ရင့်ကျက်တဲ့ လူတစ်ယောက်ဖြစ်လာရန် ပြောင်းလဲသင့်တဲ့ အချက်များ

ရင့်ကျက်တယ်ဆိုတာ အသက်အရွယ်နဲ့မဆိုင်ပါဘူး။ရင့်ကျက်တယ်ဆိုတာ သင့်ကိုသင်နဲ့ တခြားသူတွေကို ဘယ်လိုပြုမူ ဆက်ဆံသလဲ၊ဘယ်လိုတွေးသလဲဆိုတာနဲ့ပဲ သက်ဆိုင်ပါတယ်။ရင့်ကျက်တဲ့ လူတစ်ယောက်ဖြစ်ချင်တယ်ဆိုရင် သင့်ရဲ့စိတ်ကို လေ့ကျင်ပြင်ဆင် ပြောင်းလဲရမှာဖြစ်ပြီး အခုဒီမှာတော့ သင့်စိတ်ကို ပြောင်းလဲဖို့လိုအပ်တဲ့ အရာတွေကိုဖော်ပြလိုက်ပါတယ်။

၁။ ရည်မှန်းချက် ပန်းတိုင်ထားရှိပါ။

ငယ်ရွယ်စဉ်ကလေးဘ၀တုန်းကတော့ ပန်းတိုင်ဆိုတာ နွေရာသီ ကျောင်းပိတ်ရက် မြန်မြန်ရောက်ဖို့သာ ဖြစ်ပေမဲ့ သင်တစ်သက်လုံး ကလေးကြီးလုပ်နေလို့မရပါဘူး။အသက်ကြီးလာတာနဲ့အမျှ ရင့်ကျက်ချင်တယ်ဆိုရင် သင့်မှာရေရှည် ပန်းတိုင်တွေရှိဖို့လိုအပ်ပါတယ်။ရည်ရှည်ပန်းတိုင်တွေထားရှိပြီး ဒီပန်းတိုင်သို့ တစိုက်မတ်မတ် အလုပ်လုပ်နေပြီး ကိုယ်လမ်းကြောင်းကိုသွားနေဖို့လိုအပ်ပါတယ်။

၂။ဝါသနာ တစ်ခုခုရှိပါစေ။

လူငယ်တိုင်းမှာတော့ ၀ါသနာ ကိုယ်စီရှိကြမှာ ဖြစ်ပါတယ်။ရင့်ကျက်တဲ့ လူတစ်ယောက် ဖြစ်လာပြီဆိုရင်တော့ သင့်ရဲ့ ၀ါသနာကို နေ့စဉ်တိုးတက်နေအောင်လုပ်ဖို့လိုအပ်ပါတယ်။မိမိ ၀ါသနာပါတဲ့ အရာတစ်ခုထဲမှာ စိတ်နှစ်နေရခြင်းဟာ အချိန် ဘယ်လိုကုန်ဆုံးသွားသလဲဆိုတာကိုတောင် မသိနိုင်တော့ဘဲ သင့်ကိုသင်တန်ဖိုးထားခြင်းကိုလည်း မြင့်တက်စေပြီး တီထွင်မှုကိုလည်း တိုးတက်စေပါတယ်။သင်ဝါသနာ ပါနေတဲ့အရာတွေက အများကြီးရှိနေနိုင်ပြီး အားကစား ၀ါသနာပါတာလား၊ဂီတ၀ါသနာပါတာလား၊ဘာသာစကားသင်ယူရတာဝါသနာပါတာလားဆိုတာ ကိုယ့်ကိုကိုယ် ပြန်လည်ဆန်းစစ်သင့်ပါတယ်။

၃။ ဝေဖန်သံတွေ၊ချီးမွမ်းသံတွေကို နားယဉ်အောင်ကြိုးစားပါ။

ငယ်စဉ်အခါက ဝေဖန်သံတွေဟာ နားခါးနေပေမဲ့ သင်ရင့်ကျက်လာတာနဲ့အမျှ ဝေဖန်သံတွေကို နားယဉ်အောင် ကြိုးစားဖို့လိုအပ်ပါတယ်။ရင့်ကျက်တဲ့ လူတစ်ယောက်အဖြစ် မိမိစိတ်ကို ပြောင်းလဲချင်တယ်ဆိုရင် လိုအပ်သေးတဲ့ အရာ နောက်တစ်ခုကတော့ ချီးမွမ်းမှုတွေထဲမှာ မသာယာသွားဖို့ပါပဲ။သင်ရဲ့ ဖြစ်တည်မှုကို သင်ကိုယ်တိုင်သိပြီး ဝေဖန်သံ၊ချီးမွမ်းသံတွေကို တည်တည်ငြိမ်ငြိမ် လက်ခံတက်ဖို့ လိုအပ်ပါတယ်။

