လတ်တလောလူပြောများနေတဲ့ H1N1 ဗိုင်းရပ်စ်တုပ်ကွေးအကြောင်း သိကောင်းစရာများ

Shutterstock/ Dusan Petkovic Shutterstock/ Popartic

Swine flu လို့ခေါ်တဲ့ တုပ်ကွေးရောဂါတစ်မျိုးဟာ ၀က်တွေမှာဖြစ်ပွားလေ့ရှိတဲ့ တုပ်ကွေးရောဂါဖြစ်ပါတယ်။ အခန့်မသင့်ရင် တုပ်ကွေးဗိုင်းရပ်စ်တွေဟာ ၀က်ကနေတဆင့် မွေးမြူရေးခြံလုပ်သားတွေနဲ့ တိရစ္ဆာန်ဆရာဝန်တွေဆီကို ကူးစက်ပြီး ထိုကနေတဆင့် အခြားလူသားတွေဆီကို ပြန့်နှံ့နိုင်တာ ဖြစ်ပါတယ်။

သိပ္ပံပညာရှင်တွေဟာ ဒီတုပ်ကွေးရောဂါကို (၂၀၀၉) ခုနှစ်မှာ စတင်တွေ့ရှိခဲ့ပြီး H1N1 ဗိုင်းရပ်စ်အဖြစ် သတ်မှတ်ခဲ့ပါတယ်။ H1N1 ဟာ တကယ်တမ်းတော့ ၀က်၊ ငှက်နဲ့ လူတွေဆီက ဗိုင်းရပ်စ်မျိုးတွေ ပူးပေါင်းထားတဲ့ ဗိုင်းရပ်စ်ဖြစ်ပါတယ်။ (၂၀၀၉-၂၀၁၀) တုပ်ကွေးရာသီတုန်းကဆိုရင် H1N1 ဟာ တစ်ကမ္ဘာလုံးအတိုင်းအတာမှာ ဖြစ်ပွားခဲ့ပြီး ကပ်ရောဂါအသွင်တောင် ဆောင်ခဲ့ပါသေးတယ်။

Shutterstock/Dragana Gordic

သြဂုတ်လ(၂၀၁၀) ခုနှစ်မှာတော့ WHO က Swine flu ကပ်ရောဂါဟာ ပျောက်ကင်းသွားခဲ့ပြီဖြစ်ကြောင်း ကြေညာခဲ့ပါတယ်။ ထိုအချိန်ကစပြီး သိပ္ပံပညာရှင်တွေက H1N1 virus ကို H1N1v အဖြစ် ပြောင်းလဲသတ်မှတ်ခဲ့ပါတယ်။ v ဆိုတာ variant ကိုဆိုလိုတာ ဖြစ်ပါတယ်။ H1N1 ဟာ တိရစ္ဆာန်တွေမှာ ဖြစ်ပွားတာတွေ့ရပေမယ့် လူတွေဆီမှာလည်း ရောဂါကူးစက်ပြန့်နှံ့နိုင်တယ်လို့ အဓိပ္ပါယ်ရပါတယ်။

READ
အမြင်အာရုံအားကောင်းလာစေမယ့် သဘာဝဆေး(ပျားရည်+ကြက်သွန်ဖြူ)

Swine flu ဟာ အခြားတုပ်ကွေးရောဂါအမျိုးအစားတွေနဲ့ ဆင်တူပါတယ်။ တုပ်ကွေးကူးစက်ခံရရင် အဖျားရှိတာ (အမြဲတမ်းတော့မဟုတ်ပါဘူး) ၊ ခြေဖျားလက်ဖျားအေးတာ၊ ချောင်းဆိုးတာ၊ လည်ပင်းနာတာ၊ နှာစေးနှာရည်ယိုတာ၊ မျက်လုံးတွေရဲတာ၊ ကိုယ်လက်ကိုက်ခဲတာ၊ ခေါင်းကိုက်တာ၊ ပင်ပန်းနွမ်းနယ်တာ၊ ၀မ်းပျက်ဝမ်းလျှောတာ၊  အော့အန်တာတွေ ဖြစ်ပွားတတ်ပါတယ်။ ဗိုင်းရပ်စ်ကူးစက်ခံရပြီးနောက်ပိုင်း (၁-၃) ရက်အတွင်း အထက်ပါ လက္ခဏာတွေ ပြပါတယ်။

