နောင်တစ်ချိန် လုပ်ငန်းသုံးဖြစ်လာနိုင်တဲ့ AI နည်းပညာသုံး စက်ရုပ်ငှက်လေးများ

YouTube- Festo

Sky News ရဲ့ဖော်ပြချက်အရ ဂျာမနီမှ စက်ရုပ်ငှက်လေးတွေ တီထွင်လိုက်တယ်ဆိုတဲ့သတင်းကို ဖတ်လိုက်ရပါတယ်။ စက်ရုပ်လောကမှာ ပေါင်းစုံသော နည်းပညာသုံးစက်ရုပ်တွေကို တီထွင်ခဲ့ပေမယ့်လည်း အခုလိုမျိုး ငှက်စက်ရုပ်လေးကိုတော့ မရှိသေးပါဘူး။

Festo ဆိုတဲ့ ဂျာမနီနိုင်ငံမှကုမ္ပဏီတစ်ခုကနေပြီး စက်ရုပ်လေးတွေကို တီထွင်ခဲ့တာဖြစ်ပါတယ်။ ငှက်လေးတွေကိုတော့ BoinicSwift လို့ နာမည်ပေးထားခဲ့ပါတယ်။ BoinicSwift လေးတွေဟာ ထိန်းချုပ်မှုမပါဘဲ အလိုအလျောက်စနစ်နဲ့ ၇ မိနစ်တောင်ပျံသန်းနိုင်ပါတယ်တဲ့။ ဒီအပြင် သူတို့ပျံသန်းနေတဲ့ လမ်းကြောင်းတစ်လျှောက်ကိုလည်း ဗီဒီယိုနဲ့မြင်ကွင်းကို ကြည့်နိုင်ပါတယ်။

YouTube- Festo
YouTube- Festo

သူတို့ရဲ့အလေးချိန်ကတော့ တစ်ကောင်ကို ၄၂ ဂရမ်ပဲရှိတဲ့အတွက် BionicSwift ၉ ခုရဲ့ အလေးချိန်ဟာ သံဗူးအအေးဗူးတစ်ဗူးနဲ့ ညီမျှပါတတယ်။ ပျံသန်းဖို့လမ်းကြောင်းကိုတော့ သူတို့ဆီမှာထည့်ထားတဲ့ ရေဒီယိုစနစ်၊ GPS စနစ်တို့နဲ့ အတားအဆီးနဲ့လမ်းကြောင်းတွေကို သတ်မှတ်နိုင်ပြီး တောင်ပံခတ်တာ၊ လေဟုန်စီးတာတွေ ပြုလုပ်နိုင်ပါတယ်။  အတောင်ပံကိုတော့ အပေါ့ပါးဆုံးဖြစ်စေမယ့် ငှက်မွှေးအတုတွေနဲ့သာ ပြုလုပ်ထားတာပါ။

လက်ရှိအချိန်ထိတော့ ဒီငှက်လေးတွေကို ဘယ်နေရာမှာ အသုံးပြုရမလဲဆိုတာ မစီစဉ်ထားရသေးပေမယ့် နောက်ပိုင်းမှာတော့ စက်ရုံအလုပ်ရုံတွေနဲ့ နည်းပညာ၊ ရေဒီယိုကုမ္ပဏီပိုင်းတွေမှာ အသုံးပြုနိုင်တယ်လို့လည်း ပြောခဲ့ပါတယ်။

READ
ကမ္ဘာ့အမြန်ဆုံးကားဖြစ်လာခဲ့တဲ့ Pininfarina ရဲ့ "Battista"

Penny

SHARE