READ
လူတစ်ယောက်သင့်အကြောင်း အိပ်မက်မက်စေချင်ရင် ဒါတွေလုပ်ကြည့်ပါ။

၎။ မိမိကိုယ်ကို ယုံကြည်မှုရှိဖို့ လေ့ကျင့်ပါ။

မိမိကိုယ်ကို ယုံကြည်မှုရှိဖို့ဆိုတာ သင်ကြားပေးလို့ရတဲ့အရာမဟုတ်ပဲ ဖမ်းယူလေ့ကျင့်ရတဲ့အရာတစ်ခုဖြစ်ပါတယ်။သင့်ရဲ့ ၀ါသနာများနဲ့ အတတ်ပညာများကို ပြုစုပျိုးထောင်ထားခြင်းဟာ အချိန်တန်တဲ့အခါ သင့်ကိုသင်ယုံကြည်မှုရှိအောင် အထောက်အကူ ပြုပေးပါလိမ့်မယ်။မိမိကိုယ်ကို ယုံကြည်မှုရှိစေရန် ပြုစုပျိုးထောင်သင့်တဲ့ အလေ့အကျင့်တွေကတော့ သင်စိတ်ရဲ့ အနုတ်လက္ခဏာ အတွေးတွေကို ချရေးထားဖို့ပါပဲ။ ကိုယ်ကိုကိုယ့် စိတ်ထဲက ပြောတဲ့ စကားတွေဟာ မိမိကိုကိုယ်ယုံကြည်မှုတည်ဆောက်ရာမှာလည်း အနှောင့်အယှက်ဖြစ်စေတတ်ပါတယ်။

၅။ မိမိကိုယ်ကို တာဝန်ယူမှုရှိပါ။

ကလေးလေးတစ်ယောက်ဟာ သူအရပ်နဲ့ မမှီတဲ့ အမြင့်ကသကြားလုံးဗူးကို ယူချင်တဲ့အတွက် ခွေးခြေခုံလေးတစ်ခု ပေါ်တက်ပြီး ယူပါတယ်။သူ့ရဲ့အရပ်က မမှီမကန်း ဖြစ်နေတဲ့အတွက် ခွေးခြေချော်ပြီး လဲကျသွားလို့ ဒူးပေါက်သွားတဲ့အခါ ထိုကလေးက ” ဒီခွေးခြေကြီးက အသုံးလည်းမကျဘူးကွာ ” ဆိုပြီး ခွေးခြေပေါ်ကို အပြစ်ပုံချတတ်ပါတယ်တဲ့။ကလေးဘ၀က ဒီလိုခွေးခြေပေါ်ကို အပြစ်ပုံချတာဟာ ဘာပြဿနာမှ မရှိပေမဲ့ ကြီးလာတဲ့အထိ ခွေးခြေကို ကန်ပြီး အပြစ်ပုံချနေတုန်းဆိုရင်တော့ သင်ဟာ အသက်ပဲ ကြီးလာတာပဲလို့ ယူဆရမှာပါ။ဒါကြောင့် သင့်ရဲ့ အပြုအမူတိုင်းနဲ့ စကားလုံးတိုင်းကို သင့်အနေနဲ့ တာဝန်ယူဖို့လိုအပ်ပါတယ်။သင်သာလျှင် သင့်ဘ၀ရဲ့ ပဲ့ကိုင်ရှင်ဖြစ်ပြီး သင်လုပ်သမျှကိစ္စတိုင်းမှာ သင်ဟာ ၁၀၀% အပြည့်အ၀တာဝန်ရှိပါတယ်။

READ
အသားအရည်ကောင်းမွန်ပြီး အရွယ်တင်နုပျိုဖို့ နေ့စဉ်လိုက်နာသင့်တဲ့ အလေ့အထများ

၆။ သင့်ရဲ့ စိတ်ကို နိုင်အောင်ထိန်းပါ။

ဒေါသထွက်ခြင်းဟာ လူသားတစ်ယောက်အနေနဲ့ ရှောင်လွှဲလို့မရပေမဲ့ သင်အရေးမကြီးတဲ့ ကိစ္စတွေကအစ အဒေါသ အပြင်းအထန်ထွက်တတ်တယ်ဆိုရင် သင့်ဟာရင့်ကျက်တဲ့ လူတစ်ယောက်မဖြစ်သေးဘူးလို့ဆိုရမှာပါ။ဒါကြောင့် စိတ်အလိုလိုက်ပြီး စိတ်လက်မာန်ပါ ပြုမူတဲ့ အကျင့်ကို ဖျောက်ပြီး သင့်ရဲ့ စိတ်ကို ထိန်းချုပ်ဖို့လိုအပ်ပါတယ်။

၇။ ကူညီတတ်တဲ့ အကျင့်ရှိပါ။

အလေးအပင်ပစ္စည်ေးတွမပေးတာတို့ သက်ကြီးရွယ်အိုများကို ကူညီပေးခြင်းတို့ဟာရင့်ကျက်တဲ့ လူတွေရဲ့ အပြုအမူတစ်ခုဖြစ်ပါတယ်။တခြားသောသူတစ်ယောက်ကို ကူညီလိုက်တဲ့အခါမှာ ကျွန်တော်တို့ တခြားသူများကို ပြီးမြောက်အောင်ကူညီလိုက်ရတဲ့အတွက် ပျော်ရွှင်တဲ့ခံစားချက်နဲ့ မိမိလုပ်ခဲ့တဲ့အရာအပေါ်ဂုဏ်ယူတဲ့ ခံစားချက်များ ဖြစ်ပေါ်လာမှာဖြစ်ပါတယ်။

Shwemom

Ref : Her Interest

SHARE