ချစ်သူရှိတဲ့ ကောင်မလေးတွေ ဈေးမဝယ်ဖို့ တားမြစ်ခံထားရတဲ့ ဈေးသည်ကောင်လေး

Melissa Chan

လူချောတစ်ယောက် ဖြစ်ရတာ မလွယ်ပါဘူး။ မိန်းကလေးတွေ ဝိုင်းဝိုင်းလည်သလောက်၊ ကောင်လေးတွေ မျက်စိစပါးမွေး စူးတာကို ခံရတတ်ပါတယ်။ သင်ဟာ ကံကောင်းလွန်းစွာ ဘဝပေးကုသိုလ်ကြောင့် ဒီဘဝမှာ ရုပ်လာချောတာ မတတ်နိုင်ပေမယ့်၊ ကံဆိုးစွာနဲ့ သင့်ဆီကို အန္တရာယ်တွေက မဖိတ်ခေါ်ဘဲ ရောက်လာနိုင်ပါတယ်။

Walter Tay အမည်ရ အမျိုးသားဟာ အားလုံးမြင်တဲ့အတိုင်း ဗလတောင့်တောင့်၊ ရူပါဖြောင့်ဖြောင့်ပါဘဲ။ ဒါပေမယ့် ကံဆိုးတာက အလုပ်အကိုင် အကျိုးမပေးတာပါ။ သူဟာ စင်္ကာပူလေကြောင်းလိုင်းတစ်ခုမှာ လေယာဉ်မောင်အဖြစ် အသက်မွေးဝမ်းကြောင်း ပြုခဲ့ပေမယ့် အလုပ်ကနေ ထင်မှတ်မထားဘဲ ထုတ်ခံခဲ့ရပါတယ်။

 

ဒီလိုနဲ့ သူဟာ စိတ်ဓာတ်ကျမနေအားပဲ MLM နယ်ပယ်ဘက်ကို ခြေဦးလှည့်ပြီး စမ်းကြည့်ပါတယ်။ အကျိုးမပေးတဲ့အလုပ်မို့ သူ ကြာကြာ မရပ်တည်နိုင်ခဲ့ပါဘူး။ နောက်တော့ ကိုရီးယားနိုင်ငံထုတ် အလှကုန်တွေဘက်ကို ဟန်မလားဆိုပြီး ပြောင်းကြည့်ခဲ့ပါတယ်။ ကနဦးတော့ ဟုတ်မလိုလိုနဲ့ နလံမထူနိုင်အောင် ရှုံးခဲ့ပြန်ပါတယ်။

အဲဒီနောက် ကာယဗလမောင်အဖြစ် ဝင်ပြိုင်ဖို့ ကြိုးစားခဲ့သော်လည်း သူဟာ ကံဆိုးမှုတွေက ရပ်တန့်မသွားခဲ့ဘဲ၊ အမျိုးမျိုးသော ဖိအားတွေကြောင့် ဒီလောကမှာလည်း ကြာကြာမနေနိုင်ခဲ့ပါဘူး။ ကျရှုံးမှုတွေအများကြီးကြောင့် သူဟာ စိတ်ဓာတ်အတော်လေး ကျဆင်းခဲ့ပါတယ်။ မိဘတွေက Walter Tay ကို ကျရှုံးမှုတွေထဲမှာ မနစ်မွန်းစေချင်ပါဘူး။

Melissa Chan

ဒါနဲ့ သူတိုရဲ့ စားသောက်ဆိုင်ကို ဝိုင်းပြီးကူဖို့ အတင်းတိုက်တွန်းခဲ့ပါတယ်။ စင်္ကာပူမှာပဲ ဖွင့်ထားတဲ့ဆိုင်ပါ။ Tay ဟာ မိဘတွေအလုပ်ကို ကူညီလုပ်ကိုင်ရင်း နောက်ဆုံးတော့ အလုပ်မှာ ပျော်လာခဲ့ပါတယ်။ ဒီလိုပဲ သူကိုယ်တိုင်လည်း အစားအစာတွေ သင်ကြားချက်ပြုတ်ခဲ့သလို၊ သူတို့ဆိုင်ဟာ ခရီးသွားတွေကြားမှာရော၊ မြို့သားတွေကြားမှာပါ ရေပန်းစားလာခဲ့ပါတယ်။

ဒီလို နာမည်ကြီးလာတာနဲ့အမျှ သူ့မှာ အခက်အခဲတွှေရှိလာခဲ့ပါတယ်။ သူဟာ ရုပ်ချောလွန်းတဲ့အတွက် ချစ်သူရည်းစားရှိတဲ့ ကောင်မလေးတွေကို ကောင်လေးတွေက အဲဒီဆိုင်ကို သူတို့မပါဘဲ သွားရောက်ခြင်းမပြုဖိူ့ တားမြစ်ပိတ်ပင်မှုတွေ ရှိလာခဲ့တာပါ။ ဘာပဲဖြစ်ဖြစ် သူ့ဆိုင်လေးကတော့ ရောင်းကောင်းနေဆဲပါ။

Melissa Chan

လင်းသူရိန်

SHARE