HIV ဖြစ်နေလို့ မွေးစားမယ့်သူမရှိတဲ့ သမီးလေးကို သတ္တိရှိရှိမွေးစားခဲ့တဲ့ Gay စုံတွဲ

Twitter / Dailymail

အာဂျင်တီးနားနိုင်ငံက လိင်တူစုံတွဲတစ်တွဲဟာ HIV ဖြစ်နေတဲ့ သမီးလေးကို သတ္တိရှိရှိ မွေးစားခဲ့တာကြောင့် သတင်းမီဒီယာတွေမှာ ချီးကျူးမှုတွေ ခံနေရပါတယ်။ သူတို့စုံတွဲရဲ့အမည်မှာ Damian Pighin (၄၂)နှစ်နဲ့ Ariel Vijarra (၃၉)နှစ်တို့ ဖြစ်ပါတယ်။

သူတို့ဟာ အာဂျင်တီးနားနိုင်ငံ အရှေ့မြောက်ပိုင်း၊ Santa Fe စီရင်စုမှာတော့ ပထမဆုံး လိင်တူလက်ထပ်ခွင့်ရတဲ့ စုံတွဲဖြစ်ပါတယ်။ လောလောဆယ် ရိုဆာရီယိုမှာ နေထိုင်ကြပါတယ်။ သူတို့ဟာ ကိုယ်ပိုင်ကလေး မရနိုင်တဲ့အတွက် ကလေးမွေးစားဖို့ (၂၀၁၄)ခုနှစ် မတိုင်ခင်အထိ စိတ်ဆန္ဒ မပြည့်ဝခဲ့ကြပါဘူး။

အဲဒီနောက်မှာတော့ သက်ဆိုင်ရာက ကလေးတစ်ယောက် မွေးစားမယ်ဆိုရင် အဆင်သင့်ရှိတယ်ဆိုပြီး ဖုန်းဆက်အကြောင်းကြား လာခဲ့ပါတယ်။ သူတို့ဟာ ကလေးကို သွားရောက်ကြည့်ရှုချိန်မှာ ရုပ်ကလေးက ချစ်စရာကောင်းသလောက် မွေးစားမယ့်လူမရှိ ဖြစ်နေပါတယ်။ အကြောင်းကတော့ ကလေးမှာ မိခင်ကတစ်ဆင့် ကူးစက်တဲ့ မွေးရာပါ HIV ကူးစက်ရောဂါ ပါလာလို့ပါ။

Damian တို့စုံတွဲ ကလေးနဲ့ စတင်စုံဆည်းချိန်မှာ သမီးလေးဟာ (၂၈)ရက်သားအရွယ်သာ ရှိသေးပြီး၊ မိသားစုဆယ်စုက ငြင်းပယ်ခြင်းကို ခံခဲ့ရပါတယ်။ ဒါကြောင့် Damian တို့စုံတွဲဟာ တစ်ခြားမွေးစားဖို့ ကလေးမရှာတော့ဘဲ၊ ဒီသမီးလေးကိုသာ မွေးစားဖို့ ဆုံးဖြတ်လိုက်ပါတော့တယ်။ ကလေးအမည်ကို Olivia လို့ အမည်ပေးခဲ့ပါတယ်။

READ
နာမည်ကြီး Cosplayer မလေး Nichameleon ရဲ့ အံ့သြဖွယ်ရာ ဖန်တီးမှုများ

HIV ကုထုံးကိုလည်း ခံနိုင်ရည်ရှိစွာနဲ့ Damian တို့ရဲ့ စောင့်ရှောက်မှုလက်ထဲမှာ ဝဝကစ်ကစ်လေး ဖြစ်လာခဲ့ပါတယ်။ (၂)နှစ်လောက်ကြာတဲ့အခါ Olivia ကို စမ်းသပ်မှုတွေအရ HIV ဗိုင်းရပ်စ်ဟာ Olivia ရဲ့ခန္ဓာကိုယ်ထဲမှာ ခြေရာခံလို့ မရတော့ဘူးဆိုတဲ့ မင်္ဂလာသတင်းကို ကြားလိုက်ရပါတယ်။

(၂၀၁၅)ခုနှစ်မှာ အခက်အခဲတွေဖြစ်နေတဲ့ အမျိုးသမီးငယ်တစ်ဦးကလည်း Damian တို့စုံတွဲရဲ့သတင်းကို ကြားသိပြီး သူမရဲ့ သမီးလေး Victoria ကို မွေးစားပေးဖို့ ကမ်းလှမ်းခဲ့ရာ၊ Damian တို့ကလည်း လက်ခံလိုက်ပါတယ်။ ကလေးနှစ်ဦးစလုံးဟာ အသက်မတိမ်းမယိမ်း ဖြစ်ပါတယ်။ Olivia က ယခုလကုန်မှာ (၅)နှစ်ပြည့်မှာပါ။ Victoria ကတော့ နောက်နှစ် ဖေဖော်ဝါရီမှာ (၅)နှစ်ပြည့်မှာလို့ သိရပါတယ်။

မှတ်ချက် – မျက်မှောက်ခေတ်မှာ HIV ကို ကုသနိုင်တဲ့နည်းလမ်း မရှိသေးပါ။ HIV ဗိုင်းရပ်စ်ကို ဆေးနဲ့ လျှော့ကျအောင် လုပ်တဲ့နည်းနဲ့ ကုသခြင်းဖြစ်ပြီး၊ HIV ဗိုင်းရပ်စ်ကို ခြေရာခံလို့မရတော့ဘူးဆိုသည်မှာ၊ လူတစ်ယောက်ရဲ့ ရောဂါခုခံကာကွယ်တဲ့စနစ်ပိုင်းကို ဒီဗိုင်းရပ်စ်က အပြည့်အဝ မထိခိုက်စေတော့ဘူး/ နောင်တစ်ချိန်ချိန်မှာတော့ ထိခိုက်စေနိုင်သေးတယ် ဆိုတဲ့သဘော ဖြစ်ပါတယ်။

READ
ခြင်ကိုက်ဖုကြောင့်နှာခေါင်းကြီးလာတယ်ထင်ခဲ့ပြီး ဆေးခန်းသွားပြမှနှာခေါင်းကင်ဆာဖြစ်နေ

လင်းသုတ

SHARE