ATM စက်ရှိတဲ့ ရုံထဲမှာ အအေးဆိုင်ဖွင့်ပြီး ခပ်တည်တည် ဈေးရောင်းနေတဲ့ ဆိုင်ရှင်

[email protected]

ATM စက်ရှိတဲ့ နေရာတော်တော်များများမှာ အဲယားကွန်းတပ်ဆင်ထားတာကိုတော့ လူတိုင်း သိရှိကြပြီးဖြစ်မှာပါ။ ပိုက်ဆံထုတ်နေတဲ့အချိန် အဆိုပါ ATM စက်နားမှာ တပ်ဆင်ထားတဲ့ လေအေးပေးစက်ကြောင့် အေးတဲ့အရသာဟာ ဘာနဲ့မှကို မလဲနိုင်ပါဘူး။ အကြောင်းကတော့ ATM စက်ထားရှိတဲ့ ရုံဟာ ကျဉ်းတာကြောင့် လေအေးတွေက အဲဒီအလုံပိတ်အခန်းထဲမှာပဲ ရှိနေပြီး တော်တော်လေးကို အေးပါတယ်။ ဒီလို အားသားချက်ကို အကျိုးအမြတ်ထုတ်လိုက်တာကတော့ အိန္ဒိယနိုင်ငံမှာရှိတဲ့ အအေးဆိုင်ပိုင်ရှင်တစ်ယောက်ပဲ ဖြစ်ပါတယ်။ အဆိုပါ အအေးဆိုင်ပိုင်ရှင်ဟာ ATM စက်ထဲမှာ ကိုယ်ပိုင်ထိုင်ခုံတွေနဲ့ စားပွဲခုံတွေပါချထားပြီး အအေးရောင်းနေကြောင်း Storypick သတင်းဌာနရဲ့ ဖော်ပြချက်အရ သိရှိရပါတယ်။

[email protected]

ပုံထဲမှာတွေ့ရတဲ့နေရာကတော့ အိန္ဒိယနိုင်ငံ၊ Maharashtra ပြည်နယ်ရှိ Amravati မြို့မှာ တည်ရှိတဲ့ ATM စက်တစ်ခုပဲ ဖြစ်ပါတယ်။ အဆိုပါမြို့က အအေးဆိုင်ပိုင်ရှင်တစ်ယောက်ဟာ ATM စက်ရှိတဲ့ အရှေ့တည့်တည့်မှာ အအေးဖျော်ရည် ပြုလုပ်လို့ရတဲ့ နေရာတစ်ခု ပြုလုပ်ခဲ့ပြီး ထိုင်သောက်တဲ့ လူတွေအတွက်တော့ ATM စက်ထဲက နေရာလေးမှာ ထိုင်သောက်နိုင်အောင် နေရာအခင်းအကျင်းတွေ ပြုလုပ်ပေးခဲ့ပါတယ်။ ဒါ့အပြင် ATM မှာ ပိုက်ဆံ လာထုတ်တဲ့လူတွေ အနှောင့်အယှက် မဖြစ်နိုင်အောင်လို့ပါ ပိုက်ဆံထုတ်တဲ့နေရာကို လိုက်ကာလေးတစ်ခုပါ ချထားခဲ့ပါသေးတယ်။

READ
ရထားပေါ်မှာ အမျိုးသမီးတွေခိုးရိုက်ထားရလောက်တဲ့ ခပ်လန်းလန်းပုရိသတွေ

 

အပေါ်မှာ တွေ့ရတဲ့ ဗီဒီယိုကတော့ ကြည့်ရှု့သူ 3.3k ကျော် ရှိခဲ့ပြီး လူတော်တော်များများက အဆိုပါဆိုင်ရှင်ရဲ့ ဥဏ်ကောင်းမှုကို ချီးကျူးခဲ့ပါတယ်။ လူတစ်ချို့ကလည်း ဒီလိုမျိုးလုပ်တာဟာ လူပါးဝတာဖြစ်ကြောင်း၊ ဘဏ်အနေနဲ့ အဆိုပါ ဆိုင်ရှင်ကို တရားဆွဲသင့်ကြောင်း၊ ပိုက်ဆံလာထုတ်တဲ့လူတွေအနေနဲ့ တော်တော်လေးကို စိတ်အနှောင့်အယှက်ဖြစ်စေနိုင်ကြောင်း အစရှိသဖြင့် မှတ်ချက်တွေ ပေးခဲ့ကြပါတယ်။

[email protected]

Pyi Hein Kyaw

SHARE