer Facebook

မိုနက် က ကိတ်တောင်းမြို့စွန်ဖက်ကို ကားမောင်းလာရင်း သူ့ရဲ့ကားက ဆီကုန်သွားခဲ့တယ်။ ဖြစ်ချင်တော့ သူမ ရောက်နေတဲ့နေရာဟာ ကိတ်တောင်းမြို့ရဲ့အကြမ်းဆုံးရပ်ကွက်တွေထဲက တစ်ခုဖြစ်ပြီး သူ့အနေနဲ့ ဒီနေရာကနေ မြန်မြန်ထွက်ခွာဖို့ လိုနေပြီလို့ တွေးမိခဲ့ပါတယ်။

ဒါပေမယ့် အခြေအနေတွေက မိုနက်ထင်သလို ဖြစ်မလာခဲ့ဘူး။ သူမရဲ့ဘဏ်ကတ်က အိမ်မှာမေ့ကျန်ခဲ့သလို သူမဆီမှာလည်း ပိုက်ဆံတပြားမှ ပါမလာခဲ့ဘူး။

READ
ဆပ်ကပ်ထဲ အနှိပ်စက်ခံဘ၀နဲ့ နေလာခဲ့ပြီးမှ အချစ်စစ်နဲ့ တွေ့သွားခဲ့တဲ့ ကျားမလေး

အဲဒီအချိန်မှာပဲ အမ်ဘီလီ က သူမကို ကူညီပေးခဲ့တာပါ။ သူက သူ့ရဲ့ ကိုယ်ပိုင်ငွေကိုသုံးပြီး မိုနက်ရဲ့ကားကို ဓာတ်ဆီဖြည့်နိုင်အောင် စီစဉ်ပေးခဲ့တယ်။ အဲဒီနောက် အန္တရာယ်များတဲ့နေရာ ဖြစ်တာကြောင့်  မြန်မြန်ထွက်သွားဖို့လည်း တိုက်တွန်းခဲ့တယ်။

မိုနက်တစ်ယောက် အိမ်ပြန်ရောက်ရောက်ချင်းမှာပဲ သူ့ကို ကူညီခဲ့တဲ့ အမ်ဘီလီရဲ့အကြောင်းကို ဆိုရှယ်မီဒီယာကနေ တစ်ဆင့် အသိပေးပြီး ဒီကယ်တင်ရှင်ကို ဆုချီးမြှင့်ဖို့အတွက် သူမနဲ့အတူ ပါဝင်နိုင်ကြောင်း အလှူငွေကောက်ခံတဲ့ ၀က်ဆိုက်တစ်ခုကနေ အားလုံးကို ဖိတ်ခေါ်ခဲ့ပါတယ်။

Nkosikho Mbele says Thank You to South Africa

Nkosikho Mbele, the petrol attendant who won the heart of the nation when he paid for a patrons fuel, would like to thank everyone for their support.He also has an important message to share with South Africa.Video by: Robin-Lee Francke

Posted by Daily Voice on Tuesday, June 4, 2019

ဒီ ကူညီတတ်တဲ့ ဓာတ်ဆီဆိုင်ဝန်ထမ်းရဲ့အကြောင်းက တောင်အာဖရိကနိုင်ငံအတွင်းမှာသာ မကပဲ တခြားနေရာတွေအထိပါ ပျံ့နှံ့သွားခဲ့ပြီး အမ်ဘီလီရဲ့အပြုအမူကို လေးစားသူတွေက ဆုချီးမြှင့်ငွေတွေ ထည့်ဝင်ခဲ့ကြတယ်။

READ
တိုင်ဖွန်းမုန်တိုင်းအပြီး လမ်းရှင်းလင်းရေးလုပ်ငန်းတွေကို လုပ်ကိုင်ပေးနေတဲ့ ချောင်ယွန်ဖတ်

ပမာဏက တကယ့်ကို အံ့သြစရာပါပဲ။ အမ်ဘီလီ ဟာ သူ့ရဲ့(၈)နှစ်တာ လုပ်ခလစာနဲ့ ညီမျှတဲ့ ငွေပမာဏကို ဆုကြေးငွေအဖြစ် ရရှိသွားခဲ့တာပါ။

သူ့အတွက် ရရှိတဲ့ ဆုကြေးငွေ စုစုပေါင်းက ပေါင်(၂၆၆၀၀) ဖြစ်ပြီး အဲဒါက သူ (၈)နှစ်လောက် အလုပ်လုပ်မှ ရမယ့် ငွေကြေးပမာဏမျိုးပါပဲ။

ဒီအဖြစ်အပျက်လေးက လူတွေကို ကူညီတတ်တဲ့သူတွေအတွက် ကံကောင်းခြင်းတွေရောက်လာနိုင်တယ်ဆိုတာ အသိပေးလိုက်တာပဲဖြစ်ပြီး ရိုးရိုးသားသား ကူညီမှုလေးတစ်ခုကြောင့် (၈)နှစ်စာ လစာပမာဏမျိုး ပိုင်ဆိုင်သွားခဲ့တဲ့ အမ်ဘီလီရဲ့ အဖြစ်အပျက်ဟာ လူတွေပါးစပ်ဖျားမှာ ပြောစရာတစ်ခု ဖြစ်သွားခဲ့ပါတယ်။

Linn

Source : unilad

SHARE