ခြင်ကိုက်ဖုတွေကို အမြန်ဆုံးသက်သာစေမယ့် အိမ်တွင်းနည်းလမ်း (၄) မျိုး

Pexels- Jimmy Chan

ခြင်ကိုက်ဖုတွေရဲ့ခံစားချက်ဟာ တော်တော်လေးကို ဆိုးရွားပါတယ်။ သေစေနိုင်လောက်တဲ့ ယားဖုတွေမဟုတ်ပေမယ့်လို့ ယားတဲ့ဒဏ်ကိုက ဆိုးရွားလွန်းနေတာပါ။ တချို့ဆိုရင် ခြင်ကိုက်ဖုတွေကြောင့် အနာတွေတောင်ဖြစ်တတ်ပါသေးတယ်။ ဒါဆို ခြင်ကိုက်ဖုတွေကို အမြန်ဆုံးသက်သာအောင် အိမ်တွင်းနည်းလမ်းတွေနဲ့ ကုသကြမလဲဆိုတာ Insider မှ ကိုးကားဖော်ပြထားတာမလို့ ကြည့်လိုက်ကြပါစို့။

Pexels- pixabay

ပျားရည်

သဘာဝကိုက ပိုးသတ်စေတဲ့အစွမ်းရှိနေတဲ့ ပျားရည်ကို ခြင်ကိုက်ဖုတွေမှာ သုံးပေးခြင်းဖြင့် အနာကျက်စေပြီး ယားယံမှုတွေကိုသက်သာစေပါတယ်။

အအေး

ခြင်ကိုက်ဖုတွေသက်သာအောင် ရေခဲအုံပေးလို့ရပါတယ်။ ရေခဲမရှိလည်း ရေခဲသေတ္တာထဲ ထားထားပြီး တော်တော်လေးအေးနေတဲ့ အအေးဗူးလိုမျိုးနဲ့လည်း ဖိကပ်ပေးလို့ရပါတယ်။ ၁၀ မိနစ်လောက် ဖိကပ်ပေးရုံနဲ့ အအေးးဟာ နီရဲယောင်ယမ်းမှုတွေကို လျော့ကျစေပါတယ်။

Pexels- kaboompics.com

မုန့်ဖုတ်ဆိုဒါ

ရေနဲ့မုန့်ဖုတ်ဆိုဒါကို ရောပြီးရလာတဲ့ အနှစ်ကို လိမ်းပေးခြင်းဖြင့် ယားယံမှုတွေကို ပျောက်ကင်းစေပါတယ်။

ရှားစောင်းလက်ပတ်

ရှားစောင်းလက်ပတ်ကို အိမ်တွင်းဆေးဝါးအဖြစ် အသုံးပြုလာခဲ့တာ နှစ်ပေါင်းရာနဲ့ချီနေပါပြီ။ သူ့ရဲ့အနှစ်ဟာ နေလောင်တာတွေကိုသက်သာစေတယ်၊ ယားနာမှုတွေကိုပြေပျောက်စေပါတယ်။ နောက် ပိုးလည်းသေစေတဲ့အတွက် ခြင်ကိုက်ဖုကိုလည်း သက်သာစေမှာပါ။

Penny

SHARE