ရေကူးကန်၊ နံရံတွေပါမကျန် ဟိုတယ်တစ်ခုလုံး ရွှေချထားတဲ့ ဗီယက်နမ်က ရွှေဟိုတယ်ကြီး

YouTube- South China Morning Post

ရွှေဆိုတာ ကမ္ဘာပေါ်မှာ တန်ဖိုးကြီးပြီး မြတ်နိုးကြရတဲ့ သတ္တုတစ်မျိုးပေပဲမဟုတ်ဘူးလား။ ဒီလို တန်ဖိုးကြီးလှတဲ့ ရွှေကို ဟိုတယ်တစ်ခုလုံးမှာ မျက်စိတစ်ဆုံးတွေ့ရမယ်ဆိုရင်ရော။

ဒီလို ရွှေအတိဖြစ်နေတဲ့ဟိုတယ်ကြီးကိုတော့ ဗီယက်နမ်နိုင်ငံ၊ ဟန်နွိုင်းမြို့မှာ ဖွင့်လှစ်လိုက်ခဲ့ပါပြီ။ ဟိုတယ်နာမည်ကတော့ Dolce Hanoi Golden Lake ဟိုတယ်ဖြစ်ပြီး ကြယ်ငါးပွင့်အဆင့်ရှိနေပါတယ်တဲ့။

Dolce ဟိုတယ်မှာဆိုရင် ဧည့်သည်တွေအနေဲ့ မျက်စိအကျဆုံးကတော့ ရွှေရေကူးကန်ကြီးပါတဲ့။ ရေကူးကန်ရဲ့ အောက်ခြေနဲ့ နံရံတွေမှာသုံးထားတဲ့ ကြွေပြားတွေဟာ ရွှေပြားတွေနဲ့ ပြုလုပ်ထားခဲ့တာဖြစ်ပါတယ်။ နောက် လူစိတ်ဝင်စားမှုအခံရဆုံး အပြင်အဆင်ကတော့ အိမ်သာကမုတ်တွေပါပဲ။ အရင်တုန်းက ဒူဘိုင်းမှာ ရွှေအိမ်သာရှိတယ်ဆိုတုန်းက လူတွေတအားစိတ်ဝင်စားခဲ့ကြပေမယ့် တကယ်တမ်း ကိုယ်တိုင်ကိုယ်ကျ မစမ်းသပ်နိုင်ခဲ့ပေမယ့် ဒီ Dolce ဟိုတယ်မှာတော့ ရွှေအိမ်သာကို ဟိုတယ်မှာတည်းရင်း စမ်းသပ်နိုင်ပါတယ်။

ဒီအပြင် Dolce ဟိုတယ်ရဲ့အပြင်ဖက် နံရံတွေဟာလည်း ရွှေရောင်အတိဖြစ်နေပြီး အတွင်းပိုင်းမှာရှိနေတဲ့ တံခါးတွေနဲ့ နံရံတွေမှာဆိုရင်လည်း ရွှေနဲ့ပြုလုပ်ထားတဲ့ ကနုတ်လက်ရာတွေကို ရင်သပ်ရှုမောဖွယ်မြင်တွေ့ရမှာပါ။ ဒီဟိုတယ်တစ်ခုလုံးကို ဆောက်ဖို့အတွက် ယူရိုငွေ သန်းပေါင်း ၁၆၀ တောင် သုံးထားတယ်လို့ သိထားရပါတယ်။

READ
တစ်သက်တာမှာ တစ်ကြိမ်လောက်တော့ ကြုံဖူးသင့်တဲ့ ထူးထူးဆန်းဆန်း ပွဲတော်များ

တစ်ကမ္ဘာလုံးမှာတော့ အခုလောက်ရွှေတွေများပြီး ဆောက်လုပ်မှုတန်ဖိုးကြီးတဲ့ ရွှေဟိုတယ်ဆိုလို့ Dolce ပဲရှိပါတယ်လို့ ယူကေသတင်းမီဒီယာ Daily Mail မှာ ဖတ်လိုက်ရပါတယ်။

Penny

SHARE