ဒါပေမယ့် ကိုယ်ဟာ သာမန်အားဖြင့် ကျန်းမာသူဖြစ်တယ်၊ ဒီလိုလူက ရိုးရိုးဖျားတာ၊ ချောင်းဆိုးတာ၊ ကိုယ်လက်ကိုက်ခဲတာလောက်ဆိုရင်တော့ မစိုးရိမ်ရပါဘူး။ ဒီလိုမှမဟုတ်ပဲ ကိုယ်ဝန်ရှိနေတယ်၊ ရင်ကြပ်ပန်းနာ၊ ဆီးချိုရောဂါ၊ နှလုံးစတဲ့ နာတာရှည်ရောဂါတွေရှိတယ်ဆိုရင်တော့ ဆေးခန်းသွားပြဖို့ သင့်ပါတယ်။ ဘာကြောင့်လဲဆိုတော့ ဗိုင်းရပ်စ်ကူးခံရတဲ့အခါ နောက်ဆက်တွဲအနေနဲ့ နမိုးနီးယားဖြစ်နိုင်ပြီး အသက်ရှူကြပ်လာတာ၊အသက်ရှရ ခက်လာတာတွေ ကြုံတွေ့ရနိုင်ပါတယ်။

Shutterstock/ Dusan Petkovic

H1N1 ဟာ လူ့ခန္ဓာကိုယ်ရဲ့ နှာခေါင်း၊ လည်ချောင်းနဲ့ အဆုတ်ထဲမှာရှိတဲ့ ဆဲလ်တွေကို တိုက်ခိုက်ပါတယ်။ H1N1 ဗိုင်းရပ်စ်ပါဝင်တဲ့အရည်ဟာ လူရဲ့ ပါးစပ် သို့မဟုတ် နှာခေါင်းထဲဝင်တာ၊ ဗိုင်းရပ်စ်ပါတဲ့လေကို ရှူသွင်းမိတာ စတဲ့ဖြစ်စဉ်တွေနဲ့ တုပ်ကွေးကူးစက်နိုင်ပါတယ်။ ၀က်သားစားခြင်းအားဖြင့်တော့ Swine flu မကူးနိုင်ဘူးလို့ သိရပါတယ်။

READ
ဖရဲသီးရဲ့ အံ့ဖွယ်အစွမ်း(၇)မျိုး

Swine flu တုပ်ကွေးရောဂါမပြန့်ပွားအောင် ဒီလိုနည်းလမ်းတွေနဲ့ ကာကွယ်နိုင်ပါတယ်။

  • ဖျားနေတဲ့အခါ အိမ်မှာပဲနေပါ။ တကယ်လို့ သင့်မှာ တုပ်ကွေးဖြစ်နေရင် အဖျားပျောက်တဲ့အထိ အိမ်မှာတစ်ရက်လောက် သေချာနားလိုက်ပါ။
  • လက်ကို မကြာခဏ သေချာစင်ကြယ်စွာ ဆေးပါ။ ဆပ်ပြာနဲ့ရေကို အသုံးပြုပြီး ဆေးကြောပါ။
  • နှာချေတဲ့အခါ၊ ချောင်းဆိုးတဲ့အခါတွေမှာ ပါးစပ်ကိုအုပ်ပြီး ပြုလုပ်ပါ။ မျက်နှာဖုံးစွပ်ရှိရင် တပ်ထားပါ။ ကိုယ့်နှာချေလိုက်တဲ့ အမှုန်အမွှားတွေ သူများဆီကို မကူးအောင် တစ်ရှူးသို့မဟုတ် တစ်ရှူးမရှိခဲ့ရင် တံတောင်ထဲကို ကွေးပြီး ပြုလုပ်ပါ။
  • တတ်နိုင်သမျှ လူစုလူဝေးများတဲ့နေရာတွေဆီ မသွားပါနဲ့။ အသက်(၅) အောက်ကလေးတွေနဲ့ အသက်(၆၅) နှစ်အထက် အဖိုးအဖွားတွေမှာ တုပ်ကွေးကူးစက်နိုင်ခြေ ပိုများပါတယ်။ ကိုယ်ဝန်ဆောင်၊ နာတာရှည်ရောဂါရှိသူတွေဟာလည်း တုပ်ကွေးကူးစက်တဲ့အခါ အခြေအနေပိုပြင်းထန်တတ်တယ်လို့သိရပါတယ်။ အထက်ပါအချက်တွေကတော့ mayoclinic အွန်လိုင်းစာမျက်နှာမှာတွေ့ရတဲ့ အချက်အလက်တွေကို ကိုးကားဖော်ပြပေးထားတာပဲ ဖြစ်ပါတယ်။

လင်းလင်း (ShweMom)

SHARE